وعليكم السلام ورحمة الله وبركاته
تبين الجد اخيس محل هو طابا والله مو حلو ولا طق الحلا بابه بس الناس اذوق امكن يعجبك بس انا معجبني
هو على طريق الامير سلطان بن عبد العزيز
انتى من وين بتجين علشان اطعيك الوصف الصحيح

تسلمين يااستغفر الله
خ
ياكثر اللي مدحوه انا راح اجيه من الخبر
انا ياالغلا من الرياض ونشبت بحلق زوجي الا اروح له
وشكله بيهزئني لين مااعجبني عالعموم ان حصل لي فرصه باروح له.

راح اجيه من الخبر ساكنه قريب من الراشد
وشكرا خيتو..

على العموم حياك الله في الشرقيه
وان شاءالله يعجبك الناس اذوق ولى المعلوميه هو دائما زحمه والناس كثير بعد عندنا تمدحه هو زي الهرم عندكم بس الناس تقول هو احلا من الهرم
وسبحان الله انا لا هو ولا الهرم اعجبونى ابد مره واحد زرته وتندمت انا راح الوقت فيه على الفاضي
هو صح رخيص مره بس عادي مره
انا بعطيك الوصف عن طريق البحر اسهل واحسن لك
وانتى جايه من الراشد يعني الراشد خلفك رايحه للوجهه البحريه عن طريق شارع الظهران< سابقا >خادم الحرمين الشريفين
وصارت الوجهه البحريه على يدك اليمين ومحلات زارا وال دو على يدك اليسار كملى خذي من عند الاشاره الا عند المريديان يعني فندق المريديان قبالك خذي يمين
بيصير فندق المريديان على يدك اليسار وبيلف فيك الخط كملى
بيصير البحر على يمينك والمريديان على يسارك كملى سيده وبيلف فيك الخط هم كملى سيده وبيجيك دوار خذيه سيده وبيجيك بعده دوار خذيه سيده
وبعد الدوار بيجيك اشاره سيده وبعد الاشاره بشوي بتشوفينه على يدك اليسار
الاشاره هذي بعد ماتتعدينه بتشوفين وكالة غسان لروز رايز على يدك اليمين هو بتشوفينه بعد متعدين الوكاله بشوي على يسارك
له طريق ثاني من عندك بس اخاف تضيعون هذا احسن واوضح
اذا حسيتو انكم ضعتو اسألو اناس بتدلكم اذا ميدلونها قولو لهم طريق الامير سلطان بن عبد العزيز
لانه هو على الشارع هذا
واى سؤال حاضرين

*الجgري*
لا شكر على واجب
احنا هنا علشان نفيد بعض

بالنسبة للوصف ما قصرت الاخ / استغفر الله
وبالنسبة لرأيي في المحل :
كل شخص له ذوقه ورأيه ولكل محل رزقه ومكتوب له
في أيامه الأولى قمت له بزيارة وكانت بضاعته ممتازه واسعاره معقوله ،،، وكل زيارة لي للمنطقة لابد من المرور عليه ( طبعا زوجتي )،،، ويعد مثل ما قال بعض الاعضاء مثل الهرم في الرياض وجده
الله يرزق كل مسلم ومسلمه

استغفر الله
مشكوره الف شكر لك الله يوفقك ويسعدك وينولك اللي ببالك
الهرم عندي بالرياض ونادرا مااروح له بس تعرفين الحريم ههه مدحو لنا شي ولازم نشوفه
عموما انا ماابي منه الا لبس بيت لعيالي ووصفك مفهوم ان شاء الله اروح له ..
ابو احمد
والله يرزقك من حيث لا تحتسب مشكور عالرد.

الجوري...
راح اوصف لك طريق مختصر وبدون اشارات ودوخه !!
انتوا ساكنين يم الراشد ... امسكوا الطريق اللى يوديكم جيان او وكاله لكزس وخلوكم سيده وراح تمرون على اواق بنده على يدكم اليمين .. عدوها وقبل الكوبري خذو يمين !! عشان تمسكون الطريق المحلى بتقابلكم اشاره .. خذوا يمين وبعدها راح يكون على يدك اليمين !!
اتمنى واضح او ردي على عشان ابينه لك اكثر