يعطيك العافية على الموضوع المفيد
وان شاء الله الاخوان ما يقصرون بالمعلومات

صباح الخير مع هالبرد اللي ياكل العظم
رحت الدوام ورجعت
ولا اشوف احد تفاعل مع موضوعي غير الشذى
حياك الله شذى وان شاء الله نشوف تفاعل وردود من الاعضاء
ترجع بالفايدة لي اولاً ثم لكم
بالعكس اتمنى الفاائدة للكل

وعليكم السلام ورحمة الله وبركاته
الجو بشهر سبتمبر
ولا أروع بارد نسبيا وكانت ملابسنا ثقيلة يعني جو الخليج الربيعي
أفضل طيران
الإماراتية
الفيزا
قدمها قبل السفر أقل شئ 40 يوم للراحة وبعد القانون الجديد مايسمحون بالفيزا من مكاتب الوسيط
والجدول 20 ليلة حلو
تكون التذكرة من بلدك - دبي - فيينا - باريس - دبي - بلدك
ويكون فيينا 3 ليالي - سالزبورغ 3 ليالي ومنها الليلة الثانية تستأجرون سيارة - زيلامسي 6 ليالي - ميونيخ 3 ليالي - وبعدها باريس طيران من ميونيخ 5 ليالي
هذا ( النمسا والمانيا و فرنسا ) بما ما أحب جمع سويسرا والنمسا مع بعض الحلو هالدولتين الجنة في الأرض والله يرزقنا جميعا ومن نحب جنات الفردوس الأعلى
نخلي كل دولة سفرة لحالها للأستمتاع فيها
لأنه جذي بسوي إن شاءالله في سفرتي القادمى
( ألمانيا صوب يوروبا بارك - سويسرا - إيطاليا )
( بس أنتظر الخبراء ممكن لهم أراء لجمع الدولتين )
والجدول السياحي
ننتظر عليه لحد تحديد المدن
وهذا تقريري
فيه سالزبورغ وزيلامسي
https://artravelers.com/p/re/788473

هلا هدوء العالم
وماقصرتي على الإفادة
طيب شهر اغسطس كيف الجو؟
وبالنسبة لرحلتك حلوة لكن انا عندي رحلة غير
وباختار الخطوط الاماراتية دامك تمدحينها
بتكون رحلتي من بلدي الى ميونخ ومن ميونخ على طول اخذ لي قطار الى زيلامسي
لأني ابي أول ايامي تكون بزيلامسي قبل فينا
6 ايام زيلامسي، 3 أيام سالزبورغ ، 3 ايام فينا
ومن فينا باخذ لي رحلة داخلية الى باريس
ويش رايك وش الأفضل الرحلة لباريس تكون من فينا والا من زيلامسي ؟

ماسوينا شئ كلنا بالخدمة
طيب شهر اغسطس كيف الجو؟
جربتها في أخر غسطس وأول سبتمبر
وكان الجو روعة وبراد ومثل ماقلت الجو ربيعي
وعلى قولت الوالدة الله يطول بعمرها بالظلال برد وعند الشمس حر لأنه شمسهم نازلة بس مو دائما فيه شمس
كله غيم وأمطار ماشاءالله
وبالنسبة لرحلتك حلوة لكن انا عندي رحلة غير
وباختار الخطوط الاماراتية دامك تمدحينها
الإماراتية من أروع الطيران
بتكون رحلتي من بلدي الى ميونخ ومن ميونخ على طول اخذ لي قطار الى زيلامسي
لأني ابي أول ايامي تكون بزيلامسي قبل فينا
6 ايام زيلامسي، 3 أيام سالزبورغ ، 3 ايام فينا
يصير جذي بس دام تدخل من مطار ميونيخ وبفيزة ألمانية
خلك بالأول في ميونيخ علشان الأجراءات الصارمة
وبنهار الروحة لزيلامسي تأخذ سيارة من مطار ميونيخوإلى زيلامسي 6 ليالي وبعدها سالزبورغ 3 ليالي وبنهار اليوم الرابع تسلم السيارة في سالزبورغ وبالقطار إلى فيينا 3 ليالي
ومنها إلى باريس
ومن فينا باخذ لي رحلة داخلية الى باريس
ويش رايك وش الأفضل الرحلة لباريس تكون من فينا والا من زيلامسي ؟
لا مافيه من زيلامسي وزيلامسي مافيه مطار بس في سالزبورغ وعند الحجز قالوا لي يصير شوشرة وترانزيت وخليتها بالمطارات الدولية كميونيخ وفيينا
ورحلة موفقة بإذن الله
وبإنتظار باقي الخبراء

ولكم باك هدوء العالم
يعطيك العافية والحمد لله اهم شي شهر اغسطس وسبتمر الجو يكون مناسب
وبأخذ نصيحة جدتك في الظل براد وفي الشمس حر ههه

لاتحاتي أخونا دام فيه وقت عندك راسلت أخونا حدي ابها وإن شاءالله يفيدك ‏ بخصوص ‏ الفيزا ورحلة موفقة

السفارة كل يوم لها كلمة من خلال مراسلات سابقة لهم ومن خلال مراسلات الاخوة الاعضاء ،
الحل بسيط
بنسخ لك رد سابق لي على استفسار اخوي عزام
حدي ابها
أنا ما امشي الا بهالطريقة لأن ماعندي ثقة لا بسفاراتنا ولا بسفارات الدول اللي عندنا ، قبل سنتين ردوا عالم بالجملة من مطار ميونخ
الى السعودية لاسباب كثيرة منها
1- التأشيرة المانية وأيام المانيا اقل من أيام دولة أخرى .
2- التأشيرة غير المانية بغض النظر عن مكان اقامتك .
وصادق على هالشيء موقع الخطوط السعودية فترة طويلة وكان فيه اعلان صريح يفيد برفض السعودية قص البوردينغ لأي شخص لا يحمل
تأشيرة شنجن صادرة من سفارة اول بلد تذهب اليه . ثم الغي وما زالت السفارات تعطينا كل يومين نظام للدخول .
فمن قاصرها أنت تلاعب بالحجوزات الين تدخل ميونخ واذا دخلت كلها دقيقتين وانت ملغي الحجز " المهم تشوف شروط الحجز انه قابل للالغاء "
سفرة سعيدة

يعطيكم العافية
اخوي ابها
انا اخاف اتلاعب بالحجوزات ويردوني من ميونخ
وساعتها ماتسوى علي قدام المدام وانا مكشخ يعني اني وفي الاخير يردوني ههه
المهم دام ميونخ فيه حوسة وتعكير مزاج
انا باخذ الفيزة الى فينا وبيكون الوصول عن طريق فينا
يعني بتكون رحلتي
من بلدي الى فينا ومن فينا بأخذ سيارة الى زيلامسي 6 ليال
ومن زيلامسي الى سالزبورغ 3 ليال وبارجع مرة ثانية الى فينا 3 ايام واليوم الثالث باخذ رحلة الى باريس 8 ليال
فهل الفيزة اذا كانت عن طريق النمسا اسهل اجراءات من غيرها؟