صباح العسل يا حلوين
أنا مشترك في منتدى المسافرون العرب من زمان بس شكل حسابي ما مفعل و ما كنت أقدر أشارك بس كنت متابع لمشاركات أبطال المنتدى الرائع و إستفدت كثير من تجارب أصحاب الخبره في سفراتي السابقه
هذي السنه وفي شهر 7 تحديدا راح أسافر و بإذن الله تعالى إلى تايلند
السفر بيكون بتاريخ 3/7/2009 لحد 23/7/2009 على الخطوط القطريه
وراح يكون خط الرحله مسقط الدوحه بانكوك الدوحه مسقط على الدرجه السياحيه
والمسافرون أنا و المدام
أنا رحت سابقا بانكوك بوكيت و الحين أريد أزور مناطق جديده علي
عشان كذا حطيت في جدولي هالمره بانكوك و شنجماي و بتايا و كانشانابوري
بس شفت تقرير أحد الأعضاء عن جزيرة كوتشانج وعجبتني كثير فحبيت أضيفها للجدول
بالنسبه لشنجماي أنا خلاص حجزت الطيران الداخلي على الإير آسيا وحجزت فندف Lanna Palace
لمدة 6 ليالي من 14 إلى 20 يوليو
الحين بقت المده من تاريخ 3 إلى 13 و من تاريخ 20 إلى 23
بغيتكم تساعوني في كيفية تقسيم الأيام هذي على بانكوك وبتايا و كوشانغ و كانشبوري
وأنا أعطيتكم التواريخ عشان تعرفوا وضعي كيف يعني مثلا حجز شنجماي ما ممكن يتغير
فحبيت تساعدوني في توزيع الجدول على الأيام المتبقيه
مع ذكر وسيلة النقل و لو فيه إقتراح للفنادق يكون ممتار
أريد وسيلة نقل رخيصه مثل الباصات لو ممكن و فنادق رخيصه بس تكون نظيفه و في مكان حلو
فمثلا هل أروح من بانكوك لكوشانغ على طول وإلا أريح في بتايا قبل؟
وأنا قريت إنه فيه باصات تطلع من بتايا لحد الميناء و بعدين تركب العباره لحد ما توصل كوشانع و بعدها تنزل و نفس الباص يوصلك للفندق هناك
وهل ممكن أطلع من بتايا لكاشنبوري على طول و إلا لازم أريح في بانكوك؟
أو هل ممكن أطلع من بانكوك لكوشانغ على طول وأجلس كم يوم و بعدها أروح بتايا و أجلس كم يوم و أطلع منها طوالي لكانشبوري وأجلس كم يوم ومنها لبانكوك؟؟
أقصد وجود هذي المناطق على خريطة تايلند و المسافات بينهم و ترتيبهم في الزياره
أنا أعرف إنه كوشانغ و بتايا في جهه من بانكوك و كانشنبوري في الجهه المقابله
إسمحولي بتعبكم معي بس راسي مفتر و مالي غيركم