:55654:
:55654:
بصراحة اليوم بس شفت الموضوع أعذرني أخوي..
و:55654: ثانية لأني ما زرت لكسمبرغ ولكن كتبت تقرير من النت.. ممكن تتطلع على هذا الموضوع المميز للأخت سحابة أعتقد يفيدك..
https://artravelers.com/p/re/51837
من وجهة نظري تروح بلجيكا وتزور لكسمبرغ 3 ليالي ..
أو تزور ألمانيا ومنها للكسمبرغ..
أما لكسمبرغ تقعد فيها طول المدة حرام البلد صغيرة جداً يكفيها 3 ليالي..
وأتمنى من الخبراء اللي زارو البلد يفيدونك..

وينك يا سحابه ياليت تساعديني وتجاوبين على اسئلتي

ولايهمك أخوي أنا بأتصل فيها الحين وبأبلغها .. لأنها بصراحة ماتدخل يومياً المنتدى.. تحياتي..

هي أرسلت لي بأنها بتجاوبك بس غريبة أشوفها تأخرت .. عسى المانع خير ياسحابة .. السفير لا زال ينتظر ..

بصراحه ماقصرتي ياحتشبسوت
وبانتظارك ياسحابه

1. باختصار :


2. الناس أذواق

Sorry
آآآآآسفه على التأخير بس والله ظروفي خارجة عن السيطرة
أشكر أولاً أختي حتشبسوت إنها أرسلت لي تخبرني عن الموضوع ..
ثانياً : أبشر أخوي سفير الوطن باللي يسرك...
نبتديء أولاً بالإجابة على أسئلتك :
1-هل هي دوله صالحه للشباب؟
ما أعرف إيش تقصد أخوي بالضبط ... بس حالها حال كل دول أوروبا اللي مريت عليها تصلح للشباب والشياب
الإجابه : نعم
2-هل هي دوله غاليه ولا رخيصه؟
صراحه حنا جلسنا 3 أيام ..سمعنا إنها غاليه ... بس حسيناها عاديه ... أكيد مو رخيصه بس مو أغلى من
ألمانيا أو فرنسا .. ( لاحظ كان صرف اليورو 4,6 تقريبا عام 2005 والآن أكثر من 5,5 ...بيقرق بس مو كثير ...)
3-كيف الجو في اغسطس؟
حنا رحنا في جولاي وكان حلو _ يعني أغسطس برضه بيكون حلو .
4-هل تحتاج لفيزه خاصه؟
لا - التشنغن فقط .
5-كم يوم تستاهل؟
3-4 أيام فقط .
6-هل هي دوله امنه؟
جداً وفوق ماتتصور - بس أكيد ماكنا نطلع بالليل متأخر .
7-هل يتواجد فيها خليجيين؟
شفنا أثناء تواجدنا عائلة سعوديه فقط . التواجد قليل ( وربما تكون هذه ميزه !! تحس إنك سافرت من جد )

باختصار :

الناس أذواق

أنا البلد عجبتني وماشفت في عمري ناس لطيفين مثلهم ...لطافتهم خياليه ...تحس وانت تمشي إنك سعيد ... والناس محترمتك ... والبلد نظيفه ومرتبه ... أحسها كأنها مرسومه رسم ... لوحات إرشاديه في كل مكان ... كأن أحد ماسك يدك ويدليك ...
وإذا بتروحون بسياره ( وهذي نصيحه ثمينه جداً أنكم تخوضون هالتجربه الرائعة في الحياة :24
راح تشبرونها شبر شبر ... وبتمرون على كل سكه وحي في لوكسبورغ ...
ويبقى الرأي رأيكم
واسف اذا كثرت عليك بالاسئله
أبد والله - كل ما طرا على بالك سؤال لايردك شي .. بس قول لحتشبسوت ترسل لي مسج على جوالي
مواقع ممكن تهمك:
http://www.hotels-europe.com/info-countries/luxemburg/country.htm
هذي صفحة فنادق في شهر أغسطس :
https://www.booking.com/searchresults.html?aid=1300939
وياهلا

بصراحه احرجتيني ياسحابه على ذوقك وشكرا لك والشكر موصول الى حتشبسوت
بس عندي سؤال
كم تبعد بالسياره عن باريس؟
وشكرا لك

شكراً سحابة على الرد الحلو.. كفيتي ووفيتي..
سفير الوطن .. العفو ما سويت غير الواجب.. وأنا حاضرة لجميع الأعضاء بالبوابة الأوروبية..