السلام عليكم ورحمة الله وبركاته
شلونكم ياعرب ان شالله زينين
اليوم قررنا نتعشا بمطعم .. بس ماحددنا مكان ومشينا على الدزه :tongue:
كعادت اسرتي الكريمه بلاتخطيط
ومره محتارين وين نروح ,, واحنا بالسياره نفرفر قررنا على مطعم هندي لاننا راعين حباحر:8888:..
طبعا مانبي شي مجربينه ( كوبر شدني وافاد ومكاني والصيف الهندي) وقلنا نجرب
الكوخ الهندي
ومكانه بحي السليمانيه خلف اسواق السدحان مباشره
شارع ثلاثين السليمانية (شارع ممدوح بن عبدالعزيز)
شكله من برا حليو ومرتب بس لما دخلنا انصدمنا ماتوقعته هيك
بس افضل من مكاني ترا حرام اظلمه حلو بس ماحبيته يمكن عشانه كئيب وهدوء
حتى اخواتي ياحبيلهم يقولون نوف لاتنزلينه بالنت مايستاهل خ
على فكره اخواتي يسلمون عليكم ريم وساره بينبسطون اذا شافو اسماءهم :106 تراهم بزران )
بسم الله نبدا بالصور
هذا شكله من برا

قسم العائلات ندخل بابهم ثمن سيب طويل من شفت السيب واغسل يديني ماعجبني شكله
بس امي قالت واحنا لعبه معك خلاص نزلنا مافينا نرجع

بشكل عام جلسات ساتره جدا تنافس مطاعم عرعر ههه وجلسات مفتوحه

الهندي مره حبيب صور مع اخواتي وتحمس معنا مره عسل الهنود

مكانا

حطيت لكم مقتطفات من المنيو حقهم عشان تشوفون اسعارهم بصفه عامه اسعارهم حلوه

التواليت والمغاسل وانتو بكرامه

ضيافتهم كثر الله خيرهم مره تكلفو

بعدها قدمو الصوصات طبعا تدرج من حار لوسط لبارد

الحين جا دور طلبتنا
شوربا مانشو اخترنا اغلى الي بالقائمه ب 14 على بالي يتصير حلوه طلعت الله يكرم النعمه
دجاج ولحم ومدري ايش مره مطاريس ماقدرت اكملها

برياني لحم مره لذيذ ويكفي شخصين والثالث بيبي سعره اعتقد 24

طلبت 3 انواع خبز ( نان) عادي وبالزبده وبالجبنه .
جمبري ماسالا اعتقد ب35 مره لذيذ

دجاج بالاعشاب مره سباسي وحلو

صحني

ويوم طلعنا عطونا الفاتوره تقريبا 100 ريال وقدمو لنا هالصينيه
عموما ,, المطعم وش يميزه
مره كئيب وهادي جدا جدا جدا
في ميزه حلوه مافي تدخين ابد
اسعاره حلوه جدا 10 على 10
نظافته10من عشره
المشروبات الغازيه بريال واحد
وختاما
سبحانك اللهم وبحمدك ، أشهد أن لا إله إلا أنت أستغفرك وأتوب إليك