« مقهى الفروانية الشعبي و عشانا في الافينيوز »
السلام عليكم
شلونكم
من فتره ... تقريبا من شهرين ... رحنا مقهى الفروانيه الشعبي
كان توه فاتح
المقهى بسيط .... فيه العاب الكترونيه للاطفال و مطعم مشويات و قعدات
أحلى شي انه جنب البيت
بس مكانه ... شوي صعب للي ما يدلون الفروانيه
هو في شارع كله تصليحات ... قريب من منطقة صباح الناصر و مستشفى الفروانيه
بعدين طلعنا تعشينا في الافينيوز ..
أخليكم مع الصور ..

محلات لبيع الحلويات و الالعاب :

التذكره ب ربع دينار :

بعدين طلعنا على الافينيوز .... هو قريب من المقهى ...
و اكتشفنا مكان جديد ركن كله مطاعم
المطاعم كثيره و منوعه
مكانه ... تمشون ل اخر شي بالمول ... خلوا بروي على يمينكم و كملوا امشوا امشوا ... اخر شي ... تطلعون ب الاصنسير او السلم ل الطابق الثاني و راح تلقون المطاعم وناسه و كان يومها زحمه
اخترنا برجر كنج