نشر في الشارقة

محتار ومحتاج نصيحتكم بخصوص السكن في دبي أو الشارقه

رئودي

17-12-2022 - 05:11 am

السلام عليكم
أخباركم؟عساكم بخير
بصراحه انا لي فتره افكر ومحتار وتعبت من التفكير
هل اخذ شقه في الشارقه ولا اخذ في دبي ؟؟؟
طبعا لو اخذت في الشارقه بروم يوميا لدبي ، هل يعتبر مشوار مع ذي الزحمه؟ولا المسافه تعتبر قريبه بين دبي والشارقه
طبعا الفتره بتكون من 8 اغسطس الى 15
محتاج نصيحتكم

التعليقات (5)

hafiz

17-12-2022 - 07:24 am

و عليكم السلام
طبعاً الافضل تسكن في دبي زي ما اتفضلت عشان الزحمة ،
انا اقترح عليك في دبي اذا ميزانيتك تسمحلك في كورال شقق جنب مول الامارات و في الديرة شقق ماريوت ، و اذا تبي ارخص في Arabian dreams apartments أو البستان رزيدنس و في غيرها كثير بس هادي اللي في بالي

fahad31

17-12-2022 - 08:25 am

من 8 الى 15 اوغست .. طيب كم ميزانية السكن و ( فندق او شقق مفروشه )
اذا الميزانيه معقوله ممكن تحصل اطراف دبي باتجاه الشارقه .
بصراحه اذا المشوار ( يوميا ) لدبي ما انصح تسكن الشارقه .

mhd85

17-12-2022 - 09:26 am

ما انصحك تسويها مغامرة وتسكن في الشارجة
ثانيا كل الفنادق في الصيف عندهم عروض خاصة

رئودي

17-12-2022 - 10:27 am

بصراحه وجدت اسعار الشقق في دبي نار ارخص شي ب 1300 غرفتين وصاله
شكلي بدور في الشارقه
سؤال أخر هل تنصحوني استأجر سياره ولا استخدم التكسي في تنقالاتي؟؟؟؟
وكم تكلفه اسئجار سياره صغيره يارس مثلا ؟؟
تحياتي لكم

سرمد الليل

17-12-2022 - 11:28 am

أنا ما بزيد على اخواني فالي قالوه بخصوص الشقق
وبالنسبة للتنقل أفضل انك تستأجر سيارة لأنها أرخص بوايد من التاكسي
أنا ماعرف كم سعر استأجار سيارة يارس

بس أسعار الاستأجار في حدود 100 إلى 200 درهم فاليوم
وهذا الي عندي
اخوك
سرمد الليل

الشارقة المسافرون العرب

محتار ومحتاج نصيحتكم بخصوص السكن في دبي أو الشارقه