السلام عليكم
انا مسافر جديد معاكم وبصراحه انا اول مره ادخل علي المنتدي ده انهرده بس بجد ده افضل منتدي دخلته لحد دلوقت اشكر جميع الاعضاء علي المعلومات القيمه الي بتفيد الواحد في السفر
نخش في الموضوع
انا نويت اسافر امريكا ان شاء الله في القريب العاجل بس طبعا انا خبرتي في السفر تكاد تكون معدومه ابعد بلد روحتها اسكندريه
فدي تعتبر اول رحله ان شاء الله برده مصر
المهم اختياري لي امريكا بذات لانه حلم يروادني من زمن ان اسافر امريكا وجه الوقت الي ابدأ اجهز نفسي للسفر
بس المشاكل الي هتقابلني
اول حاجه تكاليف السفر انا بقالي كام يوم احسب فيها بس مش عارف اظبتها صح
فانا كنت بستفسر متوسط تكاليف الرحله كام
تاني حاجه انا مقرر اني اقعد تقريبا شهر وكنت عايز اعرف افضل برنامج سياحي
وياريت اعرف افضل الفنادق الي ممكن اقعد فيها وفي نفس الوقت تكون رخيصه
اخر حاجه انا من خلال تصفحي للمنتدي وجت ان معظم الناس بتستخدم النت في التعاملات كلها ودي تعتبر مشكله بالنسبالي لاني عمري ما استخدمته في تعامل
معلش تقلت عليكم في الاستفسارات بس اعذروني لسه خام في حكايه السفر