نشر في فرانكفورت

مخطط رحلتي لألمانيا والنمسا بالتفصيل

عادل عبدالعزيز

07-06-2022 - 06:15 pm

بسم الله الرحمن الرحيم
السلام عليكم ورحمة الله وبركاته
هذا مخطط رحلتي ياليت تفيدوني بكم نقطه ولكم جزيل الشكر
ان شاء الله الوصول الى فرانكفورت وارتاح (يوم واحد) وحصلت حجز على الانتركونتيننتال ب440 ريال
وكنت مخطط احجز السيارة من المطار لكن ترددت كثير وودي احجز من وسط المدينه يقولون افضل بالسعر
اليوم الثاني الصباح اروح لمكتب تأجير السيارة وآخذها وعلى طول على قارمش في فندق اطلس (ثلاثة ايام)
بعدين اطلع لسالزبورغ اقعد اربع ايام في شقة احد اصحابي مادحها لي ب250 ريال
بعدين اطلع لزيلامسي واجلس خمسة ايام (مابعد اخترت مكان الاقامه)
ثم ارجع الى ميونخ وارجع السيارة واستخدم المترو الاقامة خمسة ايام (مابعد اخترت مكان الاقامه)
ثم الذهاب الى فرانكفورت بالقطار والإقامه (يوم واحد ومابعد اخترت مكان السكن)
وشرايكم ياشباب بالمخطط وياليت تفيدوني عن اماكن تأجير السيارات القريب من فندق الانتركونتيننتال واسعاره حلوه وعن فنادق او شقق تكون نظيفة في زيلامسي وميونخ وآخر يوم في فرانكفورت
ولكم جزيل الشكر والتقدير
ولا تنسونا من الدعاء

التعليقات (9)

violetq8

07-06-2022 - 09:12 pm

اجر السيارة من مطار فرانك فورت افضل و ارخص و ترى ضريبة المطار بس 30يورو يعني ما تسوة ونت و كيفك بس لو تزور مدينة انسبورك النمساوية من خلال ميونخ او زلميس او سالسبورق. حلو شوفها من خلال تقريري رحلتي الي ايطاليا و الله يوفقك و تري تقريري للنمسا و سويسرا فية مدينة ميونخ اذا ودك تاخذ فكرة بسيطة عنها

عادل عبدالعزيز

07-06-2022 - 10:13 pm

شورك وهداية الله بآخذ السيارة من المطار
بس ياليت الشباب يفيدوني عن السكن في ميونخ وزيلامسي (وياليت يكون شقق فندقية ومجربة)

عادل عبدالعزيز

07-06-2022 - 11:14 pm

;تم حجز اول يوم في فرانكفورت في فندق الانتركونتيننتال ليلة واحدة ب440 ريال
ثم التوجه الى قارمش وتم الحجز في فندق اطلس لمدة ثلاث ليالي ب2000 ريال
طبعاً كلها عن طريق موقع بوكينج
ياليت اللي جرب الفنادق او الاكواخ اللي تديرها عائلة في زيلامسي مايقصرون معي وفي ميونخ بعد ويكون في السنتر لأن في ميونخ بأرجع السيارة واستخدم المترو

دمـوع الوجـد

08-06-2022 - 12:15 am

الافضل يكون مخططك بعد قارمش زيلامسي وبعدين سالزبورغ وبعدين ميونخ
بس اذا ماتقدر تغير مو مشكله
اذا تغى سكن في زيلامسي او كابرون اعطينا التواريخ وكم شخص انتوا واذا معاكم اطفال اعطينا اعمارهم
وياليت تعطينا رابط اوا سم الشقه اللي بتسكن فيها بسالزبورغ
وكمان اعطيني تواريخ ميونخ وابشر لكل خير باذن الله

عادل عبدالعزيز

08-06-2022 - 01:16 am

انا مرتبط بتواريخ اول يوم في فرانكفورت وبعده بثلاث ايام في قارمش لأني حجزت الفنادق والقيمة غير مسترجعه
ان شاء الله سفرتي 11سبتمبر >>>>لاتقولون بدري لأن نظامي نظام فلبيني اخلص اموري بدري وعلى رواقة
اول يوم ان شاء الله في فرانكفورت في الانتر
بعدها ان شاء الله 3 ايام في قارمش فندق اطلس
بعدها كان تخطيطي 4 ايام سالزبورغ في بيت عائلة اسمها josef und Katharina resch وعنوانهم
landw. und gastezimmer A-5340 St.Gilgen/Wolfgangsee
بعدها 5 ايام زيلامسي ماحددت السكن ولقيت خيارات حلوه واسعارهم حلوه في بوكينج لأن خياري يكون في بلكونه وياليت تكون شقه
بعدها 4 ايام ميونخ ماحددت السكن وودي بوسط البلد لكن الاسعار نار
وآخر يوم فرانكفورت ماحددت السكن
العدد انا وزوجتي وبنتي ذو الاربع سنوات
وعندي استفسار بخصوص استأجار السيارة و كرسي الاطفال سعره في اليوم 50 ريال يعني تقريباً 700 ريال في 14 يوم حرام...فيه مشكلة ما آخذ الكرسي

