عليكم السلام ورحمة الله وبركاته
ايامك قصيرة ياخوي تركي لاتقضيها كلها بالتنقلات روحه باريس ورجعة مرة ثانية للندن ماتصلح الا انك تخلي الرجعة من باريس اوكي
يعني الوصول لندن والمبيت 5 ايام وبعدين باريس 3 ايام والعودة منها للديار
طبعاً اخوي تركي الفيزا جميعها تجهزها من هنا قبل الذهاب
هذا واي خدمة اخرى حاضرين

مشكور اخوي فارس
بالنسبة لاقتراحك ماكان على بالي صراحه وشيكت على موقع الخطوط بحيث ان يكون خط سير الرحله كالتالي
جده الى لندن في 28 مايو
باريس الى جده في 5 يونيو
ولقيت السعر ارخص من جده لندن ذهاب وعوده
طيب كم تكلفة القطار من لندن الى باريس؟شخصين بالغين وطفل رضيع ؟
بس مشكلتي الحين اللي شايل همه هي الفيزا هل اعطيها مكتب يسويها لي كامله افضل ؟ واخاف انها تطول

بغيت استفسر عن مواعيد التاشيره انا عملت الطلبات الثلاثه وباقي عمليه الدفع بس حبيت اسال عن طريقه حجز الموعد لاني لاحظت فيه اماكن كثيره قسم للرجال وللنساء اعتقدهل اختار لكل طلب موعد لحاله ؟؟
طيب ابيها كلها بيوم واحد لاني راح انزل انا واهلي من الطايف لجده عشان الموعد

نعم اخوي تقدر تخلي موعدك وموعد زوجتك والطفل بيوم واحد وبينهم دقايق شوف الاوقات مثلاً انت موعدك تخليه 10:00 وموعد زوجتك 10:05 وهكذا تستطيع تروحون سوى واختار قسم العائلات لكي تدخلون جميعكم مع بعض

مركز التأشيرات الموحد مايحتاج عائلتك تروح انت خذ كل شي معك وخلاص انا مطلع فيزا فرنسيه
واهم شي خلي زوجتك لايكون متحجبه حجاب كامل في صوره الفيزا لازم تكون مطلعه الرقبه وشوي من الشعر لأنهم رجعوا صوره زوجتي المتحجبه
وباريس لها فيزا لحالها وبريطانيا لحالها مو شنقن وخليك على لندن أفضل الصراحه والمره الجايه أن شاء الله خليها لباريس ومعها كم دوله من دول الشنقن أفضل لك
رحله سعيده

يعطيكم العافيه وماقصرتم الصراحه وتخلون الواحد يتحمس للسفر ومايخاف انه يتوهق هناكواستفدت كثير كثير منكم وان شاءالله تكون سفره موفقه...

عسى الله يوفقك ويسمح دربك
اتمنى لك سفرة سعيدة وموفقه واي شي مو واضح لك لاتتردد اسأل عنه واعرف قبل تروح هناك علشان تكون على بينة
الله يحفظك

اخوي فارس مساك الله بالخير يالغاليمشكور جدا تعبتك معاي كثير لكن مانستغني عن خبرتك اسال الله سبحانه ان يجعلها في موازين حسناتك
حبيت استفسر منك بخصوص الفيزا انا شكلي جبت العيد الصراحه في فيزا زوجتي
عبيته تمام بس في الجزء اللي يخص الوظيفه والدخل حطيتها انها طالبه والدخل المكافأة حقتها ونسيت المفروض اني احط معلوماتي انا بما اني انا اللي متكفل في المصاريف
طبعا كتبت اسمي كامل في معلومات المسؤل عن العايل واللي متكفل فيها لكن الغلطه فقط في انها طالبه والدخل مكافأتها
هل راح تتعقد التاشيره لهذا السبب؟؟ وهل يمكنني اعدلها ؟ باقي الدفع فقط للتاشيره
الشي الثاني لو مثلا لاقدر الله رفضت التاشيرات هل استطيع استعاده المبلغ ؟طيب حجوزاتي في الخطوط السعوديه عروض خاصه ماترجع قيمتها عند الالغاء لازم يطلبون التذاكر ؟
موعدي بعد شهر في السفاره واحس الموعد بعيد صراحه لاني اخاف تطول او يصير شي يضيع السفره
هل اقدر اخذ خدمه vip وانزل لهم الاسبوع هذا بدون موعد ؟؟
تأشيرة الرضيع هل تحسب نفس تاشيره البالغ ؟؟ لانهم عطوني نفس السعر للكبير ؟

اخوي بالنسبة للوظيفة زوجتك اذا هي طالبة تكتب طالبة ومكافئتها صح اللي سويته
معلومات ولي الامر اذا كان معك شخص اقل من 18 هو اللي تدخل معلومات ولي امره
ثانيا بامكانك التعديل على الابليكيشن باستخدام الرقم الخاص gwf و الايميل والباسوورد تقدر تضيف او تحذف او تعدل اذا لسا ما دفعت
بالتوفيق وعذرا تدخلت بالموضوع