سلام عليكم اني شاب عراقي اسمي محمد 23 سنه من بغداد والضروف وخصوصا في بغداد معروفه للجميع ميحتاج احجيهه ادخل بالموضوع مباشرا
اني مقرر اسافر لمصر اريد اعيش هناك فياريت من اخواني العراقين الي مشكورين علا مساعدتهم النا في هل ضرف الصعب وخصوصا ابو لبنى والكل الموجودين في المنتدىيساعدوني في بعض المعلومات يا اخواني وعندي جم استفسار
1_هل اكو شقه علا كدي لنفر واحد بس شقه مرتبه ومووثثه وياريت بمنطقه 6 اكتوبر لان يكولون اكثر العراقيين هناك واذا اكو بيش يحصل ايجار شهري كمعدل يعني
2_انتو كلكم تعرفون اني شخص واحد يعني علا كوله العراقيين (بطرك روحي) ياريت تقدرولي شكيد مصرف يرادلي هناك بالقاهره بالشهر تقريبا حتى اعيش هناك يعني فد رقم تقريبا شكيد يا اخوتي انتو اهل الخبره هناك اكيد راح تفيدوني وهذا عشمي بيكم يا اخواني العراقيين يعني يالاضافه الى الايجار واكلي وشربي وطلعتي شكيد يرادلي بالشهر هذا اهم شي واعتمد بيه عليكم يا اخوتي
واني هم خريج جامعه يعني لا اريد ادرس هناك ولا اي شي بس اريد اعيش معزز مكرم في بلد امن فارجو مساعدتي بتقدير الاحتيجات الماليه وياريت تكلولي سعر الطياره من بغداد للقاهره شكيد وهل يوجد بس روحه وشكيد مده الفيزه مال مصر يحقلي ابقى بيهه وشكيد يحقلي امدد
وشكرا الكم يا اخوتي العراقيين واني متاكد مراح تقصرون لا والله
والشكر الجزيل الكم وياريت الرد السريع يا اخوتي