النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
  2. اوروبا
  3. النمسا
  4. مشكلتي مره عويصه
نشر في النمسا

مشكلتي مره عويصه


    • all3ssaf
    18-09-2022 - 01:13 am
    1. ولأنكم ماقصرتوا معي السنه الماضيه متأكد ماراح تقصرون هذه السنه ...


    السلام عليكم ورحمة الله وبركاته
    ياجماعة الخير ابغى نصايحكم وايش اسوي في موضوعي ...
    انا بسافر للنمسا واوربا بشكل عام ومعاي عائله كبيره (13 شخص وطفلين)
    انا كنت في النمسا السنه الماضيه وكنا شخصين لكن الان العائله كبيره والوضوع يختلف ...
    المخطط الى الان ماتم لكن يبدو لي انها جوله اوربيه كبيره ... لان المده ستكون حوالي 25 يوم
    أريد ان أساأل الآن عدة اسأله اتمنى الاجابه عليها .. ولو فيه نصايح تنصحوني فيها .. انا كلي اذان صاغيه

    ولأنكم ماقصرتوا معي السنه الماضيه متأكد ماراح تقصرون هذه السنه ...

    اولاً بالنسبه للسكن شرايكم في الابارتمنت .. وهل القاها في كل مكان اقصد مثل العواصم ؟؟.. وهل ممكن احصل ابارتمنت (محترم) ولو تعرف ابارتمنت في اي مكان ياليت تذكره وكيف حجزت له ووين مكانه ..؟؟
    ثانياً بالنسبه للتأشيره (الشينغين) هل ستكون سويسرا ضمن الشينغين ام لا ..؟؟ لان صديق لي يقول دخلت سويسرا ولم اسأل عن تأشيره ثانيه غير الشنغين ... ودخلت وخرجت من سويسرا بدون اي مشاكل .. وهناك ناس يقولون لي لازم تستخرج تأشيره خاصه ب سويسرا ...؟؟؟ ايضاً هناك سؤال بالنسبه للاطفال الاقل من سنه ( مادخلوا في كرت العائله) هل هناك مشكله فيهم في استخراج التأشيره ؟؟؟
    ثالثاً التنقل انا اظن انه من الافضل استأجار سياره لكن هل هناك سيارات تشيل 13 شخص ؟؟ اظن اني شاهدتها مع بعض التكاسي العرب في السنه الماضيه ..باص ضخم يشيل كميه كبيره والله ..؟؟ هل من الممكن احصله في شركات الايجار ام لا ؟؟
    اخيراً : المشكله الاكبر بين هالمشاكل هو السكن .. ياليت اللي عنده رأي يعلمني فيه لابخل علينا
    في انتظار حلولكم
    خالص ودي


    التعليقات (3)
    • ALI_Q8_77
    ALI_Q8_77
    18-09-2022 - 04:51 am

    حياك الله معانا واتشرفنا فبك ..
    ما في شيئ عويص ان شاء الله ؟؟
    لكن قولي انت من الرياض ؟؟ وثانيا كم الميزانيه ؟؟؟ وايضا هل بالامكان تأخذون سيارتين ؟؟ وشنو مخططكم اي الدول تحبون ؟؟
    الجواب ..
    سويسرا من ضمن دول الشنغن
    2- اغلب البيوت الكبيره تسع ل12 شخص وانتم عددكم 15 .. فهل بالامكان اخذ شقتين .. وهو الافضل
    3- بخصوص هذا السؤال ( كرت العائله) ما اقدر افيدك لاني ما اعرف شنو تقصد
    4- السياره حتى لو وجد سياره ل 13 شخص .. تبقى مشكلة الشنط .. لهذا الافضل سيارتين اكبار
    ولك تحياتي

