حيااكم الله بديرتكم وتنور بوجوودكم
قوليلي ياطويله العمر العايله كلها كبار ولا فيها صغاار ؟؟

1. وبعدين دشوا الفيلم اللي حجزتوا له ..


2. اليوم الثاني :


3. بس لاتكشخون في هاليوم واايد وراكم لعب


4. اليوم الرابع :


5. الصبح اتريقون في الفندق اتسون ريوق بيتوتي


6. اليوم السادس :


7. اليوم السابع :


8. اليوم الثامن :


9. اليوم التاسع :


10. PRO KART تصلح للكبار والاطفال .

حياكم الله مره ثانية في ديرتكم وهذي الساعه المباركه
انا سويت جدول واحد بعد ماعصرت مخي وسويت اتصالاتي اذا في شي يديد ولا لا وطلعت لكم في هالجدول اهو جدول لمده عشر ايام يعني تقدرون اتقسمون ويصير جدولين او انتقون منه الايام اللي تبونها وعاجبتكم ...
بسم الله نبتدي معاكم
اليوم الاول: يوم الوصول
اذا قلنا وصلتوا الصبح ورحتوا الفندق وريحتوا وصليتوا الظهر تطلعون وتروحون اتغدون في
الغدا : مطعم ميس الغانم ( لبناني ) ، منطقة شرق ، على شارع الخليج العربي على البحر ..
بعد الغدا تروحون يمه سوق شرق اتمشون واتسوقون فيه وتقعدون في الكافيهات اللي على المرسى وعثب تطلعون منه وتروحون ..
متحف بيت ديكسون ( بيت المقيم السياسي البريطاني في الكويت ) منطقة شرق مقابل وزارة الخارجيه وبجانب وزارة التخطيط ، يعني اذا طلعتوا من سوق شرق اخذوا يمين وراح تلقونه على ايدكم اليسار ..
وبعده متحف بيت السدو على شارع الخليج العربي رقمهم 22432395 ، وبعدين ترجعون الفندق اتريحون بو ساعه وتطلعون على مارينا مول اتمشون و تحجزون فيلم وقت متأخر دشون بعد العشا ..
العشا مطعم ماكي (ياباني) في مارينا ويفز تطلع من جسر مارينا مول يوديك على جهة المطاعم على البحر في مكان بالنص شكل خيمه بنص البحر المطعم موجود اهناك اكله واايد حلو او المطعم اللي يمه ايطالي واكله حلو ..
وبعدها اتحلون في living room cafe تحتهم القعده مو طبيعيه بس لبسوا عدل

وبعدين دشوا الفيلم اللي حجزتوا له ..

اليوم الثاني :

الصبح على ال 9 اتريقون في مطعم واايد حلو اسمة ريوق ، منطقة الشعب البحري ، قطعه 8 بجانب مطعم فيلا فيروز ،، اذا كنتوا ماشين على خط فحيحيل باتجاه مدينه الكويت راح تصير الشعب على ايدكم اليمين الفرعي الثاني تدخلون وتمشون اشوي سيده تشوفون فيلا فيروز يمينكم دشوا يمين وبتشوفون المطعم ..
وبعد الريوق اتروحون تطلعون على خط فحيحيل باتجاه مدينه الكويت وتروحون سوق المباركيه بما ان الجو حلو ويحتوي على كل شي ( الذهب ، الملابس ، البشوت ، المسابييح ، العطور ، المكياج ، الخضار ، الفواكة والخ .... ) بعد ما اتخلصون تسوق وتمشي اتغدون في احد المطاعم الشعبيه اكلهم ترا وايد حلو عندكم ( دلق سهيل ، السيخ البحريني والخ ... من مطااعم ) ..
العصر تروحون متحف طارق رجب : عنوانهم الجابريه ، قطعه 12 ، شارع 5 ، اوقاتهم من 9-12 الظهر ومن 4-7 المسا تليفونهم 25317358 او 25339063.
بعد المتحف المغرب تروحون سوق السالميه الاحمر مكانه عند دوار الجوازات الدائري الخامس اتسوقون واتمشون فيه ..
العشاء على الساعه 10 مطعم الصنوبر (لبناني ) السالميه شارع البلاجات على البحر ..
اليوم الثالث :
الصبح اتريقون على 9:30 او 10 مطعم لونوتر في مول 360 منطقة جنوب السره على الدائري السادس ريوقهم وايد حلوو بوفيه وبعد الريوق اتمشون واتسوقون في المول وسمعت توهم فاتحين لادوريه كافيه عندهم خوش ماكروون

