مشكور أخوي على الصور والاخبار عن مشاريع البحرين
بس جزيرة المحار اول مرة اسمع عنها لكن اتمنى اتصير في اسرع وقت
شكلها وايد عجيب
يعطيك العافية وبالتوفيق للمملكتنا الغالية

فعلا مشاريع عملاقة
يعطيك العافية اخوي

موضوع رائع و مهم
يعطيك العافيه اخوي

يعطيك العافية واتمنى ان تتجه مملكة البحرين الى السياحة العائلية 0

تسلم يا الغالا .. اضافتك قوية جداً لإضافة الأخوان الاعزاء في موضوع أبرز المشاريع السياحية والاقتصادية في البحرين ..
..
بالنسبة للمقارنة بين البحرين ودبي حبيت اوضح نقطة بسيطة بس ..
..
مو غلط نطالع باقي الدول والمدن لما نبي نجتاز مرحلة احنا مخططين لها بمنتهى الدقة ، لكن لابد من أن احنا نحاول نبني ونطور ( موقعنا ) بخلاف النظر عن بقية المناطق ..
على سبيل المثال ، مدن اوروبا ، لو نعد مدن اوروربا السياحية واللي فيها السياحة رائدة ما راح نخلص ، وكلها مدن متقاربة لكن مثلاً كلهم يتسقطبون سياح على مستوى عالي جداً ..
بروكسل / مدريد / باريس / نيس / روما / ميلان / لندن / ادنبرة / امستردام / براغ / فينا / ميونخ / برلين ............. ولو قعدنا نعدهم ما راح نخلص ..
لأن مغزى جميع المدن اللي ذكرتهم وغيرهم كثير مغزاهم أن يطورون مكانهم بخلاف بقية المناطق ..
ولنا في مدن جنوب شرق آسيا عبرة كذلك ..
..
لذلك احنا نقر ان دبي واصلة بالتطور مستوى عالمي كبير ، لكن ما يمنع البحرين وقطر والكويت والمواقع الأخرى في الخليج العربي و اللي تشهد طفرة سياحية واقتصادية رهيبة ..
..
دبي اعتمدت بالأول والأخير على الاجانب ، طبعاً هالشي كان ايجابي بمنتهى المقاييس في اللي وصلت له دبي ، لكن لازم ما نجهل أن ( التركيبة السكانية في دبي مخيفة ، إذ شبه ينعدم وجود المواطن الاماراتي هناك حسب مشاهدات السياح اللي يزورونها ) ..
..
آخر شي حبيت أوضح لازم يكون في شي مبتكر ، ولازم تكون الأفكار تطويرية ، أي بمعنى الاستفادة من :
1. المواقع المختلفة في البحرين واللي تتنوع فيها التضاريس ( منها الساحلي مثل درة البحرين / ومنها اللي وسط البساتين والنخيل مثل مارينا وست / ومنها اللي بالصحراء مثل منتجع العرين الضخم / ومنها اللي وسط المدينة مثل بحرين بيي ) ..
2. استغلال القوانين الممتازة اللي ينصها المصرف المركزي البحريني ووزارة الاقتصاد الوطني خاصة من حيث الضرائب وتشريعات الاستثمار.
3. استغلال جو البحرين من حيث تنويع اقامة الفعاليات ... على كثر وجود الفعاليات في البحرين لا زلنا نفتقر فعالية موسمية سنوية ضخمة مثل مهرجان دبي للتسوق مثلاً.
4. استقطاب الوكالات العالمية من حيث تهيأة الجو الملائم والمناسب بأي شكل من الأشكال لها .. خاصة شركات الاعلان.
5. اقامة مدن ومجمعات ( صحية / اعلامية / أحياء تجارية / صناعية / تعليمية / ثقافية "خاصة ان الثقافة البحرينية رائدة جداً ودليل على ذلك المهرجانات الثقافية طوال العام" ) وهالشي اللي نلمسه حالياً وطبعاً دبي رائدة في هالمجال وواضح لنا انها استقطبت العديد من القنوات والوكالات الاعلامية العالمية والعربية بفضل مدينة دبي للاعلام ..
الخلاصة وما اطيل عليكم ، انه حلو لما نشوف باقي المدن ونحاول نخطط وننسق وننظم ونطبق بشكل أفضل ، لكن لازم نرسم هويتنا من أساس داخلنا .. بحيث :
1. القضاء على بعض السلبيات الاجتماعية في البحرين.
2. تشكيل ( هيئة تخطيط ) في أسرع وقت ممكن تعنى بكافة الهندسات النهائية لتخطيط المشاريع والطرق.
3. العمل على وضع خطط تطويرية لمنفذ البحرين الجوي ( المطار ) ومنافذ البحرين البرية ( السعودية وبعد كم سنة ان شاء الله قطر ) وهالشي راح يزيد من الطفرة المتوقعة.
4. تبي أفكار العديد من الشباب البحريني الرائد في هالمجال ،، دبي والامارات العربية بشكل عام جنست العديد من البحرينيين الرائدين في مجال الاقتصاد على وجه الخصوص واعرف ناس مقربين كذلك ، طبعاً خذوا الجنسية بفضل الامتيازات العالية الموجود في الامارات الشقيقة ، لذلك لابد من تبني هذي القدرات والمواهب الشبابية لأنها راح تخطط وتعمل وتطور مو من أجل المادة والمال فقط انما من أجل البلد ..
وان شاء الله نلقى جميع الجهات المسئولة في البلد تتعاون من أجل انعاش السوق الاقتصادي والمالي اللي البحرين تعتبر مركزه الاقليمي الآن في المنطقة ..

صح لسانك اخوي ... بحريني غير ..