1. صباح الخير لكل


2. بس زوجي يقول لا 3 ايام ديزني و3 ايام نيس و3 ايام باريس

صباح الخير لكل

مثل ما تعودت منكم في هالمنتدى من مساعده ابغى استشيركم لسفره فرنسا حنا مخططين نسافر لفرنسا بشهر يوليو الى الان مو اكيد بسبب الاوضاع اللي حاصله هالفتره وقرار فرنسا الجديد بس قلت اخذ معلومات في حالة عزمنا على السفر وادري فيكم ما تقصرون.
خطتنا زوجي يدفع ويختار فنادق
وانا علي التخطيط وترتيب تمشياتنا هناك
الاشخاص ثلاثه انا وزوجي وولدي عمره 8 سنوات الله يخليه ليه ويحفظه
مدة رحلتنا 9 ايام او 8 ايام انا كنت اقول 4 ايام بديزني لا ند و4 ايام بباريس بحكم انو كل شي هناك رخيص مره

بس زوجي يقول لا 3 ايام ديزني و3 ايام نيس و3 ايام باريس

سؤالي افضل شي نيس 3 ايام او يومين او بلاش منها لانها يقول منطقه ريفيه وانا خاطري بباريس عشان المعالم اللي فيها نروح لها براحتنا رحلتنا الاربعاء من جده ونوصل على طول نتوجه ديزني بعدين اذا تم الموافقه على نيس يكون نيس بعدين باريس.
المشكله الثانيه خاطري اروح لديزني وسط الاسبوع عندهم عشان الزحمه تخف بس خايفه ما ننبسط لانه مايكون فيه فعليات تنصحوني اروح خميس جمعه سبت او احد اثنين ثلاثاء وفيه عروض طول الاسبوع او بس بالويك اند
تكفون قولو ليه خطه حلوه وساعدوني بافضل الفنادق الاماكان اللي تستاهل نزورها والممتعه وخصوصا معانا ولدي صعب الارضاء وبكل شي مثل ما ساعدوني الاخوان بروحتنا دبي الله يوفقهم يارب ويحقق لهم كل اللي يتمنونه بيضو وجهي الله يبيض وجهوهم انا قريت واخذت وحفظت وسجلت من هالمنتدى الرئع والاعضاء الأروع اشياء مهم بس برضو مالي غنى عنكم في مساعدتي.
اتمنى المساعده وبسب قرب اختباراتي والاستعداد لها (دعواتكم بالتوفيق )مادري متى ادخل لانو وقتي زحمه وشكرا لكم مره مره
عشان كذا لا تفشلوني يا قروب فرنسا تكفون
نسيت تنصحوني بايطاليا كبديل كنت ابغى لندن بس زوجي مو متحمس لها وش الافضل لندن او ايطاليا؟