اخوي
انا ما عرف انت من اي بلد بالضبط
واللي بقوله راي شخصي لي انا
ادجوارد رود بصراحة كأنك في بلد عربي
وناهيك عن الفوضى والازعاج اللي يصير بالليل
واكسفورد غالي كثير
المهم انا افضل كلوستر المنطقة هاديه وراقيه
بالضبط شارع كروم ويل تقاطع كلوستر رود
وفيها كل الخدمات اللي تبيها حتى لو بالليل احتجت شيء ما تخاف تنزل
وبها محلات عرب
الخدمات اللي بها
تليفونات يبيع كروت و اجهزة/ انترنت/سوبرماركت - سينس بري . تاسكو هذا 24 ساعه مفتوع ،
وبقاله صغيره من سنين كانت لهندي اللحين شروها عرب وينظمون رحلات سياحيه حلوه كثير ويبعيون تذاكر الباصات / صيدليه بوتس مشهورة بلندن / محطة كلوستر للقطار فيها الصيدليه وسوبرماركت الوايت روز/ البنك لبريطاني /مدرستين لتعليم اللغات / مطاعم وجبات سريعة - كنتاكي , وبرجر كينج - ومطعم عربي/
ومكتب بريد / ومكتب صرافة / وفندق الهوليدي ان الفورم سابقا - وهوليدي ان شقق /
ومستشفى كروم ويل بعد قريب
( اذا انت كويتي من العام بس بدت الحكومه الكويتيه تحول مرضاها على هذا المستشفى /
وشارع مؤدي الي الهايد بارك خط ع طول من تقاطع كلوستر الى
شارع الكينزيكتون هاي ستريت وهذا الشارع بعد به خدمات
المهم اخوي
اتمنى اكون ساعدتك انا احب هالمنطقة كثير وانت بصراحة
رايح مع مريض ادجوارد رود بتتعب نفسيا من الأزعاج
فيه شقق سكنيه راقيه كثير
اتمنى اكون ساعدتك
و سلالالامت بنتك

وعليكم السلام ورحمة الله وبركاته
هلا وغلا الغالي ..
الله ايقوم القمر الصغيره ( بنتك ) بالسلامه ان شاءالله ..
وياليت اتبين لنا تكاليف العلاج والسكن عليك ولا على الدوله !!
لأنها تفرق ..
وان شاءالله بحط الرد بأقرب وقت ممكن ..
أعذرني الحين لأن وقت النت بيخلص ..

انا كويتي ورايح للعلاج والتكاليف عالحكومه
ولكن ترى الجكومه الي تعطيه زين انه يغطي السكن والاكل
وبالذات في هالجو لانه بيتغير من صيف لشتا بالنسبة للندن وانا مقدر اخذ ملابس الاثنين
اله يجزاك الف خير يخوي اي او او اي
وتكفة يالقطري ردك الله لا يهين
وتكفون اسامي الشوارع اذا تكتبونها لي بالانقلش احسن لانه يسهل لي الفرصة احجز عن طريق الانترنت
ومشكورين

انا اللي اعرفه ان لكويتين من سنتين تحول اعلاجهم ع كروم ويل
بس مثل ما قال لك اخوي القطري يعتمد ع حالت بنتك والمستشفى اللي بتروح لها
عشان ما تاخذ سكن بعيد عن المستشفى

المستشفى الي بروح له اسمه ايفلن شلدرن هوسبيتال
بشارع قايز ثوماس ستريت

1. وذلك للاسباب التالية :

ikdla
هلا ومرحبا بأخوي ikdla وأسال الله رب العالمين أنه أيشافي بنتك وتسيرون وأتردون بالسلامة يا رب
عزيزي بخصوص المستشفى ... تراه هذا مستشفى من أفضل مستشفيات الأطفال بلندن وهو يقع في شارع سانت توماس بلندن ... ومثل ماشايف بالخريطة ... وأيضا موضح لك باللون الاسود شارع أجورد رود .

