المخطط عجبني جدا
بنسبة للشركات التأجير ... عندك هذا :
كود:
www.sixt.com

الليل و النهار
www.sixt.com
الصراحة موقع التاجير خطير واسعاره مرة حلوة..تسلم اخي الكريم ..
هل لازم احجز وادفع قبل السفر ولا عادي اوصل مطار ملقا واخذ السيارة من هناك ؟؟؟
يعني يفرق السعر بالحجز عن طريق الانترنت او الحجز المباشر؟؟

مرايا مبعثرة
الأفضل تحجزون قبل السفر لتضمنون سيارة و الأسعار أفضل

نقطه مهمه مره مره مرره مره
لا تاخذون سياره الا ديزل
انتبهي وتاخذين بنزين لانه مكلف مرره البنزين وبيخرب ميزانيتكم
ولازم رخصه دوليه عشان تسوقين هناك وسهله من اي مكتب سياحي عندكم
واشترو قارمن ويكون فيه الخرايط بالعربي والانقلش عشان ماتضيعوون
وادخلي موقع بوكنق حق الفنادق وشوفي كم الفنادق وكم بتكلفك عشان تحسبينها صح
والله يوفقكم ويسعدكم برحلتكم

تشتاق
شكرا للنصائح الذهبية
طيب سؤال اذا حجزت السيارة وبعدين حبيت الغي الحجز او اغير وقته ..هل ممكن ذلك؟
بالنسبة للقارمن موقع شركة التاجير الي وفره لنا الاخ الليل والنهار جزاه الله كل خير يوفر قارمن حسب الطلب ..اتوقع يكفي
والفنادق اخترتها بس والله زحمة عليها
لكن سؤال لو سكنت داخل ملقا وصرت اروح بالسيارة لماربيا هل فيه مشكلة؟؟ يعني المسافة بينهم طويلة؟ لان اسعار الفنادق بين ملقا وماربيا فيها فرق !
وزوجي متحمس يبي يحضر مباراة لفريق برشلونة..بحثت في النت عن جدول المباريات ولا لقيته !
تحملو اسالتي ..الله يعينكم علي

لا مافيه مشكله ترى مسافه بين ملقا الى ماربيا نصف ساعه على ماظن
واحسن سكن اشوفه ملقا والسبب ان موقعه استراتيجي من ناحيه القرب من المدن التاريخيه مثل غرناطه وقرطبه واشبيليا
بس اهم شي السكن الي بتسكنونه يكون عنده مواقف للنزلاء عشان ترتاحون
وادخلي على موقع قوقل مابز وشوفي جنوب اسبانيا وموقع ملقا بنسبه للمدن المجاوره
http://maps.google.com/

تشتاق
شكرا اخي .. وجدت هذه الفنادق في ملقا.. شرايكم فيها مع سعر الليلة بالريال السعودي ؟
Barcelo Malaga 460 SR
Hotel Silken Puerta Malaga 450sr
Room Mate Lola, Malaga 460 SR from Expedia
وهذه الفنادق في ماربيلا
H10 Andalucia Plaza, Marbella 460 مع الافطار
Fuerte Miramar Spa, Marbella 517 expedia مع الافطار
برشلونة
Gutenberg Hotel,450 SR
Condado Hotel Barcelona
Barcelona Universal Hotel 560 SR Nice
ساعدوني بالاختيار عافاكم الله..لازم ابتدي احجز الفنادق نهاية هذا الشهر لان الفنادق من الحين مافيها حجوزات !
ولا حظت ان اسعار موقع expedia ارخص من booking.com

Barcelo Malaga
هذا سكنت فيه
فندق كا موقع خطير جدا
يعتبر هالفندق في محطه قطار مع مول متوسط الحجم وفي وسط ملقا
يعني كا موقع مرره خطير يعني جعتو بغيت شي السوق خطوتين وانتم فيه ولو تبين القطار جنبك ونفس السوق فيه مكان مكتب صغير اسمه انفرميشين (( معلومات )) تسالينه باي شي يعلمك يعني حق للسياح والناس الي مضيعه شوي
وغير كذا بين السوق والفندق طبعا جدا بجدار بينهم بس قبل ماتدخلين في السوق بتلقين يمكن اربع مكاتب او اكثر لاجار السيارات
بس ترى مدري هل يوجد في الفندق مواقف للسيارات للنزلاء مدري شوفي في النت كاتبين ولالا
اما الفندق كا سكن كان عادي جدا بس فيه لمستين فخامه شوي بس للاسف ترا لا يوجد غلايه مويه اذا كان يهمك الشاهي والقهوه
والله يوفقكم

تشتاق
جزاك ربي كل خير على سعيك لمنفعة الغير وسرعة ردك
بالنسبة للغلاية لا تخاف ..موديتها موديتها
لازم شاهي الصباح ولا ما ينفك الراس