لا ذي ولا ذي يبيلها سيارة
فينيسيا مائية وسيارتك بتوقف برا ولا راح تستفيد منها
وميلان زحمة كنها زحمة الرياض
بيضيع عليك يومك وانت ناشب في زحمة ملك فهدهم
ههه
الميترو في ميلان اسهل وارخص واسرع
والامان تمام
بس أنت لا تروح لأماكن مشبوهه ولا توري الناس انك كاش والفلوس عندك كثير وانتبه لشنطتك وبوكك واغراضك ولا راح يجيك شي
بالنسبة للفنادق انا بنصحك بفنادق واحد مجربه وواحد منصوح فيه وراح أسكنه قريب بأذن الله وهي
فينيس
https://www.booking.com/hotel/it/pensione-wildner.html?aid=1300939 ميلان
https://www.booking.com/hotel/it/brunelleschi.html?aid=1300939
وعلى فكرة ترا ميلان حقها يومين وكثيرة بعد عليها
تحياتي لك

ang-55
هلا اخوى
ان شاء الله ماتكون المشاركة الاولى بس
نبيك على طول من الاعضاء الناشطين
الامان بالله اخوى فى اي مكان بالعالم اهم شي لاتتأخر بعد العاشرة يعنى
بعد الغروب بساعة خلاص ارجع الفندق
الفنادق كثير بصراحة بس مادرى كم ميزانيتك ممكن بالليلة
سيارة ممكن تحتاجها وانت طالع من ميلان
او بالقطار عالعموم يومين كافية لفنيسيا
والبقية ميلان بس انت ماقلت كم يوم بتكون مدة السفر
دمت بود

انا اجرت سيارة في فنيسيا و ميلا و ما استفدت منها اي شي داخل المدينة و الفنادق كثير شوف فنادقي رحلتي الي ايطاليا ان شاء الله تستفيد

الله يعطيكم العافيه ماقصرتوا
انا ناوي اروح ايطاليا وسويسرا والنمسا وفرنسا ولندن والمدة 21 يوم
وصراحة ملخبط مدري وش اروح بعد ايطاليا
ياليت تساعدوني شباب بترتيب الدول طبعا الوصول بيكون بميلان والرجعه بتكون من لندن
والمدن الي بروح لها ميلان -فينيسيا -فينا -زيلامسي -كابرون -جنيف -انترلاكن -هايدي لاند-باريس -لندن
وباخذ سيارة بالنمسا وسويسرا بس
عارف اني ازعجتكم بس انشالله ماراح تقصرون

أنصحك بفندق ميركيور ميلانو سنترو
فندق صغير وجميل يتكون من 3 ادوار لو اخذت غرفة رقم 107 تفتح البلكونه تلاقي المترو تحتك يعني يمكن لو واحد طالع من المترو تلاقيه في البلكونة
تحته محل ايس كريم وفواكه ( اله ذكرتني بميلان
)
يسارك شيراتون ديانا ماجستك
يمينك ماك كافيه
وراك شارع كله تسوق من 10 الى 7 العصر مفتوح أسعارها في متناول الجميع يعني مو ماركات (ديور-جيفنشي-لويس فيتون إلخ...........)
الخروج في الليل ماينفع اتعرضت لكثير من المضايقات من (عرب (مصارية مغاربة جزائرين توانسة)(متسكعين) (سكارى البعيد عننا وعنك)
يوجد افارقه في محطات المترو يحاولو يحتكو فيك اخر الوقت قبل مايقفل
حاولو سرقة المحافظ بسبب وضعها في الجينز بالجيب الخلفي وحنا بالمترو لا كن الحمد لله ربك ستر(بنات صغار أعمارهم من 15 الى 18 سنه)
انا سكنت فيه من 21/6/2011 الى 24/06/2011
بالنسبة للبندقية (ماني متخيل اني كنت فيها كأنها حلم)
رحتها يوم وماسكنت فيها روحة وغدا ولفة شراء تذكارات ركوب التكسي المائي (أكل الكرز مع الحر شي جنان) ورجعه
ماانصح بالسكن فيها لأنه مافيها شي مافيها مطاعم عالمية مافيها محلات تقدر تتسوق منها بحرها (غير صافي)(وسخ الله يكرمك) تكاسيها غالية
وجاهزين لأي استفسار

هلا بك اخوي
جدولك محبوس شوي وبيتعبك مرة
لان كل مدينة في مكان وخاصه النمسا وسويسرا
يعني فيينا في اقصى الشرق من النمسا
وزيلامسي قريبة من فينيس
أنت ادخل قوقل ماب وشف كيف المسافات بين المدن
ومتأكد انك بتغير رايك
وبتكنسل كثير من المدن
تحياتي لك

llvlloto
انا خطتي اروح من فينيسيا إلى زلامسي وبعدين سالزبورغ وبعدين فينا تنصحني اخذ سياره من فينيسيا واسافر فيها الين زلامسي وبعدين سالزبورع وبعدين فينا

بسافر عنك
لاما انصحك
لانهم بياخذون عليك زيادة الاستلام في دولة والتسليم في دولة ثانية
نصيحتي لك
خذ السيارة من زيلامسي او من اول مدينة نمساوية عشان تروح عليك هالضريبة
نحياتي لك

llvlloto
الف شكر اخوي
المشكله من فينيس إلى اول مدينة نمساويه كيف الانتقال مافيه قطارات على مااعتقد