مرحبا اخوي بومنت تكساس
طبعا انا ظروفي نفس ظروفك وسمعت نفس الي سمعته .
والي وصلتله انه لازم يكون عندك رقم السوشيل سكيورتي نمبر عشان تستفيد من الاسعار المخفضه والقروض الماليه
ومميزات كثيره مفيده مثل الضمان الصحي وتقديمك على الوظائف .........الخ
السوشيل سكيورتي نمبر رقم خاص فيك مثل رقم الحاسب الالي في بطاقة الاحوال السعوديه الخاصه فيك
المهم انا ممرض في مستشفى خاص من تخرجت ماتوظفت في وظيفه حكوميه
اخيرا قررت اني اروح لامريكا ادرس لغه وادور من هناك على قبول جامعي او وظيفه وعلى الاقل اعرف وش حقوقي
طبعا رحت لمكتب وطلبت منه حجز 3 شهور لغه في معهد مع السكن وبما اني احمل الجواز الامريكي مااحتاج اطلع تأشيره
الي هي خطوه متعبه للطلاب الله يعينهم عليها . يعني كل الشغله في مكتب الحجز ماتاخذ اسبوع الا وانت جايب القبول
ومنتهي . المشكله اني جايب القبول قبل اسبوع وماخذ اجازتي 14 مارس ومسافر 20 مارس يعني بعد 10 ايام تقريبا
احس اني وهقت عمري لدرجة اني افكر أأجل الدراسه اسبوع او اثنين .
وفي خلال الثلاثه شهور اكيد اني بعرف ايش اسوي ادرس ولا اشتغل ولا ارشح نفسي للإنتخابات ههه
وعلى فكره ترى الجواز الامريكي يعني انك مواطن امريكي ولك كامل حقوق المواطن الامريكي
واي سؤال انا حاضر
مع تمنياتي بالتوفيق

بس في نقطة مهمة خلي بالك منها
إنتا معاك الجواز الأمريكي من فترة بس هل أنت من بديت بالعمل في أي وظيفة, هل تعطيهم ضرائب 9% سنويا ولا لأ؟
يبغالك تسأل عن هذي النقطة لأن يمكن تروح هناك ويحاكموك بهذي الضرائب ؟
تحياتي,,,

اخوي مبتعث 2011 اشكرك على هذا التنبيه المهم وعلى مشاركتك القيمه
ابشرك سألت عن هذي النقطه في السفاره الامريكيه وماطلبو مني اي شي . لكن اول ما اتوظف في اي وظيفه
لازم اسدد الضرايب
مع تمنياتي لك بالتوفيق

و الله أعلم إنك إذا توظفت بالجواز الأمريكي في المملكة - يجب عليك دفع الضرائب - و لكن إن توظفت ببطاقة الأحوال لن تدفع الضرائب.
تحياتي،،،