يا جماعه محتاج مساعده بجلس 25 يوم

شكل مافيكم احد يعرف الفلبين والا انا ما اعرف عربي ......
ردو علي
عشان انزل لكم موضوع اذا رجعت بالسلامه يارب
ردو علي ردو

انا رايح للفلبين في شهر 11 و محتاج لهالمعلومات و انتظر الرد مثلك
الله كريم

abdula43
abdula43
حياك اخوي
وبالنسبه لاستفسارتك ابشر يالغالي
بس ليش الاستعجال تعرف ظروف الاخوان وارتباطتهم ومشاغل رمضان
بالنسبه لكيزون ستي
( كيزون سيتي ) تبعد عن مانيلا 16 كيلومتراً ، وهي باسم الرئيس السابق ( مانويل كيزون ) الذي بدأ بإنشائها ، وعرفت باسمه بعد وفاته ، وقد انتقل إليها مقر الحكومة والوزارات ومبنى الكونغرس الفليبيني ، ومنذ عام 1395 هجري أصبحت مع مانيلا وضواحيها مدينة واحدة .
وبالنسبه للحجز عندك خطوط الاتحاد وخطوط الامارات و طيران الخليج والخطوط القطريه والخطوط الكويتيه والخطوط السعوديه كلها لها رحلات الى مانيلا
وانا راح افيدك بلاخطوط السعوديه التي لها رحلات مباشره الى مانيلا
وتذكرتها بحدود 2900 ريال
اما بقيه الخطوط فرحلاتها غير مباشره ولاكنها افضل من الخطوط السعوديه
وانا ارشح لك الخطوط الامارتيه او القطريه او الاتحاد للطيران هذه افضلها
اما موضوع السكن فلو تحجز من النت يومين اذا كنت ما تعرف الديره وهو افضل وارخص
وانا ارشح لك هذا الموقع لحجز الفنادق وهو مضمون
http://www.asiarooms.com
الدفع عن طريق الموقع بالبطاقة الائتمانية ومباشرة يتم ارسال الفويتشر على ايميلك
وبعدها اذا رحت هناك دور لك على فندق مناسب
وبالنسبه للميزانيه تختلف من شخص الى اخر ولكن شوف هذا الرابط ممكن يفيدك
https://artravelers.com
واي خدمه ابشر يالغالي
وتقبل تحيات اخوك الساحر

abdula43
للامانة مارحت لها بشهر 10 او 11 ومدينة كيزون Quezon City بالفعل تتبع مانيلا والكثير من سكانها يشتغلون بمانيلا وتقريبا تبعد ساعه او ساعه ونص على حسب الزحمة بس الى اعرفة ماتصلح تقد فيها هالمدة هذي كلها 25 يوم بالنسبة لخطوط السفر الى اقدر افيدك فيه الكويتية لها يوميا رحله الساعه 11,45 بالليل عدا الاربعاء والجمعة اذا ماني غلطان وتنزل ترانزيت بمطار بانكوك لمدة ساعة ماتنزل فيها من الطياره وبعدها ب3 ساعات توصل لمطار مانيلا ومن الكويت لمانيلا 8 ساعات بالنسبة للحجز على حسب مرات لما تحجز مباشره يطلع ارخص بس شوف الفندق الى حاب تحجز فيه ويمكن واحد من الشباب يكون موجود هناك ويحجز لك او اذا معاك شخص فلبيني وثقة احجز باسمة يطلع ارخص بفرق خيالي بالنسبة للمصروف اذا ماتبي فخفخة بالسكن بحدود 1700 او 1500 دولار اذا اخذت مدة طويلة ( 24 ) يوم من فندق واحد ضيف عليهم 100 دولار او اكثر شوي حق اي طلعه بره مانيلا ابو كم ساعه وانت راد ومصروف جيبك على حسب صرفك انت بالنسبة لخدمة الوايرلس ماشفتها الا بفنادق الاربع والخمسة نجوم

حياكم حبايبي وعذرا على التاخير ...
شكرا الساحر افدتني عن كيزون ستي بس وشلون 16 كيلو عن مانيلا وساعه ونص واذا كنت بروح كيزون ستي يوميا فهل تنصحني بالاقامه فيها وهل فيها فنادق ...
بالنسبه لشركة الطيران هل توجد شركات غير عربيه ولو ترانزيت مثل السنغافوريه او الماليزيه او اي شركه اخرى ... تسلم الساحر وسميي q8
شكرا جزيلا لكما وللجميع

abdula43
اذا بتطلع من مكاتي تقريبا ساعة ونص وكزيون ستي فيها فنادق اغلبها عادية وفي عندك التايلندية اذا ماني متوهم تطلع لمانيلا

abdula43
abdula43
بالنسبه للمسافه زي ما قلك اخي عبدالله بحسب الزحمه
وشوف هذا الرابط لبعض الفنادق الموجوده فيها
http://asiatravel.com/quezoncity.html
ولم اسمع انه في احد راح هذه المدينه ولكن جرب لك يومين وعطنا الاخبار بالتفصيل
اما بالنسبه للخطوط الاجنبيه
فعندك خطوط بروناي
او الاندونسيه
اما بقيه الخطوط فما عندي فكره وان شاء الله الاخوان راح يفيدونك
تقبل تحيات اخوك الساحر

ما انصح بسكن فى منطقة كيزون سيتى لانها دائما مزدحمة وبعيده عن وسط العاصمة افضل مكان هو مكاتى . الفلبين دولة رخيصة بنسبة لدول الاخرى فى شرق اسيا والاكل فى المطاعم الفاست فود رخيص جدا حتى المطاعم الفخمة اسعارها معقولة وابعد عن المطاعم العربية اكلها غالى وتعبان بس شكل بدون طعم وحتى المطاعم الايرانية مقلب كبير . بنسبة للمصروف انا عايش ملك اكل افضل اكل واجلس فى افخم مقاهى ومصروفى ما يتعدى 3000 بيسو يعنى تقريبا 66 دولار امريكى . طبعا الصرف يختلف من شخص الى اخر .