اهلين اختي بنت البوادي
بخصوص الطريق بين سوريا ولبنان هاي وي لحد بيروت يعني مافي اشكال
بالنسبه لفندق المريديان مايحتاج تسئلي لفخامة الفندق على المستوى الدولي
بالنسبه لفنادق لبنان ماعندي اي معلومه افيدك فيها
لكن اذا بغيتي تقضي الاجازه في سوريا فنصيحتي لك ان تقضيها في شمال سوريا
مشتى الحلو - صافيتا - او في كسب على حدود تركيا مناطق رائعه وطبيعه خلابه والاهم من ذلك تعامل اهلها

عليكم السلام ..
الطريق من سوريا الى لبنان ميسر قريب تقريبا ساعه او اقل .. وافضل مكان بلبنان بحمدون حاولي تحجزي باي فندق بحمدون ويفضل قدام السوق والمقاهي ..
نرجع لسوريا الفندق ممتاز افضل فندق بسوريا .. وبالنسبه للمناطق القريبه من الفندق الزبداني وبلودان مناطق بارده وطبيعه .. وفيها اسواق .. واكثر البضائع من لبنان ..
افضل منطقه بسوريا من ناحية الطبيعه اهي صلنفه بس بعيده عن دمشق ..

بنت البوادي
ترووحوا وترجعوا بالسلامة وبانتظار التقرير

الله يسهل دروبك
وللرفع لمن يستطيع مساعدة الاخت

وعليكم السلام اختنا بنت البوادي
واهلا وسهلا بك في بلدك سوري عن فندق الميريديان هو فندق خمس نجوم واما الاماكن السياحيه كثيره منها الزبداني وبلودان حيث يوجد فيها مغاره موسى واسواق وفيها مطاعم موجوده في جبل يونان وجلسات شعبيه اما عن دمشق يوجد فيها مولات مثل سكي لاند شام ستي سنتر تاون سنتر واحه سنتر وكوين سنتر ويوجد في سوريا عدد من المناطق السياحيه مثل حمص وريفها اللاذقيه وريفها كسب صلنفه ام الطيور راس البسيط وغيرها اما عن طريق لبنان سوريافهو وميسر وسهل هاي ويه تمنياتي لك برحله موفقه ولاتنسينا من التقرير

اخواني واخواتي من قام بالرد علي اسألتي
مشكورين وماقصرتوا ,,انشالله اخدمكم بالافراح .. وهذا مب جديد عليكم دوم بالخدمة
قواكم الله جميعاً وانتظروني انشالله

اختي بنت البوادي دمشق جوها وايد حار , قعدوا في بلودان بارده وحلوه

بسم الله
السلام عليكم ورحمه الله وبركاته
وعليكم السلام ورحمة الله وبركاته .. وياهلا ومسهلا ..
اخواني واخواتي .. اللي عنده خبره بسفرة سوريا
هلا بالأخت الكريمة .. وابشري الجميع في هالمنتدى بيخدمونك وأنا إن شاء الله واحد منهم .
ياريت يزودني بالمعلومات الاتية:
نزودك .. إقرأي ثمن سوي أمر طباعة وتوكلي على الله .
حيث قررنا السفر إلى سوريا في بدايه شهر 8 انشالله
ممتاز خير ماسويتوا ووقت مناسب جداً .. خاصة وان الجو في قطر رطوبة وحر ..
وستكون الرحله قطر / البحرين/سوريا /لبنان/سوريا/البحرين/قطر
الله يعينكم على الإقلاع والهبوط ... والله إنكم بتوصلون لسوريا كل واحد قافلة معه من التعب .
بننتقل إلى لبنان بالسياره
تمام .. تروحون وتوصلون بالسلامة .
ياريت من أصحاب الخبره يخبرونا شلون الطريق بين سوريا ولبنان،
الطريق ممتاز الطريق السريع مسارين رايح وكذلك مسارين راجع يفصل بينهم سور لين توصلين للبنان .. بعد بيصير خط واحد رايح جاي لين توصلين لبيروت وزحمة وقرف .
هل متعب ولا ميسر
إلى الحدود ممتاز من عقب الحدود يبيلك تركزين .
واحنا حجزنا في فندق الميريديان دمشق مادري هل مستواه جيد 5 نجوم ولا شلون
والله الفندق وانا خوك مهوب ذيك الدرجة ولو إنه 5 نجوم .. عندي فندق الشام 5نجوم أحلى منهم واللوبي على الطراز الشامي القديم .. وعندك فندق الفور سيزونز 5نجوم ما عليه كلام .
لكن المرديان مهوب شين ولكن مهوب ذيك الدرجة .. من وجهة نظري الخاصة .
وفي لبنان شتنصحوني بأي الهوتيلات لاني ناويه احجز من سوريا حق لبنان
والله أما عن لبنان ما رحت لها إلا مرتين .. لكن أفخم فندق هو فينيسيا الأنتركونتينتال .. مهوب صاحي من جد .
وشنهي المناطق الجميله في سوريا اللي فيها طبيعه حلوة وجوها حلو، وهل توجد مراكز تسوق (مولات) في سوريا
المناطق الجميلة (البراد): ريف الشام ( مضايا - الزبداني - بلودان ) تحسين إنك في قطر من كثرة الخليجيين من جد .
المناطق الجميلة (البراد + الطبيعة الخلابة): شمال الشام ( صلنفة - كسب ).
بخصوص المولات : الي يزين سوريا إن ما فيها مولات فيها أسواق تاريخية في دمشق( سوق الحميدية - سوق الصالحية ) وأسواق عادية كذلك ( سوق الحمراء ) .هذا الي يحضرني .
الرجاء تزويدي بالمعلومات الله لا يهينكم
هذا ما لدي .. وأرجوا ان تكوني وجدتي ما تريدين من إجابات .
وجزاكم الله الف خير
وإياك .
تحياتي ،،،