    • all3ssaf
    all3ssaf
    18-09-2022 - 05:52 am

    1. ولو اني اشوفك مصّر على السيارتين


    ALI_Q8_77
    يعطيك العافيه اخوي ...
    انا مش من الرياض لكنها مو مشكله اعتبرني من الرياض لاني متواجد دائماً في الرياض انما العائله في حائل
    وبالنسبه للميزانيه ماهي مشكله ان شاء الله اعتبرها مفتوحه (بالمعقول)
    وبالنسبة للسيارتين ممكنه ولو اني ماافضلها ... يعني ودي لو نكون كلنا مع بعض .. ولو فيه سياره وحده تشيل يكون احسن وبالنسبه للمخطط انا سويت مخطط مبدأي ياليت لو تقولي رأيك فيه لو تحب تعدل او تضيف عليه
    4 ليالي في باريس
    4 ليالي في جنيف
    5 ليالي في انترلاكن
    4 ليالي في فينسيا
    5 ليالي في زيلامسي
    3 ليالي في فيينا
    المجموع 25 ليله ...
    وبالنسبه للبيوت ام 12 شخص اتوقع تكفي لانه معنا طفلين تحت عمر سنه .....وطفلين تحت 7 سنوات
    لكن ياليت تفصلي عن طريقة الحجز للبيوت وكم عدد غرفها وكم سعرها .. وهل احصلها في المدن مثل باريس وجنيف وفينيسيا وفيينا ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    وبالنسبه للسياره ان شاء الله بيكون العفش بسيط قدر الامكان وماراح يتعدى 4 شنط كبيره على حد اقصى

    ولو اني اشوفك مصّر على السيارتين

    على العموم مدام سويسرا في الشينقين هذي سهلت امور كثيره ... لكن انا تعاملت مع السفاره الفرنسيه ونزلت في
    مطار فيينا .. وذكر لي احد الشباب .. انه مطار فيينا متساهل في مثل هذا الموضوع ولا المفروض انو لو كانت التأشيره فرنسيه لابد اني انزل في مطار فرنسا ..!!! هل صحيح هالكلام ولا لا ؟ وعلى العموم ان شاء الله بتطلع التأشيرات من السفاره الفرنسيه وبننزل في فرنسا لكن ودي اعرف ؟؟
    وشاكر لك اخ علي على سرعة التجاوب ورفع معنوياتي
    خالص ودي

    • ALI_Q8_77
    ALI_Q8_77
    18-09-2022 - 06:53 am

    1. سادسا : باريس وجنيف وانترلاكن غالين جدا من ناحية السكن


    حياك الله اخوي العزيز ..
    طبعا هذا المخطط صعب جدا ومتباعد ومرهق .. والخ .. ولو كننتو اثنين ايضا نفس الكلام ..
    الجواب :
    اولا يفضل الاقتصار على دولتين متقاربتي او 3 بالكثير ..
    ثانيا : تقليل التنقلات الكثيره وخصوصا انكم عائله ومعاكم اطفال
    ثالثا .. الاكتفاء بالسكن ببعض الاماكن مده طويله وزيارة ما حولها
    رابعا :: اغلب البيوت والشاليها تأجر بالاسبوع . .ويوجد تأجير باليوم واغلبها شقق وانا راشح لكم هذا الخيار خصوصا عددكم كبير
    خامسا : العدد المذكور بالسكن اذا كان 12 فهم لا يسمحون بأكثر من هذا الا .. اذا تدخل بطريق غير شرعي

    سادسا : باريس وجنيف وانترلاكن غالين جدا من ناحية السكن

    سابعا : افضل جدول لك .. وعلى حسب رغبتك انت .. البدايه بباريس 5 ايام ومن ثم الى جنيف بالقطار وتجلس بجنيف 4 ايام وتأخذ السياره من جنيف ومنها اتزور مونترو والشامونيه وانسي ولوزان .. وبعدها ننتجه الى انترلاكن ونجلس فيها 5 ايام والمسافه بين جنيف وانترلاكن ساعتين و40 دقيقه ... وبعدها الى زيلامسي 6 ساعات وربع وهي المسافه الاطول والابعد ونجلس فيها 6 ايام وانزور ما حولها والنهايه بميونخ3 ايام للتسوق والعوده منها .. 23 يوم .. جمعت لك 4 دول واختيار ميونخ بالنهايه كونها اقرب الى زيلامسي من فينا المسافه ساعتين ونصف .. ..
    طبعا لو انا اختار جدول اخر .. اما الغي باريس .. او سويسرا .. وابغي على النمسا وميونخ بالمانيا ...
    اما بخصو السياره يوجد
    فروع لشركات يورب كار وسيكست بالرياض .. راجعهم وان شاء الله تحصل سياره لكن انا ما اعتقد .. وشوف اثنتين افضل واختار الي يناسبك
    انتطر تعليقك


    خصم يصل إلى 25%

    المسافرون العرب أكبر موقع سياحي في الخليج و الوطن العربي ، يضم منتديات و موقع المسافرون العرب اكبر محتوى سياحي على الانترنت حيث يحتوى على 200 ألف استفسار و نصائح عن السفر و السياحة, 50 ألف تقرير سياحي للمسافرون.

    20 عام هي رحلة منتديات المسافرون العرب الممتدة.
    © المسافرون العرب - الاصلي و الكامل 2025