al-tmimi
السلام عليكم ورحمة الله وبركاته ............. أما بعد
وعليكم السلام ورحمة الله وبركاته
بصراحه ما اعرف اكتب مقدمات
الزبدة اني مسافر بعد يومين لنيوزيلندا على خطوط الكاثي باسفيك
وعندي كم سؤال وودي انكم تجاوبون علي
1- كيفية استخراج رقم وماهي احسن شركة ومن وين , وطريقة تشغيل خدمة البلاك بيري وبكم سعرها ؟
أفضل شركة هي شركة فودافون .. ولهم فرع بمطار كرايستشيرش
شرائها عادي كأنك بتشتري بطاقة سوا
البلاك بيري مدري
2- كيفية استخراج بطاقة صراف ومن وين ؟
يعني من وين .. أكيد من البنك
ترهم بشر زينا
.. تروح وتقول لهم بفتح حساب
3- ماهو الممنوع اخذه بالشنطة اللي بشحنها , وكم كيلو مسموح به ؟
الممنوعات المعروفه (مواد خطره) .. والسوائل أكثر من 100 مل تحطها بالشحن (مو بالشنطة اللي تطلعها معك بالطيارة)
والمسموح من 20 الى 30 كيلو
4- هل الحجز يحتاج تأكيد والا شي من هالسوالف لاني قاص التذكرة من مكتب ؟
دامك دفعت الفلوس وعطاك التذكرة خلاص
بس قص البوردنق وحمل شناطك بالمطار وتوكل على الله
5- هل العطر والكريمات ممنوع اخذه ؟
الكريمات ما أدري .. لكن العطور زي السوائل
6- كم يكفي مصروف بدون عائلة ومعهد لمده 3 أشهر ؟
تختلف على حسب طلعاتك
7- هذا سؤال عن المعاهد , كم مدة المستوى الواحد ؟
مدري
ونصائح تنصحوني به
ادري اني طولت عليكم ورفعت ضغطكم
لكن الشكوى لله محتاج لاجوبتكم
والف شكر
العفو
حنا بالخدمة يالغالي
نصيحتي لك أنك تتذكر أن الله يراك
موفق .. وأن شاء الله ترجع لنا بالتقرير عشان تفيد غيرك

المظلوم مشكور والله يعطيك العافية ولايحرمنا منك ان شاء الله

المظلوم كفى ووفى , ولكن اود ان اضيف معلومه بالنسبه لسؤالك رقم 7
مده المستوى الواحد تختلف من معهد الى آخر
فبعض المعاهد لديهم إختبار كل اربعه اسابيع بعدها يتحدد بقائك في نفس المستوى , او ترحيلك الى المستوى الذي يليه
والبعض الآخر لديهم إختبار كل 6 اسابيع
وبعض المعاهد تعتمد في نقل الطالب الى المستوى الذي يليه
على تقارير وملاحظات المدرس عن الطالب ونشاطه في الفصل مع الاخذ في الإعتبار- بشكل جزئي - الإختبارات الأسبوعيه او النصف شهريه
فالأمر نسبي ويختلف من معهد الى آخر

اخوي المظلوم جاوب على كل الاسئله جزاه الله خير
بزيد بس بالنسبه لخدمه البلاك بيري غاليه جدا واما بالنسبه للبنك تاخذ ورقه من المعهد وتروح تفتح حساب
والشريحه زي ما قالوا الاخوان فودا فون زينهع
ولا تنسى جيب معاك ملابس شتويه لانه برد يكسر العظم
ويا ليت تعلمنا اي مدينه واي معهد بلتروح
تحياتي للجميع

حياك الله أخوي التميمي ..
أنا ماشي بإذن الله يوم الخميس س : 9.10 م ، ع الكاثي باسفيك !
وأتمنى إنه نفس موعدك تماما لعل وعسى تفق هالخوة أزمة الرحلة وترانزيت الهونج كونج !
موفق ..
( أنتظر ردك )

انتظار مشكور والله يعطيك الف عافية
شوحطه مشكور على هالمعلومة وبالنسبة للمدينة انا ب اوكلاند وبالنسبة للمعهد هذا هو
سامبل تيود مشكور على المشاركة وبالنسبة لرحلتي على الكاثي باسفيك من الرياض لهونج كونج يوم الخميس الاقلاع الساعة 11 مساء ومن هونج كونج الى اوكلاند الجمعه الاقلاع الساعة 9:5 مساء
بالنسبة لرحلتك هل الاقلاع الساعة 9 والا الحضور (( تأكد )) بإنتظار الرد

حياك الله أخوي ..
رحلتي بإذن الله من الرياض إلى هونج كونج ، 9:10 م بتوقيت الرياض ..
ناصل هونج كونج ؛ 1:15 ظهرا بتوقيت هونج كونج ..
ترانزيت ساعتين فقط ..
ومن ثم تقلع الطائرة إلى أوكلاند في تماما الساعة 3:15 ظهر هونج كونج ؛ لتصل أوكلاند في تمام الساعة 6:15 فجرا بتوقيت نيوزيلندا ..
تمنيتك معي والله وأنا أخوك ..
ربي يحفظك يالوافي ويسهل عليك كل أمر عسير ..
ولا أوصيك ، توكل على الله سبحانه دائما ولا نكن كالذين نسوا الله فأنساهم أنفسهم ..
محبك ..

سامبل تيود
مشكور والله يحفظك ان شاء الله وتاصل بالسلامة ان شاء الله
ومشكور على النصيحة
والله اني تمنيت انك معي بعد
ولاتقطعنا بالمنتدى والله الله بالتقرير
بس ماقلت لنا باي مدينة وباي معهد

بعد إذن صاحب الموضوع
بغيت أسأل عن الفلوس هل أخذها معي كاش ولا أضعها في بنك محلي كسامبا وأسحب من نيوزلندا
وكم مسموح لي أحمله من النقود
وشكرا