- بعد التحية،
بعد التحية،
ان شاء الله تعالى مسافر على بانكوك يوم 13 اغسطس ، وبعد اطلاعي على هالمنتدى الروعه حقيقه، سويت لي جدول الزيارة، الجدول راح يكون على النحو التالي:
- بانكوك ليله واحده جراند ماجستيك أو أماري وترجيت ؟؟
- بوكيت 6 ليالي Baan Sukhothai Hotel أو Thara Patang Beach Resort
- بعدين من بوكيت محتار وين اروح ؟؟ ودي اروح لجزيرة كوساموي وودي بكرابي ؟؟ فياليت يفيدوني الاخوان هنا وش الافضل فيهم ؟ وكيفية الوصول إلى كل منهم سواء بالطائرة او القوارب؟؟ وعن السكن كذلك، مادري وين اسكن فيه؟؟
- * بعض المعلومات:: أنا مسافر لوحدي،، مدة الاقامه راح تكون 13 يوم، اول ليله ( ليلة الوصول) راح ابات في بانكوك في احد الفنادق المذكوره اعلاه ( ياليت الشباب يفيدوني إذا فيه افضل منهم ) من باكر راح اسافر عن طريق الطائرة على بوكيت،، وش افضل خطوط من بانكوك - بوكيت ، وكم سعرها المتوقع؟ راح اجلس في بوكيت 6 ليالي وودي اسكن على الباتونج بيتش يقولون انواع الفله،، وفيه في رأسي فندقين ،، بس مدري وش الزين فيهم ؟؟ وإذا فيه خيارات اخرى ياليت ماتقصرون علي فيها..
بعد كذا راح يتبقى من المده 5 ايام ووآخر يوم في بانكوك يعني 4 ايام ،، مدري وين اروح فيها؟؟ نفس تقول سير على جزيرة كوساموي ونفس تقول على كرابي ونفس تقول رح شف بتايا وش فيها؟؟ فاللي ودي من الاعضاء الكرام يفيدوني وش الافضل فيهم وكيف طريقة السفر لها والسكن وين راح يكون ؟؟
لا تخلوني تكفون ياجماعه ترى سفرتي قربت وانا في انتظار اجاباتكم..
تقبلو تحياتي
أبو عبدالله
