يسعد لي مساكم بالخير...
انا ان شاء الله عقدت النيه السفر الى النمسا وسويسرا الشهر الجاي مارس
وموعد الرحله راح تكون 5 مارس
يفضل ان يكون التوقيت في منتصف ابريل الي نهاية اغسطس
وغير هالتوقيتين لايفضل السفر الي اوروبا , لان الثلوج لا زالت تغطي جمال طبيعة النمسا وسويسرا
ابي منكم احسن خطوط وهل الجو بيكون حار ام بارد ...واذا بغيت انتقل من النمسا الى سويسرا او العكس اطلع طياره ام سياره وهل المسافه طويله...
وش احسن الاماكن والفنادق بها الدولتين....
وكم ممكن التكلفه تقديرياً... زوجين وطفل عمره سنتين ونص ...
اللي يقدر يساعدنا الله يجزاه خير....
اغلب السياح الخليجيين وهذا ما اراها انا
ان تكون الدولتين إما النمسا والمانيا ,,,, او سويسرا وفرنسا
او بالامكان وضعها النمسا وسويسرا .... ولكن يجب ان تكون هناك سيارة تطوفون بها من النمسا الي سويسرا
الافضل حاليا البد في حجز الطيران ....الأفضل الإمراتيه يليها القطرية وبعدها الاتحاد ... والاقل سعر المصرية والتركيه وهناك ايضا الأردنيه ...
ابد بحجز افضل سعر يناسبك واختيار مدن الذهاب والعوده
اذا كان البرنامج سويسرا والنمسا
تكون الوجه الي فينا في الذهاب والعودة من جنيف
واذا كانت النمسا والمانيا
الذهاب الي فينا والعودة من ميونخ , لان ميونخ يوجد بها اسواق اوت لت عدد 2 تقع بمدن قريبه من ميونخ او العوده من مطار شتوتغارت القريب جداً من من افضل سوق اوت لت في المانيا او اوروبا بشكل عام من وجهة نظري
بعد الطيران يتم تحدد المدن وكل مدينة كم يكفينا من يوم
واتمنى لكم رحله موفقه
ابومعن

مرحبا
الافضل النمسا والمانيا او سويسرا وفرنسا مثل ماقال اخوي انسان ولهان
طبعا النمسا والمانيا ارخص من سويسرا والمسافه بينهم قريبه
ولاتنسى ان الأجواء بارده جدا

تكمله
اوروبا مافي شي اسمه حار اذا شهر 6 و 7 و8 يعتبر بارد بالنسبه لنا
مابالك شهر 3 بارد جدا جدا
خاصه في الارياف واحتمال تكون ثلوج والعلم عند الله
انصحك اذا اول مره تسافر اوروبا
انك تبقى على التمسا المانيا
ممكن يكون الوصول فيينا ثم سالزبورج ثم زيلامسي ثم ميونخ والعوده الى الوطن
والمسافات قريبه جدا من بعض ابعد مشوار 3 ساعات تقريبا بالقطار ومافي تنقلات بالطياره
افضل خطوط تروح النمسا عندك القطريه والاماراتيه ثم تجي klm واللوفتنزا و التركيه والاردنيه والمصريه

اخوي انا مثلك ب 18 مارس رحلتي ان شاءالله ويقولون برد بس ان شاءالله يكون فيه طبيعه حتى لو شوي مابنكون طماعين ( :بخصوص الطيران حجزت على النمساويه ارخص شي بس انتبه لمواعيد رحلاتهم لان وقت الوصول الساعه 6 الصباح والفنادق دخولها الظهر بس ماهتميت لهالشي بحكم الدوله جديده علي وبرضو بستاجر سياره ان شاءالله وبنفرفر فيها حتى ويجي وقت دخول الفندق او يمكن امرهم اقردنهم يدخلونا بدري ربهم يوافقون
اذا ماعجبتك النمساويه احجز على الاماراتيه هي الافضل اتوقع
موفق

النمساويه من وين تطلع ؟
ماتطلع من السعوديه !