السلام عليكم صباح الخير على نوفمبر طالعين لندن ان شاءالله احترت بالسكن ابغى مكان قريب من الاكسفورد ومحطة باصات (ابقراوند)
أطالع خريطة المترو وعجبني كم مكان اللي عند محطة ماربل ارش وأكسفورد سيركس goodge street gower street اهم شي يكون بعيد عن تجمعات العرب وحوله الباصات
(فندق او شقه ماتفرق) والسعر من 400 ريال ونازل لان اليوم كله برا يهمني النظافه والأثاث المقبول ،بنقعد 6 ليال كل3 بمكان.
وكيف المنطقه اللي من الجهة الثانيه للتايمز عند محطات waterloo /elephant castle/London bridge ?
والاستفسار الثاني الطلعه من والى المطار هل فيه وسيلة نقل عامه غير القطار ؟ باص مثلا ؟ فيه شركات توفر باصات ?
مبدئيا قررت تكون بتاكسي شرايكم بالفا ? (ماابي السايق عربي ممكن يوفرون هالطلب؟. ).
- -بنطلع يوم اوتلت برا لندن عن طريق القطار حددت ويك اند بس اخاف تكون التذاكر إلكترونيه والا الافضل بيوم عادي ؟
اقرأ عن مشكلة سكارى لندن وين مكانهم؟ اي ساحه يتجمعون فيه وهل بس ويك اند او كل الايام؟
الشكر لكم والعذر والسموحه على كثرة الاستفسارات
اولا ال400 ريال لليله و بالمكان اللي تبيه بيكون فندق نجمه او نجمتين بالكثير .. السعر جدا غير مناسب للندن
ثانيا اذا انتو شباب شوف http://www.easyhotel.com شوف اللي بالبادنقتون او فكتوريا .. فندق اقتصادي نظيف
ثالثا انصحك تحجز حق الاوت لت بنفس اليوم ما تفرق بس حجزو كلكم مع بعض يطلع ارخص
ماكو سكاري و تجمعات ان شاء الله بس لا تروح الاماكن المشبوهه و لا سوهو و لا حوالينها و عموما لندن مو مال سهر
الفا غالبا سواقهم هنود و انصح فيهم
منطقه النهر حلوه و فيها فنادق جميله و المنظر فيها روعه