وعليكم السلام اخوي
يعني ماتحبون الريف!!تفضل المدن اكثر
وكم عددكم
ميونخ-سالزبورغ-كابرون -انسبروك -انترلاكن-ميونخ
دام انتم شباب مااظن طول المسافه تزعجكم
كابرون اوزيلامسي+انترلاكن

مرحبا الريم
مشكوره على الرد الوحيد اللي وصلني
اختي نحن نفضل الارياف اكثر بس يبالنا مدن عسب ما نمل
المخطط حلو ومشكوره
نحن 5 او 4 اشخاص
يعني اذا تفيديني اكثر بالايام لكل منطقه
جزاج الله الف خير

مرحبا اخوي
ليله ميونخ واستئجار سياره من احدى فروع السنتر وتحميل الحقائب والتوجه الى
كابرون او زيلامسي 5 ليالي ثم انسبروك ليله ثم تكمله الطريق الى انترلاكن 4 ليال
ثم التوجه الى ميونخ 3ليال وتسليم السياره عند اول يوم وصول لميونخ
هذا مخطط 14 ليله/15يوم
كابرون +زيلامسي =منطقه وحده تختار اي وحده منهم زيلامسي بها بحيره وزحمه وكابرون هاديه وابرد
انسبروك فيها عالم الكريستال شوارفسكي
وانترلاكن ريف ايضا مثل زيلامسي واغلى من النمسا وطبيعه حلووه
ميونخ مقاهي ومجمعات اسواق
المخطط2
تستاجر السياره من مطار ميونخ وعلى طول الى سالزبورغ ليلتين ثم زيلامسي 5ليال ثم اذا على الطريق بتزورون عالم الكريستال او تكملون مشواركم الى انترلاكن 4ليال ثم تختمونها بميونخ 3 ليال وتسليم السياره
في ميونخ قيادة السياره صعبه فالافضل استخدام المترو والباص
واي استفسار اتفضل

مشكوره اختي وماقصرتي يعطيج الف عافيه
مخطط روعه
واذا اي حد عنده اي اقتراح يتفضل ومايبخل علينا بالمعلومات
ولكم جزيل الشكر