السلام عليكم ورحمة الله وبركاته
وعليكم السلام ورحمه الله وبركاته
الحين شاغلين على الفيزا وما بعد حجزنا :

• هل فيزة الشنقن كافيه لزيارة البلدين؟؟

نعم كافيه
ميزانية كل واحد منا ما بين 15000 الى 20000 ريال (هل هي كافية؟؟)
أيه كافيه
كيف تنصوحوني بتوزيع الايام
جوك بارد يعني 6 ايام باريس مع ديزني و6 ايام سويسرا
و على اي طيران تنصحون (حبذا الافضل والارخص)
مع العلم اني من السعودية بالتحديد من الشرقية(الدمام)
الخطوط السعوديه رخيصه بنظري احجز بدري
وابي اعرف عن اسعار الفنادق في باريس فالشانز و في جنيف (اسعار معقوله)
باريس الاسعار بالشانز اغلبى حبتين بس اذا حجزت بدري بيكون رخيص اذا فندق 3 نجوم ونقول رويال ماقده بيكون في حدود 135 يورو واذا اربع نجوم 200 يورو يمكن ويمكن يكون فيه عروض بذاك الوقت بس اكرر احجز بدري
وكم مدة السفر بين باريس و جنيف
قطار ولا طيران
قطار 3 ساعات وربع حسب الرحلات مباشره ولا فيها توقف
من وين تنصحون نبدأ الرحلة باريس ولا جنيف
باريس والنهايه جنيف وخل حجزك بالطيران عليها
وش هي الصعوبات اللي ممكن تواجهنا
ما ادري عن الصعوبات بس اذا ضبطت رحلتك وهي توها وبتشوف تقارير ونصائح بتقارير الصيف ان شاءالله تتجنبها
وش الاماكن اللي ما تتفوت فالبلدين؟
اسألني عن باريس مهما كانت معك ايام راح تكون بحاجه تشوف أماكن بس للذكر وليس الحصر
ايفل
اللوفر
الشانز
الهضبطه
المسله والكونكورد وساحه تراكادور
ونهر السين والقوارب
وديزني لاند
واللاديفانس
والحدائق
ومتحف الشمع
وبالنسبة لبطاقة الراجحي (فيزا تسوق )هل تشتغل عندهم
وبطاقة الصراف العادية الراجحي تشتغل؟؟
بطاقه الصراف تشتغل وفيزا تشتغل بس البعض مثل تأجير السيارات لا يقبلها
هل العملة بين البلدين موحدة؟
ايه بس بسويسرا الفرنك أكثر ويمكن يأخذون باليورو ويرجعون لك الباقي بالفرنك
المهم الله يخليكم ابي تنظيم كامل (لانها رحلة العمر)
تابع البوابه وراح توصل ان شاءالله لتنظيم رائع

يعطيك الف عافية اخوي فيصل 2006
ونشوف اراء الاعضاء

لو سمحتو استفسار
بالنسبة ل المانيا (ميونخ) بالتحديد
اقدر اروح لها من باريس بالسيارة وهل تسوى اني اقعد فيها يوم او يومين
وكم بتكلفني بالتاكسي لما اروح
شكرا لكم تعاونكم

مسأله تاكسي غاليه فوق ما تتصور
فيه قطار 8 ساعات
مسأله تستاهل ايه تستاهل احجز طيران من الفرنسهي ولا ايربرلين علشان تستفيد من يومك بدون اكثر من ثلث يومك رايح عليك بالقطار
وبالسياره تقدر تروح لها

مشرفنا انا معاه في كل نقطه قواه الله
وش هي الصعوبات اللي ممكن تواجهنا
ما ادري عن الصعوبات بس اذا ضبطت رحلتك وهي توها وبتشوف تقارير ونصائح بتقارير الصيف ان شاءالله تتجنبها
انا اقترح عليكم سياره لان ميزانيتكم حلوه وتستاهل
تاجير سياره بالقارمن افضل من القطار او طيران او تكاسي واوفر لكم والمسافه بين المدن ماتجي فوق 6 ساعات
باريس-ستراسبورغ-ميونيخ-انترلاكن-جنيف
على مساركم اما
(مدينه نمساويه او حتى ميلان )
والتسليم بيكون من جنيف
6 ايام كثيره عليكم في باريس 4 ايام ومن ثم جولة عالسريع لمدن اوروبيه بما انها اول رحله
والفنادق سعرها اقتصادي ماعدا باريس غاليه تقريبا
هذا رايي

مشكورة اخت شموخ
يعني تنصحين استأجر سيارة
وش الخطوات علشان استئجار السيارة :

• هل مكتب الفيفا يسوي لي الرخصه الدولية؟
• هل القارمن يدعم اللغة العربية او على الاقل الانجليزية؟(هل المحل يعلمني على طريقة استخدامه)مع العلم ان سيارتي فيها حق الوكالة يعني مش نفس القارمن وانا ما عندي فكره اساسا عنه
• هل استْجر السيارة من باريس وهل فيه محل مجرب ( كويس )؟؟؟(وش الاوراق المطلوبة للايجار؟؟)
• اذا عندك فكره عن اسعار الايجار للسيارة؟؟

شكرا لكم حسن تعاونكم

مشكورة اخت شموخ
يعني تنصحين استأجر سيارة
وش الخطوات علشان استئجار السيارة :

• هل مكتب الفيفا يسوي لي الرخصه الدولية؟

ولو ,,اكيد والله وانتو شباب مافي اي مشاكل ان شاء الله تعيقكم
الخطوات سهله جدا اي مكتب سياحي يعملها لك واشيد على المكاتب المعروفه
وبنفس الوقت تستلمها لو تقدمها الان تطلع لك انا ارسلت الرخصه مع سايق
اخذوا المبلغ 130 ريال تقريبا وصور حديثه ورخصه قديمه ومدتها سنه
وطلعت ,

• هل القارمن يدعم اللغة العربية او على الاقل الانجليزية؟(هل المحل يعلمني على طريقة استخدامه)مع العلم ان سيارتي فيها حق الوكالة يعني مش نفس القارمن وانا ما عندي فكره اساسا عنه

القارمن لو تاخذه من بلدك داعم خريطة اوروبا تزبط امورك اكيد عربي واي لغه تبيها
مايحتاج معرفه ,, باوروبا مافي سياره تسقط عالواحد الا مركبه القارمن خير دليل

• هل استْجر السيارة من باريس وهل فيه محل مجرب ( كويس )؟؟؟(وش الاوراق المطلوبة للايجار؟؟)
• اذا عندك فكره عن اسعار الايجار للسيارة؟؟

شكرا لكم حسن تعاونكم
الاستئجار هين امره اما موقع انترنت تشوف السياره والموديل ,الخ..
او من هنا ونفس الشركات عندك بطريق خريص شركات متعدده فيك تمر عليهم
منها هرتز,الخ..
او اذا تبي موقع ماعندك مشكله اطلب
والاستئجار اكيد وانت طالع من باريس لان داخل باريس زحمه ومافي مجال تحصل مواقف وكمان مكلفه المواقف
وعندك المترو افضل لكم وسعره رخيص
اما اسعارهم تختلف حسب نوع وموديل السياره
موفقين يارب

لا صارت شموخ هنا صعبه أعقب وراها الا اقولها ما قصرتي والله

شموخ بدونكم ولاشي فا شكرا لك لاعدمناك