أبو فهد*
05-10-2022 - 04:34 am
السلام عليكم ورحمة الله وبركاته
وباقي الاعضاء لاهنتوا ان شاء الله اكون بجدة بعد اسبوعين او 3 تقريبا يعني ماهو موسم معاي 3 اطفال اكبرهم دون سن السادسة والغرض من الزيارة ترفيه الاطفال والتسوق فقط واتمنى منكم مساعدتي فضلا لاامراً بالآتي
1- مكان تأجير سيارات يعني الافضل والاوفر مو مهم الرفاهية بقدر ماتكون اقتصادية اكثر ومن وين استأجر راح يكون من المطار بس بأي مكتب تنصحوني لخبرتكم
2- وين تنصحوني اسكن وياليت تدلوني على اجنحة فندقية الاهم تكون نظيفة ويكون سعرها معقول من 100-200
لانها بس راح تكون للنوم
3- اماكن ترفيه خاصة بالاطفال اللي بالسن هذا واذا فيه العاب مائية بعد ياليت تدلوني عليها
4-مطاعم مايعملوا فيها الاطفال زحمة يعني ماينفع معاهم المطاعم الكلاسيك والرومانسية
5- المولات المميزة وتكون قريبة من مكان السكن يعني مو مثلا تذكرون لي مكان بالجنوب وانا بالشمال
6- تقليد الماركات او الاسواق الاقتصادية اللي تنفع للدخل المحدود وين القاها
7- جزاكم الله الف خير مقدما احس اني طولتها عليكم
ماشاء الله عليك يعجبنى كلامك الدقيق وأسلوبك المنظم
شوف أخوى :
1- فى المطار بتحصل كل المكاتب جنب بعضها إنت شوف وقارن ، وعلى العموم الأسعار بتعتمد على نوع السيارة وحجمها .
2- بالنسبة للشقق المفروشة أنصحك بمراجعة موضوعى المثبت عن شقق جدة وبتحصل كل الخيارات ، وأى استفسار إضافى لاتتردد .
3- فى حديقة ألعاب مائية اسمها روائع المكتبات فى شارع الأمير سلطان وهى معروفة ومشهورة ، وعلى الكورنيش فى 2 ملاهى شبه متجاورين ، الأولى تشيكى تشيز وهى مخصصة للأطفال فقط وفيها رووف رائع مطل على البحر مباشرة ، وبعدها باتجاه الشمال ملاهى الشلال وهى للأطفال والكبار وبها خيارات أكثر بالنسبة للمطاعم .
4- بالنسبة للمطاعم أنا اشوف مطاعم المولات Food Court هى المناسبة أكثر لمن معهم أطفال وخاصة أنه بيكون فيها أيضاً ألعاب .
5- متصل بالنقطة السابقة ، جميع المولات المميزة تعتبر فى الشمال (فيما عدا الأندلس مول الأقرب إلى الجنوب ولكن لايعتبر فى الجنوب) وأيضاً معظم الشقق الموجودة فى موضوعى المثبت فى الشمال ، أكثر المولات تميزاً هى رد سى مول ، مجمع العرب ، وستارز أفينيو يليهم الأندلس مول ومولات شارع التحلية .
6- الأسواق الاقتصادية فى جدة موجودة فى مجمع الشرق فى شارع المكرونة وأنصح به كخيار أول ثم منطقة البلد
اجازة سعيدة فى جدة إن شاء الله ولاتنسنا من صالح الدعاء