بس لاتكشخون في هاليوم واايد وراكم لعب

عقب ما اتخلصون سوق وتمشي اتغدون في مطعم B+F (امريكي ) اعتقد بس وايد لذيذ ،، عقب اتصلون العصر في المول وتتجهون منطقة صبحان المنطقه مقابله لمنطقه جنوب السره وتروحون نادي الصيد والفروسيه ترمون اشوي وتركبون الخيل الدائري السادس بجانب مستشفى القوات المسلحة http://www.facebook.com/group.php?gid=54325662250
ورقمهم 24717271
وبعدين المنطقه اللي بجنب صبحان والمطار منطقه الضجيج تروحون وتسابقون سيارات PRO KART هذي خريطتهم ورقمهم 90096121 فاتحين من 10 ص لي 12 مساء
http://www.facebook.com/photo.php?fbid=146680515364330&set=a.146670982031950.21198.146408922058156
بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في مطعم المياس ( لبناني ) داخل منتجع شيك يطل على البحر الاكل حلو والقعده حلووه ،، او المطعم الايطالي ما اعرف اسمه اعلانه بالمقلوب يمه جافا ديتور كافيه ... وبعدين اتحلون في شوكلت بار عند الموفنبيك ..

اليوم الرابع :

الصبح اتريقون في الفندق اتسون ريوق بيتوتي

نخي وباجيلا وخبز ايراني زجبن وخيار وزيتون من هالسوالف على اذان الظهر اتصلون واتوطلون على الله منطقة الدوحه ( المدينه الترفيهيه ) لي المغرب يعني لي 5 وبعدها تردون الفندق اتريحون ساعه او ساعه ونص ،، وتوكلون على الله باتجاه مجمع الافنيوز على الدائري الخامس اتسوقون واتمشون فيه ..
العشا في نفس المجمع مطعم NAPKET ايطالي وحلو او مطعم رايس (شبه كويتي ) او فيلا فيروز (لبناني )
بعد العشا تدخلون السينما بالليل ..
اليوم الخامس :
الصبح الريوق على 9 في مطعم مركز سلطان بوفيه على البحر ، السالميه ، شارع الخليج العربي ..
بعد الريوق تروحون حولي اتسوقون في اسواقها اذا تبون شي عملي او للحفلات مجمع المهلب (شارع بيروت ) مجمع النقره الجنوبي والشمالي (شارع بيروت ) مجمع العثمان (شارع بن خلدون ) ..
الظهر الغدا في مطعم فريج صويلح (كويتي ) السالميه بجانب مارينا مول ،، بعد الغدا تروحون الفندق اتريحون وتطلعون على 3:30 انتوا داخل الابراج اتشوفون الكويت من فوق وبعدين تنزلون تحت الابراج تلعبون paintball حرب الاصباغ اللعبه واايد حلوه اذا كنتوا قروب تلعبون ضد قروب واذ شخصين تقدرون تدشون مع قروب هذا سايتهم http://www.paintball-kuwait.com/
وبعد صلاه العشا تختارون تروحون مسرحيه او حفله .. وراح تلقون في الجرايد اليوميه فعاليا هلا فبراير والامسيات والحفلات والندوات ..
واذا ماتبون جذي تقدرون تروحون مجمع الصالحيه راقي وكله ماركات في مدينه الكويت شارع الجهراء اتمشون فيه وبعدين اتعشون في حوني روكتس (امريكي) بره مع المطاعم اللي عند النافوره ..

اليوم السادس :

الصبح 9:3 الريوق في مطعم البلد (لبناني)بوفيه ، منطقه شرق ، برج الخدمة المدنيه ويمهم برج الوطنيه للاتصالات ..
وبعدها تروحون السالميه شارع سالم المبارك واتمشون واتسوقون في هالمجمعات ( ليلى غالاري ، البستان ، الفنار، سنتر بوينت ، مركز سلطان سوبرماركت حلوو ، مجمع زهره ، مجمع مريم ، مجمع الثريا وتقعدون في احدى الكافيهات اللي على الشارع وكلهم مشي يم بعض ..
الغدا : دون ماريوز (ايطالي ) حلوو على البحر منطقه شرق مقابل ميس الغانم في مطاعم يسمونهم الضيافه فيلج او اتغدون في فيش ماركت (سي فود ) تحت الابراج..
بعد صلاه العصر تروحون متحف بيت الكويت للاعمال الوطنية ، عنوانهم منطقة الشويخ ، قطعه 7 ، شارع 7 بجانب المسرح العام ، فيلا 32 ،، تليفون 24846336.
بعد المتحف تروحون مجمع الرايه راقي وهدووء ، منطقه شرق ، شارع الشهدا ، مقابل المطافي اتسوقون وتقعدون في ماكرون كافيه وتاكلون ماكرون لذيذ
..
العشا مطعم سلايدر ستيشن (امريكي) مقابل قصر السيف ، منطقة شرق من بعد دوار مسيد الدوله الكبير اتكملون سيده تكون مطاعم على ايدكم اليسار ومن ضمنهم سلايدر وايد حلوو ..

