الله يعطيك العاافيه
اانا مسافر لوحدي في شهر جون ميلادي بالعربي شهر 7 ما هي ولمدة 15 يوم ما هي نصائحك وهل اجلس في فندق في مدريد واذهب للمدن القريبه وارجع لنفس الفندق افضل بالمترو والباصات وغيرها كالقطار كتمشيه وارجع لمدريد ............
فزعتك اخوي .....................

اخوي انا الان في برشلونه
ابغى اروح الاوتليت ماهي افضل طريقة ؟
وفين تنصحني اروح شباب ترى مو عوائل

مسافر و مهاجر
هلا بك اخوي
منطقة الاوت لت اسمها la roca village
وهذا موقعهم الرسمي
http://www.larocavillage.com/LaRoca/home.asp?lan=en
للوصول للاوت لت
التوقف في محطة Sants Estacio
وعند الوصول للمحطه قم بحجز قطار على محطة Grannies
ومن Grannies اما ان تأخذ تاكسي لمدة 20 دقيقه او باص لمدة 30 دقيقه تقريبا
للانطلاق بالباص يجب عليك صعود الباص المقابل للمحطه من الجهه الاخرى للدوار .. اي انه عندما تخرج من المحطه عليك بقطع الشارع وركوب الباص المتوقف بالطرف الاخر
سعر التذكره بسيط جدا ولا يتجاوز ال 5 يورو القطار + الباص .. والعوده تكون بنفس الطريقه

• - - - - - -

اذا انتم شباب حلو تروحون لمنطقة porte olimpica
اللي هي منقطة الارتس اوتيل ( البرجين المتقابلين)
تقدرون تروحون للمنطقة مشي على الاقدام من منطقة الرامبلا
الوصف كالتالي :
في نهاية الرامبلا تجيك منطقة البروت فيل ( مرفأ السفن والقوارب )
وبجانبه الجسر الخشبي
وبعد الجسر الخشبي بيكون على يسارك مول ( ماريماجنيوم) ، بعد المول لف يسار وروح قدام
واستمر وتخطى شارعين وراح تشوف البحر والكورنيش خلف المحلات اللي راح تكون امامك
او اذا حبيت تروح بالميترو _ انزل محطة
Ciutadella Vila Olimpica
ومنها ستجد اللوحات الارشادية لمنطقة porte olimpica
منطقة حلوة وشبابيه .. احلى اوقاتها بوجه نظري قبل غروب الشمس بقليل

• - -

ايضا ممكن تروحون لملعب الكامب نو ( اذا انتم من عشاق البرشا
)

• - -

ايضا هناك مولات ممكن تروحون لها
مول لاماقانيستا _ تصميمه حلو ومكشوف للهواء
مول جديد توه فاتح _ كان حلبة ثيران والان تحول لمول اسمه ( لاس اريناس)
( كنت موجود فيه قبل اسبوع ونص)
تحياتي لك واعذرني على التأخير

ابوعبدالله برق
ابشر اخوي
بس انت ماوضحت بعض الاشياء
هل 15 يوم بتجلسها في مدريد ؟ او تبغى برنامج لمدة 15 يوم ؟
علمني بالضبط وش تبي ؟ وان شاء الله ماراح اقصر معك

الاخ ابو عزام
السلام عليكم
باذن الله قادم الى برشلونة بتاريخ 17-21 يونيو مع العائلة ومعنا اطفال
وش تنصحنا فيه علما بان ابني من عشاق البرشا ونود كذلك مشاهدة مصارعة ثيران ان امكن
وياليت تذكرلي ايضا اماكن اخرى تصلح للعوائل بما فيها مولات معقولة السعر للتسوق وشكرا

abu azzam
الحمدلله دوبي راجع من الاوتليت مره جميل
وبالنسبه للمكان اللي تقول عليه رحته امس الليل ههه منطقه ماهي ك،ويسه ب حلوه وجوها جيد وفيها مطاعم ممتازه وفيها

ابو امجد الشامي
هلا بك اخي الكريم
واتمنى لكم رحلة سعيدة
اذا ابنكم من عشاق البرشا تقدر تزور الملعب وتتفرج على اجزاؤه واقسامه .. فيه اشياء جميلة بالداخل وان شاء الله راح تستمتعون فيها
بالنسبة لمصارعة الثيران , فأعتقد العام 2011 شهدت برشلونة اخر مصارعة ثيران في اقليم كاتالونيا بعد شد وجذب بين مؤيدين اللعبة وبين جماعات حقوق الانسان ، انتهت في الاخير لصالح حقوق الانسان
بالنسبة للمولات ، انا ذكرت اهم المولات اللي في برشلونة .. ولكن برشلونة تعتمد بالدرجه الاولى على شوارع المشاه والتسوق اللي فيها
عندك شارع الرامبلا - شارع جميل ومن اهم شوارع المشاه في اوروبا .. طبعا الشارع مافيه تسوق قوي ممكن نذكره .. لكن اهميته تكون في انه شارع عليه الكثير من العروض والفُرجه وراح تستمتعون اكيد فيه
اما بالنسبه للتسوق .. رح شارع " دي جراسيا " في نهاية الرامبلا بعد ساحه كاتالونيا .. شارع جميل جدا فيه اهم الماركات العالمية ( الرخيصه والغالية )
فيه محل غريب انصحك بزيارته
خذ الوصف :
وانت في شارع الرامبلا وتمثال كولومبوس + مرفأ السفن ( بورت فيل) خلفك .. روح قدام لحد مايجيك مطعم برجر كنج على اليمين ( في شارع الرامبلا مطعمين برجر كنج ) انا ابيك توصل للثاني اللي واقع على اخر الشارع
بعده روح يمين واستمر قدام لحد مايجيك " هارد روك " على اليمين
بعد الهارد روك تمشي شوي بيجيك شارع مشاه على اليمين ادخل معاه وراح تلقى المحل على اليسار اسمه Art .. محل جميل وفكرته حلوة
تحياتي لك

مسافر و مهاجر
هلا بك اخوي
والحمد لله ان المكان اعجبك
ما ادري اذا ردي الحين متأخر او لا ؟
ولكن ممكن تروح للتفريك اللي تشوفه في اعلى مرفا السفن وكذلك تقدر لو حبيت تطلع لقلعه بارك جويل .. تطلع فوق وتتفرج على برشلونة .. مكان جميل والكثير يزورونه
تحياتي لك

السلام عليكم روحمه الله وبركاته
اخوي انا مسافر على برشلونه ان شاء الله في يوم 18/6/2012
وحاب استفسر عن اكثر من شغله بعد اذنك طال عمرك
كيف الجو هناك في ذيك الايام ؟
انا خلصت حجوزاتي على هالفندق Eurostars Ramblas عطني رايك فيه ؟
انا طالع من مدريد الى برشلونه وخلصت حجوزاتي على طيران ايبيريا بس للاسف ما حددت حجم الشنط او عددها بعد ما حجزت هل راح تواجهني مشكله بالمطار ؟
ابي اسالك انا من خلال متابعتي للتقارير الظاهر ان فيه مدينتين العاب في برشلونه وحده اسمها tibidabo والثانيه port aventure وش الافضل منهم للشباب ؟
وحاب اسالك عن القريه او الالعاب المائية كيف وضعها وهل هي تستاهل الذهاب لها مع العلم اني اعشق اللعب والاشياء الي كذا
وهل استطيع ركوب دباب بحري او رحله بحريه ببرشلونه ؟
وهل فيه سينما تعرف افلام باللغه الانجليزيه ؟
تقبل خالص تحياتي