أخوي بالنسبة للسكن أفضل لك السكن يا Egwareroad road أو مثل ما أشار أخونا IoxoI بالسكن crowmwell road

وذلك للاسباب التالية :

1- المنطقة كلها عرب والتألف بينهم ممتاز جدا ... وخاصة أنه هالشارعين كله عوائل خليجية والأغلبية جاي للعلاج وتلقا الزيارات بين العوائل ... فما بتحس بالغربة ... وكونك توك جاي جديد بيساعدونك بكل الي تحتاج له من المعلومات وبعض العائلات الله ايشافي مرضاهم جالسين لمدة طويلة ولمست هذا الشي من خلال لقائي ببعض الشباب ... فعلا تحس أنهم إخوان ... والله ايشافي مرضاهم ومرضى المومنين .
2- على سبيل المثال يوجد بأجورد روود كل الي تحتاج له من شرائح موبايل ومن بطائق إتصال .. وكوفي شوبات للانترنت متوفرة ... الساعة ب 1 باوند ... واذا حبيت تشبك بالاب توب مجانا عليك بكوستا كوفي شوب بالطابق الارضي .. يوجد وايرلس مجانا بس عليك أن تشرب شي من الكوفي نفسة وبامكانك تشبك كم ما تريد والكوفي يغلق الساعة 12 بالليل .
3- بخصوص التنقل بين المستشفى والسكن ... والله العالم انه السفارة اتوفر لك سيارة خاصة كل ما جاء موعد لكم بالمستشفى فما عندك مشكلة .
4- بخصوص الاتصال والشرائح اليك هذا الرابط ( اضغط هنا ) https://artravelers.com/p/re/109332
5- بخصوص السكن والإستفسار اليك هذا الرابط لبعض مكاتب تأجير الشقق بلندن ومعظمها يتكلمون العربية (اضغط هنا) http://www.byebyelondon.com/bbl/entries_arabic.php?category=3
وهذا أيضا عنوان المكتب الصحي الكويتي بلندن ويمكنك الاستفسار بخصوص السكن وموعد وصولك
Kuwait Health Office
0Devonshire Street
London W1N 2AX
Tel: 0207 307 1700
ويارب يجعل لك طريق السلامة وأيشافي بنتك بإذن الله ويا رب أتسيرون وترجعون بالسلامة والعافية
وأي إستفسار من هالعين قبل الثانية

اله يجزاك خير ويطمنك مثل ما طمنتني وبصراحه صدمتني بالخريطه وخليتني اعرف شبعد المستشفى
وبصراحه فعلا الواحد محتاج عرب معاه عشان الخوة
وتدري الواحد يروح هناك بين هالكفار من غير رفيج وونيس واله وباله تستضيق حتى لو كنت سايح فما بالك بعلاج
البنت بالمستشفى والمرة معاها وانت تقعد شايل هم العيال بالكويت واهلك وشايل هم بنتك ومرتك الهم سهل ياحليم يا كريم
واله يجزاك كل خير اله يجزاك كل خير اله يجزاك كل خير ولا يسكر بوجهك باب يابن الاجاويد
ويا عسى اله لا يبلي جميع مسلم بمرض الهم آمين
الشارع الثاني الي كتبت لي اسمه اول مرة اسمع فيه وياريت تعلمني هو قريب من اجورد رود ؟
ومشكور سواء علمتني عليه او لا ويكفي هالوقفة معاي اله يجزاك خير
وما قصرت يبوي انت

اخوي ... انت عندك رهبة من المكان طالما انك ساكن بلإجوار رود لاتشيل هم تبي تلقى العربان هناك ...حتى لوح المحلات بالعربي .تقول بالبطحاء
اهم شي لاتثق بغير الخليجي ... وانتبه من الأكراد تراهم يحبون السعوديين موت
الله يشفي بنتك يارب وترجعون سالمين غانمين ...
لاتحرص على السكن أنه يكون غالي لأنك بتنام فيه خصوصا بلندن (فنادقهم زباله الله يكرمك) مهما تدفع 4*4 متر ....

عفوا اخوي نسيت انبهك لشغلة ضرورية -- احفظ رقم السفارة السعودية بلندن عندك ولو صح لك موقعهم ... سبحان الله يمكن تتأزم الأمور ويعينونك .... بالتوفيق