1. السلام عليكم ورحمه الله وبركاته..........


2. قال:جيد.

السلام عليكم ورحمه الله وبركاته..........

اولأ: الحمدلله الذي وفقني وحصلت على الفيزا بس بعد اسبوع اروح استلمها.... وإليكم التفاصيل.....
صحيت من النوم 4.45 دقيقه فجراً وصليت الفجر والحمدلله بس بعد مراجعة ألأبلكيشنات يعني ما خليت فراغ في الأبلكيشن الا وعبيته يعني المهم والباقي اللي ما ينطبق علي مثل اسم الزوجه وتاريخ ميلادها حطيت none ورحة اخذت دش وحركت من البيت الساعه 5.40 دقيقه وماشي 220 للسفاره وصلت السفاره الساعه 6.00 تماماً >>>>> والله شوي وابي ابكي والمشكله كل اللي قبلي اعطاهم ورقه صفرا قلت الله يستر وجيت عنده وقلتله جود مورنينج والأبتسامه حقتي اللي تجيب الشك قالي قود مورنينج يو تو قلتله قبل لا يسألني اي سؤال (يو كان سبيك اربيك) قال نعم انا اتكلم لغه عربيه قلت والله النكبه قاعد يطالع في اوراقي
قال: حط اصباعك الأيسر السبابه على الجهاز وحطيته وقال الأن ضع اصبعك اللي في يدك اليمنى على الجهاز وقالي : ليش اخترت هذي الجامعه؟
قلت: وانا مربوش لأنها من افضل 100 جامعه في امريكا....
قال:ماذا؟
قلت في قلبي ويش ذي النكبه اللي انا فيها بس شكله ما سمعه وما انتبه اني مربوش لأنه والحمدلله يطالع في اوراقي....
قلتله: لأأنها معترفه لدى شركة ارامكو...
قال:جيد طيب ما اسم جامعتك؟
قلتله: وانا من الربشه قلبت اسم الجامعه وبرضوا ما انتبه ....
قال: بس سافرت إلى الأمارات والبحرين خلال هاذي العشر سنوات؟
قلت نعم.
قال: ما رحت سوريا ايران العراق؟
قلت: قلت قبل 11 سنه رحت سوريا مع الأهل سياحه..

قال:جيد.

وقبل لا يضعط شي على الكمبيوتر حقه وانا قلتله:ترى كنت اشتغل في محل وهاذي ورقه من العمل وانا مترجم الورقه ومصدقها من الغرفه التجاريه..
وشوي الأبتسامه اللي جات منه والله ريحتني قالي تعال الأسبوع القادم واستلم الفيزا وانا من الفرحه ما ني مصدق واعطاني كرت واخذ الجواز عنده ومكتوب في الكرت اجي استلم الجواز الساعه 3 ظهر قلتله شكراً يا كنج بالإنجليزي طبعاً...
والحمدلله انفكين من السفاره والحمد لله وعقبال الجميع إنشاء الله...........
ملاحظه:
قبل لا تسوي المقابله اقرأ المعوذات وآيه الكرسي وبإذن الله راح يوفقك ربنا....
وآسف على الإطاله.