1. السلام عليكم ورحمة الله وبركاته

السلام عليكم ورحمة الله وبركاته

وش رايكم يااخوان ويا اخوات كل واحد فينا يقول تجربته هنا عن مقاضي الشتاء ومن وين يشتريها لاني الاحظ كثيير مايدرون من وين يبدون وفين يروحون !وكل واحد يقول تجربته وايش جاب ولا ايش ناوي يشتري علشان نفييد ونستفيد وانا راح ابتدي ونبي تفاعل وردود طيب
م نبدا 1- بالحطب طبعا انا احب الحطب والجلسه في الملحق الشعبي هنا احس الشتااء جاء
2- طبعا الفروه انا اشتريها عادة من المهيدب واحيانا اسرق فروة الوالد الله يحفظه اصلييه من ايام اول عاد اي محل الله اعلم
3- نجي للثياب طبعا تفصيل وافصل عند محل فحارتنا اسمه الرجل الانيق ومرتب شغله اما اقمشتي انا حاله خاصه اكره مالي اللي يتكهرب ويلصق ويعقد ابو عيشتي فدائما اتعامل مع الكسائي ناصحني فيه زميل لي الله يجزاه خير ومن يومها وانا ادعي له
4- نجي للشرابات من الاندلس ولا الكوشكاات حقت ابو هنوود الله يديم الرخخص
5- الجزم وانتم بكراامه انا احب جزم الدو اكثر شيي
6- فراغ بس لازم اقولكم تجربتي تراني اشتري قطن 100% منعا للحساسيه درووش اكثر شي
7- بطاانيات ثقييله وتمووتك حر اشتريها من ايكيا قولولهم للشتاء هو مدري تكنلوجيا يعني لين طلبت شتاء تصير تدفي بشكل ولا تتلحف فيها بالحر ياانك تصير كانك تسبح
8- الغتر حقات الصيف مابعد اخترعوا شتويه بس يمدحون قبعات وشال حقت الاطفاال ياهي تدفي الاذن
9- طبعا غير الخلاقين في البيت هو ع حسب البررد كانه برد تشوفون انواع الخلق كم شاال وكم قفااز وكم شرااب ولو احد يدفني معد قمت خ
يلا عاد نبي تفاعل يمكن نسيت شي مهم ولا شي وانتبه له من ردودكم ونبي اسلوب حلو ومرح ومفيد بنفس الوقت انتظر ردودكم فمان الله .. لا تنسون استغفروا اقبلنا على الشتاء ولا جانا مطر قال تعالى( وقل استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)