areejA
03-12-2022 - 01:41 am
السلام عليكم .. كيف حالكم ؟ هذي اول مشاركه لي بالمنتدى الجميل اللي دائما استفيد منه بكل سفراتي عندي استفسارات وياليت تساعدوني فيها اول شي انا ناويه لسفره للندن ان شاء الله بعد عيد الفطر بدايه شهر اغسطس وراح اجلس تقريبا 15 يوم بس محتاره بالسكن هل اخذ فندق او شقق مفروشه ؟ على العلم اننا عائله 7 اشخاص فمادري ايش بيكون الافضل لنا ؟ وياليت ترشحون لي فنادق او شقق بالاسماء .ثاني شي بالنسبه للتنقل هل الافضل ناخذ سواق طول وقت سفرتنا او نستخدم الاندرقراوند ؟ واذا السواق افضل ممكن ارقام لسواقين عرب موثوق فيهم ومجربين ؟وشكرا لكم مقدما
حياك الله اخت اريج ومرحبا فيك بين اخوانك
المدة مناسبة 15 يوم في لندن جدا جميلة وحطي في بالك بتروحين عز الموسم لذلك الاسعار بتكون مرتفعه نوعاً ما في لندن وبما انكم 7 ماشاء الله من رأيي شقة احسن لكم والشقق عندك موقع هوم اوي او بوكينق ابحثي عن مايناسبكم او تتواصلون مع احد في لندن يحجز لكم شقة حسب المعرفه ولو خذتي فرة بالمنتدى بتشوفين اكثر الناس مشكلتهم في البحث عن سكن وغالي في لندن او تحجزون فندق اول الايام ومن هناك تدورون في المكاتب المنتشرة في الاجول روود وانتم وشطارتكم معاهم في المكاسر بالسعر
التنقلات في لندن سهلة وميسرة ومتوفرة بكل مكان اما عن طريق الاندرقراوند او عن طريق الباصات بتكون اوفر لكم فلأفضل بطاقة اويستر لكل شخص تشترونها من مكتب المحطة ب 32 باوند للشخص لمدة اسبوع تنقل حر مترو وباصات والاطفال مجاناً .
هذا والله يوفقكم