اليوم السابع :

الصبح الريوق مارينا ويفز السالميه ، مطعم زعتر وزيت على المرسى ،، بعد الريوق اتروحون المركز العلمي على شارع الخليج اذا خليتوا مارينا مول يمينكم كملوا سيده تلقون المركز العلمي على ايدكم اليسار لي وقت صلاه الظهر مثلا ..
بعدين اتروحون اتغدون في منطقه الشعب البحري على شارع الخليج العربي في مكان اسمه ملتقى الشعب في مطعم النوخذه ( سي فوود ) وايد حلو ويمهم حديقه الشعب بعد الغدا ريحوا اشوي مو واايد وبعدين دشوا لعبوا
على 6 تطلعون منها ..
تروحون الفندق واتريحون اشوي بعد ماتصلون العشا تروحون يوم البحار مكان العاب وقعدات شعبيه واكل شعبي ،، او اتعشون في المباركية اذا تبون الاشياء الشعبيه ..
اذا ماتبون شعبي تروحون منطقه البدع واتعشون في مطعم واسابي (ياباني) اعتقد ..

اليوم الثامن :

الصبح اتريقون في مول 360 كاكاو كافيه يم لورينزو واتسوقون لي حزه الظهر ،، بعدين تروحون منطقه فحيحيل مجمع الكوت والمنشر واتمشون فيهم واتغدون في مجمع الكوت مطعم ياميجانا (لبناني) يطل على البحر وعقب الغدا ادشون سينما في مجمع الكوت ،، عقب السينما على المسيان تقعدون في وحده من الكافيهات اللي يطلون على النافووره المكاان واايد حلو ..
واتمشون في اسواق فحيحيل الشعبيه وبعدها اتعشون في مكان اسمه spoons المكان حلوو باتجاه ابراج غاليه وعاليه اذا خليتوا مجمع كويت ماجيك يمينكم كملوا سيده تلقون مكتوب spoons اتعشون في فرايديز زاتحلون في شوكلت بار ..

اليوم التاسع :

الصبح الريوق في مجمع الافنيوز مطعم لورنزو (ايطالي) واتسوقون اشوي مو وايد لان وراكم روحه الفروانيه مجمع العربيد في دراريع (الجلابيات) ومجمع مغاتير والحمرا مول ،، اتخلصون من الفروانيه تروحون السالميه اتغدون في مغل محل (هندي ) في ماركس اند سبنسر يم مارينا مول ..
وبعدين على 5 بعد ماتريحون تروحون متحف القرين (بيت الشهيد بدر العيدان ) عنوانهم : القرين ، قطعه 4 ، شارع 3 ، منزل 59 .. تليفونهم 25430343 ..
او اذا ماتبونه خلوه وريحوا وشوفوا لكم مسرحيه او حفله ، واذ ماتبون مسرحيه او حفله تقدرون تروحون سوق السالميه الاحمر او ارض المعارض في منطقه مشرف اذا كان في معرض او المعارض الصغيره اللي يم المستشفى الاميري منطقه شرق مثل (بيت ديفا والسدره والخ ... ) او مجمع البيرق في منطقه العقيله.
والعشا يكون في مطعم شرين بانو (ايراني) منطقه دسمان مقابل قصر الشيج جابر الصباح رحمه الله ...
اليوم العاشر :
OPEN DAY
لول عيزت
ملااحظات :

• حديقه الشعب تصلح للكبار والاطفال.
• المدينه الترفيهيه تصلح للكبار والاطفال.

PRO KART تصلح للكبار والاطفال .

