كبتشينوو
با النسبة للفنادق بميونخ الافضل و الاروع اللي ميرديان و يليه الشيراتون ويليهم الهوليداي ان
با النسبة لزيلامسي فندق السي فيلا وفندق الجراند
با النسبه لفينا اللي ميرديان و الماريوت و هيلتون شتاد بارك

• *قائمة الفنادق تطول في كل مدينة...فقط حدد الميزانية وستجد مايناسبك

با النسبة للتنقلات با القطار سهله ومافيها تعقيد من ميونخ الى زيلامسي ثلاث ساعات الا ربع مع تغيير قطار في سالزبورج ومن زيلامسي الى فينا 5 ساعات (4ساعات ونص تقريبا) مع تغيير قطار في سالزبورج ايضا
عندي اقتراح با النسبة للتوزيع تشيل ليله من يمونخ وتخليها في زيلامسي ويصير المخطط على النحو التالي
ميونخ ليلتين
زيلامسي 4 ليالي
فينا ثلاث ليالي
با التوفيق

تسلم لى والله وماقصرت
انا اليوم حجزت وماقدر اغير
حجزت في ميونخ فالى ميريديان
وزلام سيه حياه فل حجزت في سي فيلا هوتيل
وفينا الفندق الى حصلت فيه حجز وقريب هو الانتر كونتيننتال
بس محتار ااجر سياره او استخدم المواصلات
واذا حد بيسوي لي جدول كل يوم وين اروح
راح اكون شاكر له ويعطيه العافيه
وتحياتي لكم كبتشينوو

سلام
اخوي انسى موضوع السيارة لانك ماراح تتنقل بها بين المدن .. فالافضل في فيينا وميونخ بالاندرقراوند او التاكسي .. وزيلامسي مايحتاج تكاسي لانها صغيرة وتلفها برجولك .. واذا بتروح الرحلات خيارك الوحيد هو الباصات ..
وبخصوص جدول رحلات يومي صعبه انك تلتزم بترتيب احد الاخوان او الاخوات لان كلن له ميوله وذوقه .. فانصحك انك تتابع رحلات الاعضاء وتقاريرهم ومنها تعرف ايش المناسب لك .. او شوف عندك المواضيع المثبتة فيها كل مايتعلق بالاماكن السياحية والمطاعم والاسواق ..
وعشان مايضيق خاطرك بعطيك على السريع ..
ميونخ : شارع المشاة .. القرية الاولمبية .. البرج
زيلامسي :البحيرة والقوارب الكهربائية .. شلالت الكريميل .. مرتفعات كابرون .. الزحليقة الصيفية .. الطيران الشراعي .. البراشوت
فيينا : شارع المشاة ( الكارتنر ) .. شارع الماريا هلفر .. قصر الشانبرون .. الملاهي( البراتر ) .. البرج .. الجبل المطل على فيينا .. مغارة هتلر ..
تحياتي لك ..

مراحبا
بالنسبة للأمكان أختصرها الأخ بيمو
أما الموصلات فصدقني أنا مثلك أول مرة أزور أوربا هالسنة وكنت متخوفه من القطار والمترو لدرجة قبل السفر ماكنت أنام
بالمترو أهم شي يكون معك الخارطة ولما تنزل المترو تتبع اللوحات وهذا بمويينخ وفيينا وبالنسبة للقطارات فيه رحلات مباشرة بدون تبديل راح تكون أريحلك مثل من زلامسي للفيينا فيه رحلة يوميا الساعة 3:18 مساء بدون تبديل وبزلامسي أستخدام الباصات سهل جدا والتذاكر اما من الكشك بمحطة الباصات ويكون فيه تخفيض كل ماطالت المدة أو من نفس الباص
في الخدمة دائما

بالنسبة للرحلة من ميونخ الى زيلامسي .. في رحلة مدتها ساعة ونص عن طريق worgl .. شكلها طافت عليك ياحدي مصر !!
وفي نقطة مهمة انتبه للوقت بين تبديل القطارات اذا كان في توقف وتبديل .. لازم يكون اقل شئ ربع ساعة عشان يمديك تلحق القطار الثاني ..
تحياتي