هلا اخوي الطود.
اول ما قريت موضوعك على طول دقيت على واحد من الشباب بيجيب خدامه فلبينيه عن طريق شغالة اخته.....يعني المكتب ماله شغل. مثل سالفتك باالضبط.
شوف ياالغالي كل اللي عليك تسويه هو التالي:

• تروح لبنك الرياض عشان تسدد قيمة الفيزاء 2000ريال "حتى لو ما عندك حساب.ادفع وراح يعطونك نموذج موضح فيه انك دفعت"
• تاخذ صورة جواز الخادمه اللي تبيها تشتغل عندك + النموذج حق البنك .
• تروح لمكتب العمل وتطلب منهم يسون لك فيزاء باسم الخادمه.طبعا تعطيهم صورة جوازها. اقل من ساعه وتاخذ الفيزاء.
• على طول تعطيها الفيزاء وتقولها لازم تشوف لها مكتب في ديرتها متخصص في تخليص معاملات الخدم من السفاره السعوديه. وان شاء الله اقل من اسبوعين راح تجيك الموافقه من السفاره السعوديه في ديرتها. وهي راح تتصل عليك.
• بعد ما تتصل عليك انت على طول تروح تقص لها تذكره من ديرتها الى ديرتك.وتتصل عليها وتبلغها بموعد الرحله وهي راح تجيك ان شاء الله.

ملاحظه: هي ما تقدر تخلص امور فيزتها من السفاره السعوديه بدون مكتب مختص. ليش؟لان فيه اوراق كثيره لازم تسويها هناك قبل لا تجيك مثل الفحص الطبي.والتحقق من بياناته وغيره.
اسف على الاطاله ياالغالي. والله يوفقكم ان شاء الله.
وشكرا

الله يببيض وجهك يابو فهد ، ويجعل ماتقدمه في ميزان حسناتك
طيب يابو فهد لو بغيت الخادمه تجيب لي وحده ثانيه غير اختها يعني بإختيارها هي
كيف الطريقه ؟؟
ادري إنّي كلفتك ، لكن مالنا غنى عنك بعد الله ،،،

هلا باالطود. افا لا كلافه ولا حاجه. نحن هنا لخدمة بعضنا ياالغالي.
نفس الطريقه راح تسوي. اطلب منها ترسل لك صوره من جواز الخادمه .وبعد ما تستلمها روح وسدد رسوم الفيزا وبعدين خذ نموذج التسديد واطلع على طول الى مكتب العمل وطلع لها فيزاء باسمها. وبعد ما تاخذ الفيزا تاكد انها باسمها . بعد ذلك ارسلها لها على عنوانها عن طريق البريد. واطلب منها تخلصه عن طريق مكتب هناك يتعامل مع السفاره السعوديه.
لا تنسى تاخذ صوره من الفيزا قبل لا ترسلها "للا احتياط فقط"
والله يوفقك ان شاء الله.
شكرا

الله يكرمك يابو فهد ، ويطوّل عمرك على طاعته
طيب وش رايك
اسوي توكيل للخادمه اللي ودّها تسافر ، واعطيها التأشيره
وهي بنفسها تخلّص كل شي من هناك ، إجراءات وحجز وغيرها ، وإذا رجعت شغالة اخوي تجيب شغالتنا معهاا
يعني اختها رفضت العمل ، وابيها تجيب وحده من معارفها ، وهي بنفسها يعني شغالة أخوي تقول بحاول في اختي
وإذا رفضت العمل بجيب وحده ثانيه من اقاربي..
يعني يالغالي لو أعطيها الوكاله تخلّص الاجراءات بسرعه
بدل إنّي أنتظر ترسل صورة الجواز وأخذ أياام واسوي الاوراق وبعدين ارسلها ، على كذا انتهت اجازه شغالة اخوي ، لان شغالة اخوي ماخذه اجازه شهر بس ،،
وش رايك ، وراح اسوي اللي تقوله لي بالنهايه

بالخير اخوي ابو فهد ، انا كتبت اليوم رد وانت متواجد في الموقع
لكن باح مدري وش السبب لكن اخوي بوفهد
طال عمرك لو أعطي الخادمه توكيل وهي تخلص الإجراءات من المكاتب هنااك ماهو أفضل

ياالغالي طود. انت عطها الفيزا. وهي راح تخلص لك الامور من المكاتب اللي هناك بنفسها. يعني ما يحتاج توكيل ولا حاجه منك لان الفيزا باسمها.
التعب اللي عليك هو فقط انك تشيك معاها اذا اخلصت امورها من السفاره ولا لا عشان تقص لها التذكره بس.
وشكرا

واطلب منها تخلصه عن طريق مكتب هناك يتعامل مع السفاره السعوديه.
طيب المكتب الي هناك ما ياخذفلوس.......-
بعد ما تتصل عليك انت على طول تروح تقص لها تذكره من ديرتها الى ديرتك.وتتصل عليها وتبلغها بموعد الرحله وهي راح تجيك ان شاء الله.
والتذكره وشلون اقصها من هنا ما فهمت

ما رديتو على سؤال ابو ليال
ردو الله يخليكم لاني ابي اعرف الاجابه...........

اخي ألطود
مع احترامي لما >كر اعلاه من مشاركات الاخوه الا انني لا اعرف شئ اسمه استخراج فيزا باسم الخادمه ولا ادري من اين أتى صاحب الاجابة بهذه المعلومة!!!!
مكتب الاستقدام لا يعطيك تاشيرة مذكور فيها اسم الخادمه ابدا حسب اطلاعي على الموضوع
انت لما تستخرج التاشيرة ت>هب الى كتابة العدل المختصة بالوكالات مصطحبا معك اثباتك والتاشيرة ومن ثم تقوم باحد اربعة امور :
1/توكيل للخادمة باستقدام نفسها
2/ توكيل شخص على كفالتك باستقدامها
3/ توكيل مكتب سعودي باستقدامها
4/ توكيل مكتب في اندونيسياباستقدامها
هذه الامور الاربعة التي يصح فيها التوكيل
واحذر ان ترسل التاشيرة مع الخادمة من غير توكيل انتبه
لانه في هذه الحالة لن تستطيع ان تستقدك نفسها من هناك
وايضا لا يصح ان تقوم بتوكيل اي شخص اندونيسي على استقدام شخص اندونيسي بل لا بد من الوكيل ان يكون هو المستفيد من التاشيرة