1. ثاني شي ..


2. الشي الرابع والاخير ..

السلام عليكم ..
اول شي حبيت اشكر جميع المشرفين والاداريين القائمين على هذا المنتدى الاكثر من رائع ..
بالنسبه للموضوع ..
انا راح اسافر الى امريكا يوم 30/9 ان شاء الله يعني قبل عيد الفطر بيوم تقريبا وراح تكون الرحله كالاتي
اول محطه راح تكون لوس انجلس وراح نقعد فيها تقريبا 7 ايام ..
ثاني محطه راح تكون لاس فيغاس وراح تكون 3 ايام ..
ثالث محطه اولاندو وراح تكون 10 ايام ..
رابع محطه نيويورك 5 ايام ..
الي بغيت اسأل عنه اول شي بالنسبه حق ترتيب الايام بالنسبه للمناطق هل هو مناسب او لأ ؟
وثاني شي بغيت اعرف شنو احسن الاماكن الي اقدر ازورها ابكل منطقه ؟ بشرط انها اتغطي كل الايام
الي بقعد فيها ابكل منطقه .. مثال/ شنو احسن 6 اماكن تنصحوني اروح لها في لوس انجلس بما فيها المولات والمطاعم طبعا .. وجذي على كل منطقه .. يعني جدول مناسب اقدر اعتمد عليه في سفرتي
ملاحضه ..
احتمال اروح ميامي من اورلاندو واقعد فيها يوم كامل .. تنصحوني بهالشي او يبيلها اكثر من يوم ؟

ثاني شي ..

بغيت اعرف وين تنصحوني اسكن ابكل منطقه وشنو احسن الفنادق الي اقدر اطلع عليها وتكون مناسبه من حيث المكان والسعر .. اذا قلت ان ميزانيه الليله الواحده من 100 الى 150 دولار لغرفه مزدوجه لان المدام راح تكون معاي ان شاء الله ..
ملاحضه ..
مو مهم يكون الفندق خمس نجوم .. عادي لو اربع .. اهم شي يكون مكانه مناسب
الشي الثالث ..
بالنسبه للطيران الداخلي هل تنصحوني في طيران الجت بلو ؟ يقولون انها شركه جديده وحلوه ؟ او تنصحوني ابشركه ثانيه غيرها ؟

الشي الرابع والاخير ..

انا حاجز من الكويت الى لوس انجلس من الكويت بعد ما انزل في مطار نيويورك طبعا .. وبعدين بروح من لوس انجلس الى لاس فيغاس عن طريق السايره او باص سياحي وبعدها راح اطير من لاس فيغاس الى اولاندو ومنها الى نيويورك شرايكم
بالخطه حلوه او تنصحوني اغير فيها ؟؟
طولت عليكم وسامحوني راح اخذ من وقتكم معاي
بس انا فعلا محتاج النصيحه من ناس خبره مثلكم
شكرا لكم مقدما ..