معلم صعوبات
29-09-2022 - 07:33 pm
السلام عليكم ورحمة الله وبركاتةحي الله اهل المنتدى اللي له فضل كبير في جميع سفراتي ..
انا هذي اول مرة اطب اوروبا بس من خلال تقارير الاعضاء اللي جد نفعتني جبت بعض المعلومات عن المدن اللي قررت ازورها ..
انا ان شاء الله بروح معي الوالد والولدة الله يحفظهم ومعاي 2 اخواني الصغار ..
راح نمشي باذن الله الخميس هذا اللي هو 19 اكتوبر وبنوصل الظهر في ميونخ والعودة باذن الله بتكون في 31 اكتوبر من فرانك فورت .
راح استآجر سياره من ميونخ وبطلع على طول لسالسبورغ بخلي ميونخ بالاخير لان العودة من فرانكفورت بسلم السيارة في 29 اكتوبر للمطار وبركب القطار لفرانكفورت .
لكن فيه مناطق ابي امرها وكل منطقة ابي اقضي فيها يوم او يومين على حسب نصيحتكم للمنطقة وابي نصيحتكم في افضل جدول .
المناطق اللي ابي امرها بالترتيب ( ميونخ ، سالسبورغ ، زيلامسي ، سان موريتز ، قارميش ، سيفيلد ، ميونخ ، فرانكفورت )
انا ابي اعرف وش المناطق من هذولي اللي ما يصلح نمسي فيها والمناطق اللي يفضل تجلس فيها كم يوم وياليت لو اعرف افضل الاماكن لكل مدينة من مطاعم واماكن سياحية ..
وهل استطيع ان اعطي المدن هذي لمكتب واخليه ينظم لي جدول ..
تكفون مساعدتكم يا اخوان واخواتي الاعضاء ابيها رحلة ما ينسونها الاهل ..
الله يحفظكم ..
تروح وتيجي بالسلامة