وعليكم السلام ورحمة الله وبركاته:.
حياك الله اخوي كريم .
نهاية 2013 ..يعني في اكتوبر ؟؟ اقولك اوكي ..بداية اكتوبر تعتبر بداية خريف.
لكن
أفضل الاجواء في سويسرا ..مايو ..شهر خمسة ..فترة ذوبان الثلج .
.
بالنسبة للمواصلات ..متعة القيادة في سويسرا لها متعتها الخاصة جدا ..واذا بغيت تريح بالك وتركب القطارات وما عندك مشكلة في الانتظار للقطار او الباصات ..اختار القطارات ..وتوجد بطاقات السويس باس اللي تشتريها وتعطيك حرية التنقل بالقطارات والباصات والبواخر .

http://www.aboaziz.net/blog/?p=683
=============
وفي انتظارك أخوي.

هلا اخوي مشكور على الرد بالنسبة للوصول والمغادرة لحد الان مادري لكن انا حاط براس اربع مدن سويسريا ان شاء الله بزورها انترلكن لوقانو جنيف اروسا ياليت تساعدني وين ابدا ومنين ارجع
بالنسبة للقيادة حاب اجربها بس خايف من المرتفعات اخوك تراه غشيم
اما الوقت اقدر ااخره اذا ماتنصحني بالخريف والشتى لان حاب اشوف الطبيعه

الطبيعة أخوي ..مافي زي الربيع ...خيال..
على العموم ..الامر راجع لك..والله يكتب لك اللي فيه الخير.
بالنسبة للسيارة ..هنا نقطة مهمة ..سويسرا من وسطها وانت نازل سلسلة جبال الالب..يعني مرتفعات ومناظر تسر الناظرين.
لكن اذا عندك فوبيا المرتفعات ..انصحك تغير موضوع السيارة الى التنقلات بالقطار.
هذا من رأيي.
لكن لو عندك رغبة في التجربة ..فالقيادة في سويسرا متعة حقيقية.
وما يبيلها حرفنة ودرفتة ..خذ سيارة اوتوماتيك ..وامشي مع السيارات ..طلعة اطلع ..نزلة انزل ..كأنك في جبل الهدا ..حتى امكن جبل الهدا اخطر.
صحيح الطريق ضيق ومسار واحد ..لكن ما دام ماشي على مهلك ..تقدرلها.
واذا بغيت تريح بالك ..القطارات ..وتاخذ السويس باس المناسب لمدة اقامتك..في سويسرا.
======================
بالنسبة للمخطط:
كإقتراح ..الوصول الى جنيف ..والمغادرة من جنيف.
الوصول جنيف والسكن في لوزان يومين
انترلكن خمسة ايام
أروسا يومين
لوقانو ثلاثة ايام
جنيف ثلاثة ايام
او الوصول الى جنيف والمغادرة من ميلان.
جنيف 3
انترلكن 5
أروسا 2
لوقانو 3
ميلان 2
ولك حرية الاختيار أخوي.
وبالتوفيق

مشكور وماقصرت المخطط الثاني اعجبني بس كيق ممكن اعرف المسافة بين المدن

العفو أخوي .
لمعرفة المسافات
عن طريق خرائط قوقل::
وهذا الرابط يفيدك كثير.
https://artravelers.com/p/re/545100
وهذه اسماء المدن بالانجليزي:
Geneva
Interlaken
Arosa
Lugano
Milano

حدد أيام السفر المتاحة لك
وميزانيتك المالية
واختر وجهتك اللي تتناسب مع ما تحبه انت (طبيعة، ثلوج، ريف، حضارة، ....)
كل هذا كوم واللي بقوله تحت كووم ثاني
في سفرتك انصحك تستأجر سيارة من المطار إلى المطار... متعة متعة متعة
ترا عادي تقدر تجرب الميترو او الترين
كل فندق تسكنة يعطيك بطاقة تستخدمها في المدينة اللي تكون موجود فيها ومجاناً
بس اعتمد على السيارة والقارمن وادعي لي
بالتوفيق