وعليكم السلام ورحمة الله وبركاته
حياك الله بالكويت
ماادري شتقصد من اقرب منطقه ؟ اقرب لشنو؟
عموما هذا الرابط راح يفيدك
https://artravelers.com/p/re/503712

اقرب منطقه فيها فنادق لك هي الفحيحيل .......فندق روتانا المنشر
وهو عنده سوق المنشر والكوت والاسواق الشعبيه قريبه ....المنقف فيه فندق الهليتون ...
وبعدين الفنطاس فيها فنادق اهمها سفير ....
وبعدين .....اغلب السواح يقعدون في السالمية وبنيد القار فيها الفنادق الغاليه والرخيصه من 5نجوم الى 3 نجوم ....
السالميه تبعد عن الخفجي تقريبا 70 كيلو .......
حياك بالكويت والاماكن اللي تجبها تلاقي كذا موضوع يتكلم عن الاماكن السياحية بالكويت واماكن الترفيه

انا اقصد وش اقرب مكان لي من الخفجي يعني بعد الخفجي اذا دخلت الكويت وين اروح افضل شي
،وين يصير الاكواريم او عالم البحار العلمي في اي منطقه
لان ابي اروح على طول الى هناك واجلس في نفس المنطقه

app_dev13
اذا تبي المركز العلمي في السالميه شارع الخليج العربي وهالمنطقه فيها فنادق وشقق واذا تبي شي زين ورخيص فندق ايبيس السالميه قريب من المركز العلمي ..
وحياك الله في ديرتك

انا قررت اسكن بالسالميه
طيب وش الفندق اللي تنصحوني فيه ووش الاماكن الحلوة في السالميه وعلى فكرة طلعتي انا والاهل
وياليت ادا فيه احداثيات

app_dev13
فندق ايبيس السالميه
مااعرف احداثيته بس في الموضوع اللي حطيته فوق شوفه موجود الفندق اخذرقمهم واتصل

mr.q8
انا شفته في موقع بوكينغ وعجبني
بس وش الاماكن الحلوة في السالميه ؟

عندك المركز العلمي مجمع المارينا مول وكل شي تقريبا قريب
المجمعات المغلقة ( المول mall)....
1-الافينيوز في منطقة الشويخ
2-مارينا في منطقة السالمية على شارع الخليج العربي
3- المهلب في منطقة حولي
4-الكوت في منطقة الفحيحيل
5-سليل في منطقة الجهراء
6- شرق في منطقة شرق
7-مغاتير في في منطقة الفروانية
الاسواق الشعبية .....
1- سوق الفروانية ( العربيد )
2- سوق الفحيحيل ( الدبوس )
3- سوق الكويت ( المباركية )
4- سوق الجهراء (مجمعات واره )
1- سوق جليب الشيوخ ( الشارع الرأيسي )
الاماكن الترفيهية ......
1- حديقة الشعب في منطقة الشعب
2- مرح لاند في منطقة جنوب الصباحية
3- المدينة الترفيهية في منطقة الدوحة
4- اكوابارك في بنيد القار تحت ابراج الكويت
5- حولي بارك في منطقة حولي
المطاعم ......
1- برج الحمام في السالمية على شارع الخليج العربي
2- ميس الغانم في بنيد القار مقابل ابراج الكويت
3- قيصر في مدينة الكويت خلف فندق الشرتون
4- قصر يلدز في مدينة الكويت في برج حمود
5- قصر فخر الدين في مدينة الكويت خلف قصر العدل
6- فريج صويلح في منطقة السالمية خلف مجمع المارينا مول
7- سلسل من المطاعم على شارع الخليج العربي على البحر مثل روبي تيوزدي و ابل بيز و مطعم الابراج الكويت

mr.q8
يعطيك ربي الف عافيه ماقصرت
بس هل الاماكن هدي كلها قريبه من بعض ؟؟