هلا اخوي انا الحمد لله توي واصل على الاماراتية جلست 13 ساعة في دبي بس بصراحة ماحسيت فيها الصراحةمطار دبي تحفة بكل ماتعنية الكلمة من معنى

مرحبا يالغالي بالنسبه لي اقولك روح على الامراتيه لان انتظارك ساعه في مطار الملك خالد يجيب لك الضغط
لان مافيه شي ما غير جالس تنتظر الرحله
اما دبي وعلى كلامك تنتظر 8 ساعات كانك منتظر ساعه وحده بس من الي تشوفه في مطار دبي من جد رايق
مو مطار كانك رايح تتمشى في احد المراكز التجاريه وافخم بعد يعني شي يرد الروح واقولك روح وتوكل على الله على الامراتيه
يكفي ان السعوديه ممله في داخل الطياره ما فيها اي شي
اما الامراتيه ما تمل فيها الترفيه الي داخل من افلام ومسلسلات والعاب على الشاشه الخاصه فيك
يعني نصيحة واحد مجرب الخطوط السعوديه والامراتيه وهي متوجه لم اندونيسيا انا اقولك على المراتيه وبكل قوة

دام معاك ام العيال روح على الأماراتيه وعساها انتظار 24 ساعه وانت ويش وراك وام العيال جنبك
ومثل ماقالوا لك مطار دبي يعتبر متعه للتمشي وقضاء افضل الأوقات اعتبر نفسك رايح دبي ببلاش ومعاك ام العيال
اقولك من الأخر روح على الأماراتيه لرخصها ولتوفر فيها وسائل الترفيه وانها جديده
وانحش واهرب وابتعد وخلك على جنب من الطيران السعودي وفيها ثقالة دم بعد يعني انتظار 4 ساعات في مطار لاتوجد فيه ولا أي وسيلة ترفيه
تحياتي لك وأسف على الإطاله ( بس شدني الحماس )

السلام عليكم ورحمة الله وبركاته . شوركم وهداية الله انا فعلا اخذت مشورتكم وحجزت على الخطوط الاماراتيه وانشالله السفر سوف يكون في تاريخ 3/7/2009 من مطار الدمام واشكر من كل رد على موضوعي والله يجزيكم عنا كل خير

حياك اخوي سلمان وانا بعد كان عندي نفس السؤال بس الفرق اني أجبرت على الاماراتيه
بعد اني مالقيت حجز على السعوديه
في الذهاب 4 ساعات هينه
لكن العوده 11 ساعه وش اسوي بال11 ساعه وخصوصا انه معي اطفال:112:

(ابوعبدالعزيز)
ولاتشيل هم الإطفال تراهم راح يتستانسون في المطار وراح تذكرني بس خل بالك منهم موأنت بعد تطلع مستانس وتنساهم !!!!
اتمنى لك سفرا سعيد
تحياتي