التون تاور احسن وتستاهل العناء يوم كامل
وبرايتون حلوه تطلعلها من محطه فكتوريا بالقطار 45 دقيقه توصل لها وتزور 3 اماكن فيها
تشرشل سكوير مركز التسوق ببرايتون
وبرايتون بير ملاهي على البحر
والمارينا مجمع على البحر وسينما وبولينغ وسنوكر وبلياردو

مشكور يا حلو يا انا
بس ممكن تقول لي التون تور كيف ممكن اروح لها من اي محطة ؟ معليش ابي الطريقة بالتفصيل
وبرايتون هل فيها اندرقراوند او لا ؟ وكيف اعرف الاماكن هذي وين موجودة وش اقرب محطة لكل واحدة منها
كعليش ادري ازعجتك بس تحملني

طبعا يستاهلون الزيارة
اولا : التون تاور هاذي سالفة واكبر من ثورب بارك
ثورب بارك حلوة وفيها العاب وايد وفيها العاب مائية بعد
وقريبة شوي من لندن يمكن ساعة والله ناسية
اما التون تاور فهي كبيرة جدا بالهكتارات وفوق الجبل والتنقل فيها يكون بالتلفريك
وعندكم الخريطة موجودة عند الباب وفي الاكشاك وفيها العاب خطرة وبطوابير طويلة
فيفضل الذهاب في غير ايام الاجازة
كيفية الذهاب لها:
من محطة والله ناسية الاسم بس هي جديدة لاصقة في محطة كينغ كروس
وتاخذون منها بطاقة القطار لالتون تاور بعرض عندهم
وهو انك تشتري التذكرة لالتون تاور قبل السفر باسبوع بالظبط
والتذكرة تشمل القطار والباص والملاهي
والقطار يتحرك من لندن الساعة 8 الصبح ويمر على مدينة ليستر ويكمل للمدينة اللي فيها الملاهي ويستغرق تقريبا 2 ونص او اكثر
طبعا اغلب ركاب القطار رايحين للملاهي
وتطلعون من المحطة تلاقون الباصات اللي بتوديكم واقفة
وبيوزعونكم على الباصات بسهولة
وبيمشي الباص حول ال45 دقيقة وسط طبيعة رائعة
وتوصلون المواقف ويوزع عليكم تذاكر هدايا
ويتواعد معاكم على وقت معين تجتمعون فية في الباص للتحرك والعودة لمحطة القطار تقريبا 6 الاربع
وتدخلون بدون ماتمرون على التذاكر وطابورها الطويل
وهي كبيرة وكذا قسم
وعندهم عروض احيانا تكون التذكرة صالحة ليومين
وهذا موقع التون تاور واضح فية كل شي
http://www.altontowers.com/
ثانيا :برايتون
وتبعد بالقطار عن لندن 45 دقيقة اقل شي ويكون دايركت وتاخذوها من محططة فيكتوريا
ولازم تتاكدون من طول الرحلة لان بعضها يوقف في كذا محطة ويطول الرحلة
وهناك :
ازيد على كلام الاخوان
يفضل من اول الوصول اخذ الباص المفتوح من على الكورنيش ياخذ فيكم لفة على برايتون تاخذون عنها فكرة وايد مفيدة هاللفة
وفيها بعد مكتبة ومتحف وشغلات بتشوفونها في الباص
وفي باص ثاني يوديكم لفة خارج برايتون جولة على المزارع والطبيعة

مشاء الله المسافره من قطر ماخلت شي
عساها ذخر أن شاء الله
بس برايتون مافيها أندر قرواند
وباجي أسألتك جاوبت عليها الاخت المسافره من قطر وكفت ووفت

مشكورة اختي المسافرة من قطر ما قصرتي والله يوفقك
بس بالنسبة للمحطة اللي جنب كينغ كروس هي Euston ? لاني هي اللي شفتها ملاصقة لها
مشكور اخوي يا حلو يا انا ما قصرت والله يوفقك

لالالالالا
مش ايستون
حتى انا اعتقدت انها ايستون ورحنا لهم قالو مايبيعون لها ودلونا لهالمحطة
وهي محطة غير بينها وبين كنغ كروس شارع داعوس بس
والقطارات في الدور الثاني مش الارضي
واسم المحطة مركب من اسمين
ياليت اذا حد يعرفها يقول لنا

معليش اختي المسافرة ازعجتك
انا ماسك خريطة المترو فيه جنب كينغ كروس Russell Square وفيه Angel وفيه Farringon وفيه Camden Road وفيه Caledonian
يمكن تتذكرين وشو المحطة
وشكرا لك والله يوفقك

أعتقد اذا مب غلطانة Farringon

أنا أعتقد أنها محطه الواتر لو Waterloo من طابقين وتقدرون تروحون فيها الى باريس
واسف على المداخله