أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
منقول من احد الاعضاء :
المدينة حلوة ، جميلة وهادية ، ويحيط بها أرياف ومناطق طبيعية جميلة
الشاطئ البحري فيها جميل جدا
يكثر فيها كبار السن بشكل واضح
قريبة من لندن ، وسهل التنقل منها وإليها
يقع بالقرب منها منطقة سفن سيسترز وهي منطقة جميلة عبارة عن صخور طباشيرية بيضاء شاهقة الارتفاع وتطل على البحر وخلفها سفوح خضراء وغابات حلوة ، وهي منطقة سياحية مشهورة
البلد مقصد للسواح ، وللدارسين ، وخصوصا دارسي اللغة ، وتعتبر من أبرز مدن جنوب بريطانيا في مجال تعليم اللغة شأنها شأن بورموث وبرايتون
طبعا يكثر فيها الدارسون العرب ، وعموما العرب راح تحصلهم في كل مكان .
الدانه7
حددي بالضبط لندن وين ؟؟ في اكثر من محطة ؟؟
لكن اذا تبي Euston .
من محطة Eastbourne الى محطة Victoria بقطار فيرجن , ومن Victoria الى Euston بTube
مدة الرحلة من ساعتين الى ساعتين وربع
الله ينور عليك اخوي المسافر ايوه كنت اقصد كذا
طيب التذاكر من وين اقصها وهل فيه لها موقع على النت
ابي شرح اكثر الله يسلمك لاني اول مره بسافر لندن
واذا نزلت في مطار جاتوك وبروح لايستبورن هل فيه قطار او لازم استخد التاكسي ابي الوسيله الارخص
الدانه7
وايد اماكن تستاهل الزيارة
ولكن عطيني تاريخ الوصول الى لندن والجلوس فيها كم يوم وتاريخ الخروج واذا ممكن الاوقات ..
عشان اضبطلك جدول من يوم الوصول الى يوم الخروج .
واذا رايحين يوم كامل من ايستبرون الى لندن ,, راح احطلك اماكن معينة ...
قول امين جعل الله يجعلك من كل ضيق مخرج ويسهلك كل ماتعسر ويبارك فيك
حنا ان شاء الله بتكون رحلتنا في 6سبتمبر الى 20سبتمبر بيكون مطار الوصول جاتويك بس عندي سوال هو اقرب ام هيثرو واذا هيثرو اقرب قولي بعد اسماء القطارات بالنسبه للندن بنزورها يوم واحد من الصباح وباقي الايام في ايستبورن واذا تعرف سكن كويس ياليت تقولي والباقي عليك اخو ي المسافر توضحلي بالتفصيل
حنا 2كبار و3اطفال
الدانه7 امين بالنسبة للمطار ما فهمت اقرب من شو ؟؟ افا لندن تعطوها يوم واحد !!؟ مدام انكم رايحين الصباح وبترجعو المساء اول ما توصلو تقطعو تذكرة البيج باص ومعها متحف الشمع وعيون لندن ورحلة النهر
الباص يوقف في عدة محطات
بس انتو راح تنزلو اول شي في متحف الشمع وبعد ما تخلصو , تاخذولكم باص وتروحو الى لندن بريدج وتنزلو تشوفو لندن بريدج وبعدين تمشو خطوتين الى مكان القارب الي راح يوديكم الى البيج بن ,, واول ما توصولو البيج بن تشوفوه ومعاه مبنى البرلمان وبعدين خطوتين مشي الى عيون لندن ,, وبعد ما تخلصو عيون لندن , اذا في وقت ,, روحو الهايد بارك
واذا مافي وقت يبقى خلاص نكتفي بالي زرناه
همسات //
تأكدي ان تذاكر متحف الشمع وعيون لندن فاست تراك .
يفضل حجز التذاكر من البيج باص ,, لانه يكون عامل باكيج بسعر حلو .
الباص يوقف في عدة محطات وشوارع مهمه مثل البيكاديلي وترافلجار وغيرهم,,بس انتو لا تنزلو بس صوروهم من الباص ,وانا ذكرتلك الاماكن الي تنزلو فيها .
الباص طابقين , تحت مسكر وفوق مفتوح ,, افضل شي فوق .
لا تفوتو عرض 3d في متحف الشمع وعيون لندن , متحف الشمع للعرض تذكره غير عن المتحف ,, ممكن تشترونها قبل ما تدخلو وممكن قبل صالة العرض بشوية , عيون لندن عرضها يجي مع التذكره من البيج باص .
مشكلة ايستبرون ما اعرف عنها شي ابد ,, فما يصير ادلكم على فنادق وانا ما ما جربتها ولا احد من الاعضاء جربها , يفضل تدخلو موقع بوكينج او هوتيلز وتشوفو الفنادق ..
المدينة حلوة ، جميلة وهادية ، ويحيط بها أرياف ومناطق طبيعية جميلة
الشاطئ البحري فيها جميل جدا
يكثر فيها كبار السن بشكل واضح
قريبة من لندن ، وسهل التنقل منها وإليها
يقع بالقرب منها منطقة سفن سيسترز وهي منطقة جميلة عبارة عن صخور طباشيرية بيضاء شاهقة الارتفاع وتطل على البحر وخلفها سفوح خضراء وغابات حلوة ، وهي منطقة سياحية مشهورة
البلد مقصد للسواح ، وللدارسين ، وخصوصا دارسي اللغة ، وتعتبر من أبرز مدن جنوب بريطانيا في مجال تعليم اللغة شأنها شأن بورموث وبرايتون
طبعا يكثر فيها الدارسون العرب ، وعموما العرب راح تحصلهم في كل مكان .