شوف يا أستاذي... انا درست في تورنتو حوالي 6 شهور... في مدرسة اسمها aspect مدرسة تجارية يعني.... تورنتو مدينة فوق الممتازة ويكفيك انها قريبة من النياجرا...اما من ناحية المواصلات مافي اسهل منها واضحة جدا فيها نوعين من المواصلات...السب واي فيها خطين اساسيين الخط الأول يأخذ المدينة من الشرق للغرب وخط ثاني ياخذها من الشمال الى الجنوب.... وانت اول ماتوصل المدرسة ان شاء الله راح يعطونك خريطة للمدينة...وبكل سهوله راح تفهم كل شي... النوع الثاني من المواصلات هي الباصات... الباصات مرقمة وكل رقم يمر في شارع معين...ورقم الباص موجود في الخريطة... مثلا... اذا سكنت في الشرق عند محطة اسمها فكتوريا.... وتدور على رقم الباص المناسب لمشوارك على حسب الخريطة اللي معك.وهذا كله يكلف 100 دولار كندي في الشهر شامل مواصلات السب واي على الباصات...هذ الكلام على ايامي.. يعني قبل سنة ونص. تقريبا..واذا اختلف ما اعتقد انه بيزيد كثير.يعني انت راح تحتاج 200 دولار كندي لمواصلاتك خلال الشهرين اللي راح تقعدها.
ومدرسة الEF في منطقة الداون تاون...واذا الله اختار لك تورنتو توقع اي مكان تسكن فيه يعني قد يكون قريب او بعيد يعني لا تشيل هم.... المواصلات مسهله الدنيا...اول ماتوصل ان شاء الله راح يستقبلونك ويودونك العائلة اللي راح تسكن عندهم.....جرب نفسك معهم كم يوم اذا ماعجوبك اطلب من المدرسة يغيرونها لك...لاتجامل ولاتستحي.
بس انا عندي لك نصيحة..... انك لو تحاول تدرس في المدرسة تبع جامعة تورنتو....او تبع كليه سنيكا...او اي كليه حكومية لإن الدراسة فيها افضل من المدارس التجارية زي aspect او EF لاتغرك الدعايات والصور الحلوة..اهم شي الفايدة.. كانت طالبة كورية تدرس معنا في aspect وبعدها حولت على مدرسة جامعة تورنتو سألتها على مستوى الدراسة قالت فيه فلاق كبير....لأنهم يطلبون منهم واجبات زي انك تعمل مقابلات في الشارع مثلا....يعني تحتك كثير.وفيه زميل اخر حول كليه سنيكا....يقول دراسة صدقيه..واما العرب تراهم في كل مكان لاتقول لنفسك ماراح احصل عرب..... راح تحصل اكيد. بس انت ضبط وضعك.
ومن الحين لحد يوم السفر باقي معك وقت كثير تقدر تقدم ويجيك القبول وانت مرتاح وربنا يوفقك ويسهل عليك..
هذا موقع فيه جميع الكليات اللي في مقاطعة اونتاريو اللي فيها مدينة تورنتو
http://www.ontariocolleges.ca
وهذا موقع مدرسة اللغه تبع جامعة تورنتو
http://esl.learn.utoronto.ca/scripts/index_.asp
وبالتوفيق ان شاء الله.
واذا لك أي استفسار انا حاضر.

in Toronto you will not need a car, because they have really great and awesome transportation system like Subway and 24 Buses
and this is the link for TTC http://www.toronto.ca/ttc/disruptions.htm

sorry i forgot to tell you that you can buy a Metropass for 98.75$ and you will be able to use the subway and buses for a month

اهلا اخ denzel أولا بغيت اقولك شي... انا طلعت عن طريق مكتب وفي الأخير اكتشفت ان المكتب له علاقة تجارية فقط مع المدرسة لا أقل ولا أكثر... وظيفتة انه يرسل المعلومات حقك الى المدرسة والمدرسة من غير تردد لانه مكسب لهم واخونا في الله راعي المكتب يحصل له قرشين من العمليه وصلى الله وبارك... واول ماتوصل هناك يصير المكتب ماله علاقة فيك... يصير تتعامل مع المدرسة مباشرة..وعاد انت وحظك مع المدرسة. اما موضوع التكلفة فهو على حسب المدرسة أولا وبعدين موضوع التذاكر يفضل انك تروح أكثر من مكتب سفريات وتشوف العروض اللي عندهم وترى أغلبها تمر عبر لندن ومنها يمر عبر فرنسا وانت شف الأنسب انا كلفتني التذكرة السنويه 7700 ريال.. اما تكلفة الدراسة غالبا ماتنحسب بالإسبوع عندهم...انا انصحك بإنك تعمل دراسة لكل المدارس اللي في بالك وعندك مدارس بالهبل.... واحسبها بتكلفة الساعة خلك من موضوع 30 الف لمدة 6 شهور.... ومنه الحكي هذا...ياخي يمكن تطلع قيمة الساعة اغلى منها في مدرسة تبع جامعة مثلا... او مدرسة تبع كليه مثلا.. اما من ناحية العوائل.... انصحك انك تأخذ السكن لمدة مثلا شهر او شهرين...علشان اذا ماعجبتك العائلة.تقدر تغير بنفسك..وحاول تدور عائلة ارخص لان البلد مفتوحة لأبعد ما تتصور يعني مثلا قد تلاقي في الجرايد اعلانات عوائل يبغوا طلبه وتلاقيهم باسعار مختلفه..... انا كان المعهد يحسب علي 220 في الإسبوع وفيه زميل كوري كان ساكن ب 150 في الإسبوع...وفي نفس المنطقة وبنفس الخدمات...غرفة مع وجبتين. اما المصاريف الشخصية هذي عاد على حسب يدك..7 الى 10 دولار يوميا هذه لابد منها مصاريف غدا.... والمواصلات خليها 100 في الشهر...والباقي على يدك انت.
وفيه شي ثاني بغيت اوضحه هنا ان الفيزا نوعين...اذا كانت الدراسة اقل من 6 شهور تصير فيزا زيارة...واما اذا كانت اكثر من 6 شهور يعني 7 شهور او 8 مثلا... تكون حاجة اسمها study permit يعني فيزا طالب...هذه ميزتها انك تقدر تجددها بسرعة لمده 5 سنوات وتقدر تسافر وترجع لكندا من غير فيزة ثانية.بس المطلوب زيادة هو فحص طبي.
على العموم ربنا يوفقك ويسهل عليك وعلى جميع الطلبة.
اي استفسار انا جاهز. ولاتتردد بالسؤال.

