حبيبتي غلا المنامه
انا الوالده بعد تحن تبي شاليه
متحسفه انها باعت الشاليه الي كان عندنا
عموما عن قبل وايد تغير المكان والشاليهات الكبيره حلوة جنها شقه
والمكان نظيف وكلشي متوفر
بس اسعارهم وايد يعني ماقصد اسعار الايجار وانما اسعار الخلو
يعني الواحد حق يطلع من الشاليه ويسلمج اياه تدفعين له 10000 دينار تخيلي بس عن طلعته
وبعدين تدفعين ايجار شهري على حسب كبر الشاليه وقربه من البحر
وعلى قولتج اذا حصلتي واحد >>كلمه ابوي حق يفتك من حنه امي خ

عزيزتي الماسة...
مشكورة على الرد السريع.......
لو على 10000 جان امرها هين، تدرين واحد حاط اعلان في الوسيط يبي فيه 18000 و الثاني يبي فيه 25000 يوم سألته شوله قال الايسية سبلت!!!!
بس بصراحة خايف لأن الكل يتكلم عن المشرع السياحي الجديد الي بيحل محل الشاليهات...سمعتي شي عنه؟؟

غلا انا اقول اخذيلج طقم الماص وانا اختج انفع لج خ
الصراحه حرام الي يسوونه والمفروض في رقابه على هالشي
لكن شتقولين ..
والمشروع ماسمعت عنه بس لو سوه مو من حق احد يقول شي لان اوردي الشاليهات مو ملك
يعني تخيلي تدفعين عليه 25 الف واخر شي يجحوتونج منه وماتقدرين تعترضين

احنا عندنا شاليه وسمعنا بالمشروع .. المشروع موقعه اول العرشان .. لكن من بداية الشاليهات الاجار بيتمون تابعين حق البلديه نفس الشي يعني مابيتغير ان شاءلله ..
الشاليهات صايره وايد حلوه الناس مهتمين فالمكان .. والحمدلله تكاد تكون الازعاجات معدومه .. وصاير كلنا نعرف بعض كأنا فريج واحد
احنا عندنا شاليه او وايد مرتاحين وفي اخ كان حاط موضوع مصور للشاليهات ..
لكن مثل ماقلت صارت الاسعار 20 000 وفوق ولو بتاخذه بأقل بيكون اكيد يحتاج تصليح يكلف هالحدود ..
احنا من سنه او زود شريناه ب10 000 دينار او اشتغلنا عليه باكثر من 7000 وعرضو علينا 20 لكن مانبي نبيع .. ولا نعرف احد حوالينا يبي يبيع ..

OZYEEE
مشكورة يا أوزي على التوضيح عن المشروع اليديد..
لاني عارفة روحي كشحة من اروح محل تحل البركات فيه :212:
الله يسهل يارب و نحصل شالية عدل و نصير من فريجكم...