shortlife
22-10-2022 - 05:10 pm
السلآم عليكم ورحمة الله وبركاته
أنا وعآئلتي حآبين نسآفر لأندونيسيا باجازة عيد الأضحى يعني بعد أسبوع او اقل من أسبوعين .
عددنا 4 كلنا كبار مآفي أطفال .
وبنقعد 10 أيام اذا ربي أراد شنو الأمكان الي تنصحونا فيها وحابين نسكن بشقق مو بفنادق تكون نظيفة ومرتبه..
ونبي اماكن جميله وكم تقريبا بتكلف الرحلة ..
هل في مكتب سياحي تنصحون فيه بالخبر ..؟
من خبراتكم ممكن تعلموني شنو أفضل الأماكن تصلح لعائلات وتكون السفر ممتعه ..
بنتظآر مشورتكم ومسآعدتكم...
ايامك قليله لو تزودها بحيث تصير 12 او 13 يوما 10 ايام ماتسوى شي مع تعب الطيران
بحيث تكون يوم جاكرتا للراحه
الجبل 6 ايام
باندونق 3 ايام
جاكرتا 3 ايام يوم وصول من باندونق ويوم لفعاليات انشول ويوم للتسوق
الطيران حاول يكون قبل اجازة المدارس بيومين او ثلاثه للبحث عن فيلا مناسبه في الجبل وحاول تحجز من الخطوط الامارتيه او الاتحاد او القطريه وتطلع بسيارتك لدبي او الدوحه افضلك والسعر من 7 اكتوبر والعوده 20 اكتوبر حدود 3100 للشخص فوق 12 سنه
التكلفه احسب من 800 الى 1200 لليوم معيشه وسكن وسياره مثلا نقول 1000*12=12000 ريال والطيران 12400 يعني 25000مع فيزا الدخول 25 دولار للشخص
حجز الطيران يلزمك فيزا تسوق تشحنها بالمبلغ المطلوب السكن في جاكرتا وباندونق تحجز من البوكنج بالفيزا والجبل الفلل على نظرك تشوف وتكاسر وتدفع دمت بكل خير