نشر في البحرين

مستشفى البحرين الدولي

سمو الأمــيــر

13-09-2022 - 06:21 pm

السلام عليكم ورحمة الله و بركاته
أخواني أنا سمعت أن فيه مستشفى ممتاز اسمه مستشفى البحرين الدولي فياليت أحد يعطينا الوصف الدقيق لموقع المستشفى وهل بامكان السعوديين العلاج فيه وكيف مستواه
عافانا الله و عافكم وامدنا بالصحة والعافية

التعليقات (4)

الغالـــية

13-09-2022 - 09:27 pm

سمو الأمير
أهلا أخوي ....
مستشفى البحرين الدولي .. مستشفى خاص .. وأعتقد إن بالإمكان علاج السعوديين فيه ...
ورقم التلفون: 0097317598222
موقعه: وانتوا جايين من الجسر ..تاخذون المخرج الثاني عاليمين .. مكتوب عليه وسط مدينة المنامة .. وتمشون سيده .. بس خلكم ماسكين يمين ... أقصى اليمين .. لحد ما يتفرع الشارع .. وخلكم ماسكين يمين .. بتوصون دوار .. تلفون عنده يمين بعد .. وتروحون سيده .. بتشوفون المستشفى على يدكم اليسار .. بس في الشارع الثاني ... يعني لازم توصلون لين الدوار .. وترجعون ...
ألف سلامة عليكم .. وما عليكم شر ان شاء الله ..
وحياكم الله في البحرين ..

سمو الأمــيــر

13-09-2022 - 10:28 pm

مشكورة مشرفتنا الغالية
هذا ما عهدناه عن أهل البحرين حب المساعدة
وصفك دقيق كفيتي و وفيتي
بس عندي استفسار كيف مستواه وهل يوجد مستشفى أفضل منه يمكن للسعوديين العلاج فيه
ويعطيك العافية

الغالـــية

13-09-2022 - 11:29 pm

سمو الأمير
مرحبا فيك .. سمو الأمير
حاضرين لك في أي شي تحتاجونه ...
من ناحية المستوى .. مستشفى البحرين الدولي .. مستشفى قديم في البحرين .. بمعنى إنه من أوائل المستشفيات الخاصة في البحرين ...
من رأيي .. تقدر تدخلى على موقعهم وتشوف المعلومات والأطباء ... http://www.ihb.net/
في عدة مستشفيات خاصة في البحرين ...

مستشفى الإرسالية الأمريكية في وسط مدينة المنامة ..
مستشفى البحرين التخصصي في منطقة الجفير ..
مستشفى ابن النفيس في منطقة الماحوز في المنامة ..

وفيه عدة مستشفيات صغيرة أخرى .. مثل الشفاء ... والهلال ...
فما أقدر ياخوي أرشح لك واحد على واحد .. .. لأن كل واحد يختلف عن الثاني ... في مميزاته وأطباءه وتشخيصاته وأسعاره بعد ...
أتمنى لكم دوام الصحة والعافية ... وماعليكم الا العافية ..

سمو الأمــيــر

14-09-2022 - 12:30 am

مشكورة مرة ثانية و يعطيك العافية ما قصرتي أختي الغالية

البحرين المسافرون العرب

مستشفى البحرين الدولي