السلام عليكم ورحمة الله وبركاته
انا ان شاء الله بروح لتورنتو في الصيف والحين احترت بين معهد aspect والمعهد التابع لجامعة
تورنتو
ممكن اروح لمعهد الجامعة عن طريق مكتب او لازم انا اراسلهم
وانا فعلا احترت ماعرفت مكتب زين بالخبر اذا تعرفون دلوني على مكتب جيد يكون تعاملهم صادق مو
مثل بعض المكاتب اللي يغشون الناس
واخيرا انا ابغى اطلع على الخطوط البريطانية من السعودية( سمعت انهم بيقفون الرحلات
مادري صح ولا لا) او من البحرين فاذا عندكم خير كم سعر التذكرة ذهاب وعودة.
اسف اطلت عليكم وتعبتكم معاي

هلا والله بأهل الخبر .... أخ يا زين الخبر وأهلها
حبيبي ، أول شي اتمنى لك التوفيق ، ثاني شي ، كيف الخبر وأهلها ... تراني مرة مشتاق لها
المهم : الصراحة ودي أخدمك بس ترى معلوماتي ما هي بالحيل ، بس إن شاء الله تنفعك
أنا ألحين في فانكوفر ، طبعا على حسب معلوماتي ، الكل يفضل فانكوفر لأسباب كثيرة ، الأمان و الطبيعة الخلابة والجو الحلو على مدار السنة وكثرة السياح الأجانب يعني ما رح تحس إنك غريب ، أصلا بتحس إنك في كوريا أو الصين من كثرتهم ... وإيضا لا تنس كثرة المدارس والمعاهد
بالنسبة للمعاهد ، الصراحة يمدحون معهد اللغة التابع لجامعة برتش كلومبيا ( U B C) ويمدحون المعهد التابع لجامعة (vcc) عندهم معهدين على ما اتوقع .
طبعا نصيحتي لك لا يهمك وجود العرب من عدمهم ، بقدر ما تهتم بمستوى المدرسة وقوة برنامجهم
لأنك بتحصل معاهد ما فيها عرب ، بس الخوف إنها تكون خريط ، يعني ما عندهم سالفة ، حق فلوس بس ، وكثير ما هم ، وبعدين خلك ذيب وشد حيلك ، وتقدر تظبط نفسك إذا كان عندك عزيمة صادقة
وإنتبه ، وإحرص ، لا تدفع المبلغ كامل ، لا حق المدرسة ولا حق السكن
لأنه يمكن ما تعجبك المدرسة ، او العايلة ما تعجبك ، فيكون عندك خيار للتغيير ، أما إذا عطيتهم فلوسهم كلها , فالله يخلف عليك .
بالنسبة للتسجيل والحجز ، خلك من المكاتب واسعارهم
إدخل على موقع المدرسة الي تبغاها ، وأبد ... بتسجل ويظبطونك عن طريق الإيميل
طبعا اتوقع بتقولي ما عندي لغة ، مش مشكلة ، شوف لك اي واحد حبيب عنده لغة ويظبطك
واقترح عليك إنك تقرا مواضيع الاخ : اسبرنزا ، عن فانكوفر ، لاني الصراحة استفدت منها وجزاه الله خير
أتمنى لك التوفيق ، ولا تنس أن تكون خير سفير لدينك ووطنك
واعتذر عن هذي المعلومات المخربطة بس عساها تنفعك

اما عن aspect اذا تريد نصيحتي....حاول تشوف غيرها وبالأخص المدارس اللي تبع الجامعات زي ماقال الأخ ولوwlw .لأني انا درست فيها .اذا الله اختار لك تورنتو... فحاول تشوف لك مدرسة تبع جامعة او كلية والله افضل بكثير من المدارس التجارية بالف مرة على حسب ما سمعنا من الطلبه اللي نقلوا من aspect .. اما من ناحية المراسلة فانا اقولك انت ماراح تحتاج مكتب. زي مايقول الأخ ولو.. هم ناس يقدرون العمل.انت اذا ارسلت لهم رساله منظمة ومحددة بمطلبك على طول راح يرسلون لك الجواب وهكذا تبقى تراسلهم وتشوف اش مطاليبهم لحد مايجيك القبول منهم وربنا معك.... اما تورنتو انا رأيي اشوفها أفضل لآنها قريب النياجارا وتقدر تروح رحلة الى العاصمة ومنها الى مونتريال غير الأماكن اللي داخل المدنية نفسها واللي تقدر توصل لها بكل سهوله...لكن حط في بالك انك رايح لهدف....وربنا يوفق الجميع.

وهذا موقع لجميع المدارس الخاصة الكندية للغة اذا رغبت في مدرسة خاصة منه تختار المقاطعة ومنها المدرس وحاول تقارن بنفسك وتقرر بنفسك...
http://www.capls.com/
وبالتوفيق .