• المركز العلمي يصلح للكبار والاطفال.
• PAINTBALL تصلح للكبار والاطفال .
• المجمعات كلها فيها اماكن خاصه للاطفال.
• المتاحف تصلح للكبار والاطفال.
• نادي الصيد والفروسيه يصلحون للكبار والاطفال .
• اماكن للطائرات الورقيه في منطقه المسيله بجانب قريه المسيله المائيه او في منطقه بنيدر منطقه شاليهات .
• مجمع ديسكفري مدينه الكويت على الدائري الاول للاطفاال.
• مجمع الخليجيه منطقه شرق للاطفال.
• حديقة حولي بارك منطقه حولي للاطفال.
• المسرحيات في للاطفال وفي للكبار والحفلات والامسيات والندوات اعلانات يوميه في الجرايد .
• مخيم وزارة الدفاع اعتقد في منطقه صبحان ( فيه انشطة ترفيهيه) .
• مخيم شركة نفط الكويت اعتقد في منطقه جليعه جنوب الكويت (انشطه ترفيهيه).
• القصر الاحمر منطقه الجهراء.
• مزارع الوفره ( منطقه الوفره جنوب الكويت )
• الاكوا بارك مائيه ( في الصيف ) منطقه شرق تحت الابراج.
• قريه المسيله المائيه ( منطقه المسيله )في الصيف.
• ملاعب الصابون كوره القدم (في الصيف).
• الشاليهات والمنتجعات ..

اتمنى يعجبكم الجدول وما اكون قصرت فيه واتمنى اني غطيت اغلب الاماكن في ديرتي الغاليه الكويت
واسفه على التأخيير
واي استفسار بالخدمه

لازم تددين السعر انشالله نساعدك

مشكور اخوي والله ما قصرت وراح اطبعه واخذ النسخه معايه ^-^
ونحن كلنا كبار ههه ^-^
بس بخصوص السكن .. بغينا نسكن في مكان قريب عن كل الاماكن
ونبا مكان فيه غرفتين او ثلاث غرف وصاله جي يعني تكون

شقق مفروشة و فنادق أخرى في السالمية:-
El Nory Executive Apartments شقق النوري - هاتف: (+965)5738085 - شارع البحرين,السالمية - موقع إلكتروني - إبتداءاً من 25 دينار.
Sara Plaza Hotel سارة بلازا - هاتف: (+965)5755306 /7/8/4 - شارع دمنة(خلف الفنار),السالمية - موقع إلكتروني - إبتداءاً من 25 دينار.
Ghani Palace غني بالاس - هاتف: (+965)5710301 - شارع سالم المبارك, السالمية - موقع إلكتروني - أسعار من 35 دينار.
Arinza Tower Quality Suites شقق أرينزا تاور - هاتف: (+965)5747131/5747166- الشارع الأول,السالمية - موقع إلكتروني - إبتداءاً من 30 دينار.
Flowery Holidays Suite فلوري هوليديز سويت - هاتف: (+965)5732605/6/7- الشارع الأول,السالمية - موقع إلكتروني - إبتداءاً من 25-30 دينار.
Al Montasereen Apartment Hotel شقق المنتصرين - هاتف: (+965)5751442/5751449 - شارع سالم المبارك(خلف السوق القديم),السالمية - موقع إلكتروني - تبدأ من 35 دينار.
Jamaicainn1 جمايكا إن 1 - هاتف: (+965)5719246/5719253 - شارع الخنساء, السالمية - موقع إلكتروني - إبتداءاً من 35-40 دينار.
Jamaicainn2 جمايكا إن 2 - هاتف: (+965)5719246/5719253 - شارع يوسف بن حمود, السالمية - موقع إلكتروني - إبتداءاً من 35-40 دينار.
Royal Inn رويال إن - هاتف: (+965)5716111/5730603 - شارع عمرو بن العاص, السالمية - موقع إلكتروني - أسعار من 20 دينار.
ROYAL RESIDENCE رويال ريزيدينس - هاتف: (+965)5710057 - السالمية - أسعار مناسبة.
AL-THURAYA PALACE الثريا بالاس - هاتف: (+965)5756100- أسعار تبدأ من 35 دينار.
هذى فنادق شقق رخيصة وجيدة

السالميه اهيه افضل منطقة للسكن سواء فندق او شقه بس الحين اسعارهم ترتفع
الي يسكن بالسالميه يكون وسط الحدث سواء مهرجانات او مجمعات او مكان حلو وكل شي قريب

حياج الله بالكويت وانشالله تستمتعون بهلا فبراير

شوفي منتجع وفندق رمال متصل مع منتجع شيك .. ومكانه في البدع يم موفنبيك والموقع وايد ممتاز بنص الكويت عندهم شاليه 3 غرف
https://www.booking.com/hotel/kw/shiik-resort.html?aid=1300939
احسه زين لكم وبما انكم كلكم كبار تقدرون تقعدون بره لي الليل بالكافيهات اللي حواليه والمطااعم وسعره حلو ..