شباب 19 واحد مر على الموضوع ولا رد واحد
حاشني حباط على دخول العيد صعبه والله

لاتستعجل وانا اخوك الشباب مايقصرون
أنا ما اعرف شقق لكن بخصوص السياره احسن لك تستاجر سياره عائليه بسواقها وتفتك من وجع الراس وترتاح حتى من زحمة المواقف

الله يجزاك الخير وبيض الله وجهك
اخير في من حس فينا وعبرنا مشكور وباخذ نصيحتك بس ابي التفصيل
ااجر سياره من المطار ولا اخذ تكسي للسكن اللي المفروض ينصحوني فيه اهل الخبره وبعدين اتفرغ للسياره وفتر على المكاتب
لان القعده بطول وهل يوجد مكتب معين لكم تجارب معاه واسعاره طيبه ومعاملته ما فيها غش وخديعه ولف ودوران
ارجو منكم تفاصيل دقيقه

مشاء الله صارو 74 عضو من منتدانا يمرون على موضوعي شخط حتى السلام ما يسلمون حتى التماسي مايدحرجونها
ياجماعه طالب سلف انا محد يرد علي قربت السفره ومحتار في امري اعينونا اعانكم الله

والله ودي افيدك لكن مثلك انا اول مره اسافر ولا اقدر افتيك فيها
كل عام وانت بخير

وانت بخير وصحه وسلامه وعيدك مبارك وكل عام وانت بالف خير
يكفيني شعورك الطيب جزاك الله خير

للأسف اخي ابو علي. والله ما اقدر أفيدك. خصوصا أني اول مره اطلع لبنان على العيدًً
ان شاءالله يفيدونك اهل الخبره. مع تمنياتي لك برحله سعيده

اهلاً اخوي ابو علي
اول شئ لازم تعرف اننا في هذ المنتدى في خدمة الجميع
و ان حصل وما حد رد على موضوعك يجب ان تتلمس العذر لاخوانك لان اغلب اعضاء في اجازة خارج المملكة و كذلك موسم العيد
انا راح اجاوبك على اسألتك من واقع خبرة
بالنسبة للشقق المفروشة
يوجدشقق في وسط بيروت في حي الحمراء و كل الخدمات التي تحتاجها بجوارك
(( يعني ما يحتاج تحرك السيارة ))
اسم الشقق (( شقق فرساي )) ويمكنك الاتصال عليهم بعد اذن الاداره على الرقم 009613971003
بالنسبة للسيارة ... اذا لم تكن لديك خبرة في لبنان و شوارعها فأنصحك بأن تستأجر سيارة مع سائقها
اما اذا كانت لديك خبرة فيمكنك ان تستأجر السيارة من المطار حيث يوجد عدة شركات لتأجير السيارات
انصحك بأن تستأجر من شركة ستي كار حيث ان تعاملهم في قمة الروعة و لا تنسى ان تأخذ رخصة القيادة و بطاقة فيزا لانه بدونها لا تستطيع ان تسأجر و يمكنك ان تتصل عليهم على رقمهم في فرع المطار Phone: +961 1 629 900 / +961 3 629 900
و تقبل تحياتي و عيدك مبارك

اقل شقه نظيفه ومرتبه وفي مكان حلو على قولتك ولسبعه اشخاص بتكون بميتين 200 دولار يعني 750 ريال
استأجار سياره لسبعه اشخاص مع البنزين بيكلفك 150 دولار اقل شي لان يبيلكم سياره واسعه وكبيره تشيلكم وترتاحون فيها، وانصحك تاخذ سياره بسواق وتفك راسك لان السواقه عندهم جنان والحوادث اكثر من شعر الراس