ايه والله ياليت الاخوان يفيدونا

مرحبا فيكم ...
جامعة الخليج العربي موقعها مجاور لمجمع السلمانية الطبي ...
هذي خارطة توضح الطريق للجامعة ولمجمع السلمانية الطبي .. الرجاء الضغط على الصورة لرؤيتها بشكل أكبر وأوضح ..

الخط باللون الأحمر جاي من السعودية ... ويؤدي للجامعة والمجمع ...
والخط باللون الأزرق .. خط بديل .. في حال ضيعتوا في التقاطع واعمال الطرق القائمة في هالوقت ....
وأي سؤال حاضرين لكم .... وحياكم الله ...

الغالية
تسلمين أختي ع الرد ..
إذا ممكن شوية معلومات عن المنطقة التي توجد بها الجامعة ؟
وهل يوجد بالقرب منها سكن مناسب و مطاعم وبقالات وخلافها ؟
لأني من سكان جدة ولم يسبق لي زيارة مملكة البحرين مطلقا ...
في إنتظار من يملك المعلومة حول الجامعة مع الشكر الجزيل ..

HeHo81
مرحبا بك أخونا ... ونتمنى لك التوفيق ...
بصراحة ما عندي معلومات عن الجامعة ... لكن هذا موقعها : :- جامعة الخليج العربي -: http://www.agu.edu.bh/
وإن شاء الله حد من الأعضاء اللي درسوا فيها أو لهم حد درس فيها انهم يفيدونك بخصوص رأيهم بالجامعة ...
أما عن المنطقة اللي تقع فيها الجامعة ...
فهي منطقة اسمها (السلمانية) منطقة في وسط مدينة المنامة ... منطقة تكثر فيها العيادات الطبية الخاصة ...
بحكم وجود مجمع السلمانية الطبي فيها .. وجامعة الخليج العربي ... وكلية العلوم الصحية ...
فيها أماكن للسكن .. وممكن تدور عن طريق موقع مجلة الوسيط: http://www.ewaseet.com/classified-main.php?main=1&n=realestate
والسكن في المناطق القريبة لها أيضا مناسب: منطقة الماحوز - منطقة العدلية - منطقة أم الحصم ..
هذي كلها مناطق تكثر فيها الشقق السكنية المفروشة والمحترمة ...
واللي أشوفه ان العديد من طلبة الجامعة من دول مجلس التعاون يسكنون فيها ... وتبعد عن السلمانية مسافة 5 أو 10 دقايق بالكثير ..
الجامعة نفسها عندها سكن للطبة ... لكن عيب هالسكن انه يقع في منطقة الصخير ... وهذي تبعد عن الجامعة مسافة 25 كيلومتر ... وبتشوف معلومات عنه في موقع الجامعة ..
بالنسبة للمطاعم ... في السلمانية مطاعم صغيرة منتشرة ... وقريب لها في المناطق اللي ذكرتها لك العديد من المطاعم المعروفة من فاست فود ومطاعم راقية ومتعددة وكافيهات ...
البحرين عالعموم بلد صغير ... ومناطقه متقاربة ... ولما تشرفنا بزيارة البحرين راح تشوف بنفسك هالنقطة ..
أتمنى أكون أفدتك بمعلومات بسيطه .... وحياك الله ..

الغالية
ألف ألف شكر لك على المعلومات المفيدة بلا شك ..
بس إذا ممكن تذكرين لي اسم فندق راح أنزل فيه أول زيارة ..
لغرض تقديم الأوراق للجامعة يكون سعره مناسب وقريب للجامعة ؟
وسؤال ثاني إذا ممكن : فترة الدراسة راح أكون بلا سيارة للأسف الشديد
فهل أستطيع قضاء إحتياجاتي اليومية من خلال السير بالأقدام أو التاكسي
إن لزم الأمر أم لا ؟ ويسلمو مرة ثانية على الرد ..

HeHo81
مرحبا فيك أخوي ... والعفو .. ما سويت شي ....

• فندق رمادا في منطقة العدلية ... رقمهم 17742000 يبعد عن الجامعة حوالي 10 دقايق ...
• فندق الخليج 5 نجوم ... أيضا في العدلية وقريب للأول ... ورقمه 17713000 يبعد عن الجامعة أيضا 10 دقايق ..

السير بالأقدام.. فكرة غير واردة أخوي ... خاصة في فصل الصيف ..وأيضا شتاء البحرين تراه قارس البرودة ..
التكاسي متوفرة ... والتكاسي بالطلب أيضا متوفرة ... لكن ليش ما تأجر لك سيارة صغيرة خلال مدة إقامتك ..
بيكون أفضل حل من رأيي ... والسيارة تحت يدك .. في أي وقت تحتاجها ..
وحياك الله ...

الغالية
الله يسعدك دنيا وآخرة يارب
معلومات جدا واضحة و مفيدة
بالتوفيق للجميع يارب

للرفع مع الشكر الجزيل