أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمه الله وبركاته
سمعت انه مطار هيثرو يسكر ومايفتح الا الساعه 6 الصباح
وانه حقين التاكس فري مايفتحون الا 7 الصباح
ايش مدى صحت هالمعلومه؟
واذا انا رحلتي 8 ونص يمديني على التاكس فري او لا؟
نعم مطار لندن يسكر بالليل اتوقع من 12 الى 5
نعم يمديكم كلها 5 دقائق
ولازم تكون عدكم الفواتير والجواز ولتذكرة والبضاعة المشتراة
تقريبا في كل 100 باوند 9 باوند تكس فري وبعض الاحيان على حسب البضاعة
رحلة سعيدة
الله يوفقكم يارب وتحصلون فلوس التاكس فري كاش
انا طرشوا لي نص المبلغ على الفيزا والنص الباقي والي هو الاكثر سحبوا عليها تقريبا راح عليي اكثر من 1000 باوند
أنا لسه راجعه من اسبوع......واستنيت في الطابور حوالي نص ساعه وخلصت بس الموظفه قالتلي انه وقت الزحمه عادي الدور يوصل لساعتين إذا كنت تريد فلوس التاكس فري كاش....واذا في الكريديت حط اوراقك وملي الفورم وروح. بالنسبه لمواعيد مكتب التاكس فري حسب الموقع
Monday to Friday 8.00 a.m. - 10.00 p.m., Saturday and Sunday 10.00 a.m. - 8.00 p.m
مرات كلها 5 دقايق و انت واقف
مرات اكثر من ساعتين انتظار و نص ساعه بس يحسب و يتمطط الموظف خاصه اذا نهايه الشفت او بدايه الشفت ماله
مره الطابور من طوله خلص المكان ووصل نهايه الطابور لي الكاونترات اللي ورا والله كان معانا بنفس الوقت طايرتين الليابان مادري كوريا و شوف الوضع عاد
المطار يسكر بعض الاشياء 11 و بعضها 11:30 حسب التيرمنال
و يفتحون اشياء 6 و اشياء 6:30 و اشياء 7
قليل اللي يفتح 5
شيك الموقع الرسمي لمطار هيثرو
اذا يفتح التاكس رفند الساعه 7 فماعتقد يمديك
الساعه 7 علي ما يفتح و تخلص شغلك الا 7 و نص .. بتروح بعدين كاونتر الجناط تدخل جناطك و تسوي شيك ان الا الساعه 8 .. علي ما تدخل الجوازات الا سكروا الطياره :
|لكن اذا يفتح 5 او 6 يمدي بالتاكيد ان شاء الله
في طريقه الثانيه طبعا .. و اهيه انك تملي كل الاستمارات و تحطهم مع الفواتير في ظرف و ترميه في مكان مخصص له و هم يحولون علي البطاقه بعدين .. نفس مطار قيتويك مافيه كاش مافيه الا هالطريقه ..
اسهل طريقة قطار الاكسبريس من محطة بنقنتون اللي خلف الهيلتون في الاجول رود مدة الرحلة 15 دقيقة ب 17 باوند تقريبا
عن طريق الاندرجراوند على الخط الازرق المتجه الى المطار مكتوب علية 1-2-3- المصود بالارقام القيت مال المطار
مدة الرحلة 45 دقيقة والتكلفة تقريبا 7 باوند
بالتوفيق
نعم يمديكم كلها 5 دقائق
ولازم تكون عدكم الفواتير والجواز ولتذكرة والبضاعة المشتراة
تقريبا في كل 100 باوند 9 باوند تكس فري وبعض الاحيان على حسب البضاعة
رحلة سعيدة