وعليكم السلام ورحمه الله وبركاته
عودتك من وين بتكون يا غالي
هل بتروح لباريس وتعود منها
الي ميونيخ الطريق بالقطار متعب او تبي تتوقف في ستراسبورغ او معاك سياره وهي الافضل
الخطوط الفرنسيه من الشرقيه تنزل عروض مرات حلوه
ينقل للاستفسارات
وطيران الخليج اعتقد يسمح لك توقف سيارتك مجانا خلال سفرك بالمطار

وعليكم السلام
توقيتك راح يصادف ايام العيد اذا الله احيانا
يعني راح يكون زحمه وموسم والاسعار مرتفعه
حلو انك تبدا التخطيط من الحين راح تلقى عروض كثير
اذا تبي فرنسا وميونخ بس الانتقال الاريح بينهم بالطيران
اذا تستاجر سياره راح يكون المسار مختلف وبتغطي مناطق اكثر
حاول يكون الوصول دوله والاقلاع دوله ثانيه
للاسف طيران الخليج ما تنزل في ميونخ فقط فرانكفورت

فيصل
هلا يالغالي مشكور على الرد
من شرط اروح لباريس وارجع منها عادي لو أبدا من باريس او ميونخ
ودي مخطط سهل علي حتى لو بسيارة عادي
يعني نصيحتك انزل في اي دولة ثم ....ثم ....
حلو طيران الخليج يسمح أوقف السيارة مجانا معلومة حلوه
تحياتي لك

FANDA
مشكورة أختي ام ريم
من شرط فرنسا وميونخ بس
ان شاء راح استأجر سيارة
وش تقترح اي دولة انزل فيها وأي دولة اقلع منها
تحياتي

ما دام براسك ميونيخ
خلي وصولك باريس وعودتك ميونيخ
بس اعتقد السعوديه ما ترجع الا من فرانكفورت
باريس قطار الي ستراسبورغ
تحجز السياره من كيهل هي قريه قريبه من ستراسبورغ المانيه وتسلم السياره في فرانكفورت تزور الغابات السوداء وميونيخ
اسال عن الجانب الالماني في البوابه الالمانيه او من لديه خبره سوف يفيدك
خلي في بالك 6 الي 5 ايام حلوه في باريس

الوصول باريس 5 ايام بما فيها يوم لديزني
وبعدين بالقطار الى ستراسبورغ الفرنسيه ومثل ما قال فيصل استئجار سياره من كيهل الالمانيه عشان تتجنب ضريبة ارجاع السياره في دوله ثانيه دام اخر محطة لك هي ميونخ
السكن اما ستراسبورغ او بادن بادن قراب من بعض بينهم اقل من ساعه
ما يفرق وين السكن بس بكون نقطة انطلاق لزيارة ستراسبورغ بادن بادن اليورب بارك و الغابات السوداء
وممكن اذا عندكم وقت كافي تزورون فرانكفورت بعد قريبه
بعدها انترلاكن الساحره والاستمتاع بانشطتها المتنوعه
بعد انترلاكن التوجه لميونخ بس لانه المسافه طويله شوي الافضل تكون لكم نقطة استراحه في النص
حسب الي شفته من تقارير الاعضاء انه بحيرة كونستانس مناسبه جدا تقلل المسافه بين المنطقتين وتستحق الزياره
ومنها الانطلاق لميونخ المحطة الاخيره وتسليم السياره والاكتفاء بالمترو للتنقل
ابعد مسافه في الرحله هي 3 ساعات قياده بالسياره وشوفها مناسبه وغير متعبه مع الاجواء والطبيعه الي ترد الروح

ممكن برنامج ثاني مختلف نهائي عن الاول
الوصول باريس وقضاء 5 ايام
بعدها بالطيران الى ميونخ واستئجار سياره من المطار ومباشره الى سالزبورغ النمساويه لمدة ليلتين
بعدها زلامسي 4 ليالي على الاقل
واخر شي العوده الى ميونخ 3 ليالي

فيصل
مشكور يالغالي على الرد
سؤالي كيف أحجز قطار من باريس الى ستراسبورج ؟ وكم هي المسافة ؟
والله ما قصرت

FANDA
مشكورة أختي ام ريم
شكلي باخليها كذا الوصول باريس لمده 5 ايام ثم بالقطار الى ستراسبورج لمده ليلتين ثم انترلاكن( كم المسافة؟) لمده ليلتين ثم زل أمسي 4 ليالي كم المسافة؟ ثم ميونخ 3 ليالي
كيف التخطيط هذا ؟