True^Lover
08-06-2022 - 09:19 am
السلام عليكم ""
مسافر جديد وقليل السفر فأذا ماعليكم امر ابغي ملاحظاتكم ..
1- قررت ان تكون رحلتي في 24 مارس لمدة 22 او 24 يوم .. كيف الجو شهر مارس ؟
2- حبيت تكون رحلتي في المناطق التاليه : ميونخ , سالسبورغ , زيلامسي , انترلاكن , واخيرا باريس
كيف ارتب رحلتي على هذي المدن ؟؟ بشرط يكون المبيت في 4 فنادق ..
3- طريقة حجزي ستكون عن طريق مكتب بس بودي انا اشتري التذاكر على الطيران المصري شرايكم بطريقتي ولا اخلي كل شي على المكتب
4- الرحله بتكون انا وزوجتي وبنتي 3 سنوات ونص هل ميزانية 35 الف كويسه ؟
5- خط الرحله من وين ابتدا ومن اين انتهي
ومشكورين مقدما
بقولك عن تجربتي في النمسا
1- اتوقع الجو بيكون بارد نوعاً ما ، لانها منطقة مرتفعة ..
انا رحت لها في سبتمبر وكان الجو معتدل مائل للبرودة
2- خطة الرحلة فيها نقص شوي
لازم اذا بغيت تروح يا عن طريق فيينا او عن طريق ميونخ ، واذا بغيت تنتقل لباريس لازم تروح لميونخ او فيينا
انا اقترح : فيينا - سالزبورغ - زيلامسي (اقترح تغيرها لكابرون لأن زيلامسي ما فيها زود ابد ، وتبعد عن كابرون 5 دقائق ) - انترلاكن - ميونخ - باريس
بس بيصير عالاقل 5 فنادق
وبعد فيه مدينه بين زيلامسي وانترلاكن اسمها kitzbuhel رائعة ، ما عرفناها الا هناك .. تمنيت انها ضمن الجدول
لا تفوتك
3- بالنسبة للطيران كانت رحلتنا على الإماراتية ، احبها هالخطوط
ونصيحه ، خلص أمورك بنفسك ، ماله داعي المكتب أبدا ، تذاكر وسهله ، والفنادق عندك البوكينق ممتاز دور على راحتك ، وبالنسبة للاماكن اللي تستاهل الزيارة ، المنتدى ما خلى شي ما ذكره
ولا تنسى تاخذ لك سيارة للتنقل ، ولا تراك ماراح تشوف شي ،،،
4- بالنسبة للمصاريف كأنها شوية نوعا ما .. انا رحت انا وزوجي 10 ايام ، وحجزنا فنادق 5 و 4 نجوم ، وتسوقنا شوي ، وكانت التكلفة 32 الف تقريبا
الله ييسر أمرك .. واتمنى اكون افدتك
وأي سؤال انا حاضره