دمـوع الوجـد

08-06-2022 - 02:17 am

اول شي السكن في سالزبورغ من خلال العنوان مو في سالزبورغ ولكن في St.Gilgen هل عندك رابط للشقق
ثانيا انت وصولك 11 سبتمبر وعودتك متى؟؟
وهل انت حاجز في فرانكفورت ليله وفي قارمش 3ليالي ولاليلتين لانك كاتب 3ايام ؟؟
الافضل بعد قارمش تحط زيلامسي وبعدها سالزبورغ ويفضل زيلامسي تكون 6 ليالي على القليل
ارتفاع الاسعار في ميونخ لانه من 17 -9 عندهم مهرجان للبيره راح نحاول ندور لكم خيار مناسب من السكن
الكرسي ماعندك الا حلين لاثالث لهما
اما تستاجر واحد مع السياره او تجيب واحد معاك من بلدك وانت اختار ولايوقفونك بالشارع وينزلون بنتك منك ويتهمونك انك تعرض حياتها للخطر

عادل عبدالعزيز

08-06-2022 - 03:18 am

وصولي ان شاء الله في 11 سبتمبر الى 29 سبتمبر
والسيارة ان شاء الله بآخذها من مطار فرانكفورت وارجعها في محطة قطار ميونخ ...في ميونخ ما راح استخدم السيارة ابي سكن بوسط البلد وقريب من المترو
فرانكفورت ليلة واحده في 11 سبتمبر
ثم ثلاث ليالي في قارمش
ثم 6 ليالي في زيلامسي
وعجبني السكن في هذا بس موقعه بعيد عن البحيرة https://www.booking.com/hotel/at/apartment-lackner.ar.html?aid=1300939
وفي هذا موقعه روعة على البحيرة بس شكل مستواه مو مره https://www.booking.com/hotel/at/appartement-kitzsteinhorn.ar.html?aid=1300939
وعجبني نظافة وسعر الاستديو هذا مع انه بعيد عن البحيرة https://www.booking.com/hotel/at/obersinnlehenhof.ar.html?aid=1300939
ثم اربع ليالي في سالزبورغ (والعنوان بمكان قريب من سالزبورغ وماعندي رابط للشقة بس عندي ارقامه خويي بيتصل عليهم ويحجزلي)
ثم 3 ليالي في ميونخ
ثم العودة الى فرانكفورت وقضاء ليلة واحدة واخيره ثم العودة الى الوطن
وبالنسبة للكرسي شكلي بأشتريه من هنا ...وين المحلات اللي تبيعه؟
ومهرجان البيرة هذا في ميونخ بس ولا كل المانيا...وهل بيكون فيها حركات بركات(مناظر قلة ادب)

دمـوع الوجـد

08-06-2022 - 04:19 am

11-9 الى 12-9 فرانكفورت محجوز السكن
12-9 الى 15-9 قارمش محجوز السكن
15-9 الى 21-9 زيلامسي كل السكن اللي انت مختاره مستواه مش ولابد
https://www.booking.com/hotel/at/appartement-post.ar.html?aid=1300939
الطفله تدفعون عليها 8 يورو كل ليله ويجيبون لها سرير
https://www.booking.com/hotel/at/sonnblick.ar.html?aid=1300939
غرفه عائليه
https://www.booking.com/hotel/at/aparthotel-waidmansheil.ar.html?aid=1300939
الشقه حقت شخصين والطفل مجاني
https://www.booking.com/hotel/at/dorfchalets-kaprun.ar.html?aid=1300939
شاليه حق اربعه اشخاص
https://www.booking.com/hotel/at/ssg-apart.ar.html?aid=1300939
شقه رائعه والطفل مجاني
21-9 الى 25-9 سالزبورغ محجوز السكن
25-9 الى 28-9 ميونخ
https://www.booking.com/hotel/de/senefelder.ar.html?aid=1300939
هذي اقل الخياارت القريبه من السنتر واسعارها تعتبر مناسبه
28-9 - 29-9 فرانكفورت هل السكن محجوز؟؟
كرسي السياره موجود بكل مكان حق الاطفال على حسب عمر طفلك
مهرجان البيره في المانيا القسم البافاري يعني من ضمنها قارمش وميونخ بس غالبا في ميونخ
والله ما قد رحت بهالوقت بس قرات ناس كثير راحوا ويقولون عادي ب ساهم شي لاتطلع بالليل ابدا لانهم بالليل تبدا حفلاتهم

عادل عبدالعزيز

08-06-2022 - 05:20 am

بصراحة بيض الله وجهك ماقصرتي يادموع
آخر ليلة في فرانكفورت ماحجزت.
اللي عجبني Appartementhotel Post و Aparthotel Waidmannsheil و Dorfchalets Kaprun وشكلي ميال الى appartementhotel post بس المشكلة مافيها بلكونه او شرفة لأن معي شيشة وودي استانس في الهواء الطلق.
وبالنسبة لميونخ عجبني سعر الغير مسترد Leonardo Hotel München City Center بس المشكلة انه غير مسترد
الله يرضى عليك ويعطيك العافية
بس بأغلبك شوي وبالنسبة للسيارة مافيه موقع اسعاره حلوه طبعاً السيارة ابي عليها تأمين شامل والكيلوات مفتوحه واوتوماتيك من تاريخ 11 سبتمبر الى 25 سبتمبر
وشاكر مقدر تعاونكم

فرانكفورت المسافرون العرب

مخطط رحلتي لألمانيا والنمسا بالتفصيل